朝早一早去札格勒布o既十六湖國家公園,我好期待架!呢個公園由16個大大小小的翠綠色湖泊同埋山林組成,又有瀑布,好似一個世外桃源。全程行足個幾鐘但都唔悶,因為靚啦,而且d景一路行一路變,好有柳暗花明又一村o既感覺。行完食完lunch就去匈牙利o既哈域斯啦。呢晚間酒店...呀!我真係恨不得炸左佢!!冇冷氣都算啦,咁多日都慣左啦,但...間房簡直係一個昆蟲館!天花板、牆、地,甚至我張床,都有各式各樣o既昆蟲。大佬,我至怕昆蟲。我嘗試用蚊怕水、保濕噴霧,甚至止汗劑泥噴佢,佢都冇事。天呀!我手足無措,又真情流露,忍唔住喊。(哈哈我成日都係咁)我甚至拎晒d書、日記、mp3入廁所,諗住就咁過夜。直到祖父同我換床,熄晒燈,先訓得到。唉。最慘都係呢晚啦...
... read more