wir sind insel reif - bahamas wir kommen..

---

welcome to the bahamas..
mit däne wort und enere richtige bahamische band sind mir am flughafe in nassau, bahamas empfange worde - insel-feeling pur..obwohl mir dän öbe ä halb stund uf de koffer vode steffi gwartet hend und er afacht nöd cho isch, hemmer üs uf die angeblich schöne stränd und das insle feeling gfreut..hend eus dän nochere vergebliche suechi äs taxi gschnappet, am afang isch üs alles recht komisch iecho, bis mir mol gmerkt hend das do ufde bahamas jo links-verkehr isch und jedes auto chli irgendwo anderst stüür-rad hett, isch glich gsi öb links oder rechts, hauptsach es auto wo fahrt..sind den aber heil i üsem hotel ahcho wo mega kuhl glege gsi isch, recht nöch vom zentrum vo nassau, perfekt zum chli nassau go erkunde..das hend mir dän i däne 3 täg au gmacht..sind am 1. tag is atlantis pilgeret, eme recht bekannte und iidrükcklich riesige hotel ufere halb insle, paradise island..die restliche 2 täg hend mir mit stadtzentrum und beach verbrocht..hend dän für die letschte 2 täg ines hotel zügled wochli nöcher gsi isch zude 2 andere girls wo au uf bahamas cho sind, mit ine 2 - lulu und ebefalls steffi - bini dän die restliche 2 wuche no zäme gsi, well steffi no. 1 noch 5 täg bahamas sich ufde heiwäg gmacht hett..
mir 3 mädels hend eus dän ufde weg uf cat island gmacht, notürlich miteme legendäre chline propeller-flugzüüg..d'boardingkarte womer becho hend isch au no recht glatt gsi, afacht sonen plastiküberzogene boardingpass (bild im ahang)..de flug mit dem chline ding isch aber recht guet gange..de flughafe uf cat island isch meh äs hüsli gsi wie än flughafe..:-) umso meh baff sind mir dän gsi womer i üsem hotel ahcho sind..hend nur no gstuuned..isch ein lange strand gsi mit öbe 15 chline hüsli sogenannti cottages..die 10 täg händ mir dän chli mit erhole, schnorchle, insle erkunde und s'esse gnüsse verbrocht..es isch amigs so schön gsi zum erwache und afacht chöne use luege und vor eim isch gad s'glasklare meer...ä dütschi family (eltere und dä 10 jöhrig max) het üs dän au nochli üsi insel ufenthalt versüesst..sie hend üs eimol mitgnoh zum mit ihne go d'insle erkunde mitem gmietet auto, fein go esse und am max sin 10te geburi z'fiire..so sind die 10 täg uf cat island leider vielviel zu schnell verbi gange und mir hend eus scho wieder mösse ufde weg richig nassau mache mitem flugi..
die letzte 4 nächt hend mir dän no in nassau verbrocht, leider recht usserhalb, aber dä einti wo im hotel gschafft hett, isch immer so lieb gsi und het üs chli umegfahre..wie chamer au 3 schwiizer girlies wiiderstoh?!..;-) meh glaubts chum aber noch 10 täg non-stop sunne han ich fast chli gnueg dävo gha und mini 2 mädels au..hend die 4 täg dän meistens in downtown verbrocht amene markt wo's luuter gfaketi täschene geh hät wie vo gucci, coach, prada,..fraue-paradies puur..=) somit sind dän die letschte paar täg sehr schnell vobi gange und mir 3 hend üs leider mösse trenne..steffi und lulu sind noch miami und ich bin zu minere gliebte hostfamily noch san diego bevor dän am mäntig dä tobi (für die wo's nöd wüssed: min fründ..;-)) in san diego glandet isch..
und scho isch wieder 1 monet meh verbi..werd de letschti moent no in california verbringe..news werdet bald folge..
keep you posted, guys..
byeeeebyeee

---

Comments

[Ben]

Tobi in California......
Hey Salü mitenand.....han gad mit übercho das dä Tobi au zu dir gstosse isch....findi gueti sach das ihr zwei da machet :-) Tuet eu sicher guet nochdem ihr eu scho lang nueme gseh hend.... freu mi fuer eu...aber noegscht mal chum i au mit.... also gnuesset nachli sunneundergaend:-)(faebi waer na oepis fuer di) und gnuessets............. see ya ben