exploring california - newport, huntington, santa monica, l.a., monterey,...

---

Hi liebi leser..

Bin nun wiedr zrugg im schöne california siitem 17te august. Die erste 3 nächt hani bi minere ehemolige hostfamily verbrocht, sie händ mir ä dach überem kopf gwährt zwor ufde coach, abr da isch ok gsi für 3 nächt..han dän chli ziit mite family gnosse und no anere recht witzige home-party gsi vo minere hostmam ihrere niechte. Am mäntig isches dän erneut mit sack und pack an flughafe gange go dä tobi abhole und üse gmietets auto abhole..hend dän die erste 2 täg in san diego verbrocht woni ihm dän chli d’city zeigt han, alles andere wär fahrlässig gsi miteme jetlack-maa a minere siite..;-)

Eusi plän hend sich noch däne 2 täg recht konkretisiert und mir hend üs vorgnoh innerhalb vo 2 wuche küste vo san diego noch inkl. San francisco erkundet z’ha, so dass mir die restliche 1 ½ wuche no is landesinnere chönd zu nationalparks, death valley, canyon’s und natürlich id spielstadt las vegas. Sind gester in san francisco ahcho und somit isch üse plan recht guet ufgange..

Jetzt notürlich nochli was Zude letschte 1 ½ wuche..sind mit üsem würklich guete sprützige chevy cobalt (weisse auto ufem bild) alles mehrheitlich de highway 1 noch san francisco uedüset..ufem weg hemmer s’riiche newport beach mit de schöne strandhüüsli inkl. Yacht hafe gseh..wiiter isches dän noch huntington beach (bekannt als en sehr guete spot für surfer) gange womer gad no s’us open vom surfe erlebt hend..isch än riese event gsi mit bmx und skateboarder’s..lustigerwiis hemer am erste obig bim restaurant sueche e gueti kollegin vo mir jacky und ihri kollegin per zuefall troffe, recht zuefall gsi..
noch 2 täg huntington simer dän wiiter ufwärts noch santa monica womer äs velo gmietet hend und noch venice beach gfahre sind go die crazy lüüt döte beobachte..in l.a. hemmer dän imene bankeviertel „glendale“ für paar täg ghuuset, obwohl üs die erste 2 nächt äs beängstigends schnuufe vom zimmer nebet drah chli angst gmacht het hemer de tag dur touristeattraktione wie de walk of fame, chinese & kodak theatre, observatory, hollywood signs und bi üs e sehr schön gmachts ikaufsviertel chöne gnüsse.
Noch dene paar täg idä stadt hets üs zumene rollercoaster (achterbahn) park zoge, six flags. Ganz erhlichgseit am ahfang hani recht angst gha vor dene riesige achterbahn wo überhaupt kein verglich zudene die schwiiz sind, noch paar bahne ischmer abr scho fast süchtig noch dem adrenalinkick worde und so hemmer alli bahn (usert family bahne notürlich ;-))innerhalb vo eim tag duregmacht..
Nochdem adrenalin kik hemmer’s dän wiedr chli ruhiger gnoh und sind wiiter de wunderschöne küste nohr gfahre womer üs dän entschiede hend ä zelt z’kaufe (für nur 20 dollar..), well d’hotels & motels idä hochsession afacht doch chli zu tür sind..so hämer dän in pismo beach g’camped..:-) und werdet das dän au diä nationalparks & co mache.
Bevor mir in san francisco ahcho sind hemer no paar sehr schöni spots gseh ufem highway 1 vo san simeon (chli zu touristisch gsi) mitem hearst castle, monterey über santa cruz..

Über san francisco tüend mir eu dän imene nögste blog informiere, wönd jo nöd das ihr bim blog lese no ihschlofed bi so viel text.;-)

Bis bald..
by tobi & alexandra

Nota bene: Um eu die wilderness vode beaches chli nöchher zbringe, hemmer eu en chline video agängt, wo die zimli angressive und vofrässne vögel zeigt. die person wo go bade isch, het nochde attacke kei verpflegig me ka!!:-)

PS: Üsi bilder wiiset megmol schwarzi pünkt uf, was ufen unerklärbare defekt vode kamera zruggzfüere isch!sorry..

---

Comments

[Madelon]

HeyHey!! ich bi inzwische wieder zrugg i la suisse...wenn sind iär i huntington beach gsi??? miär sind ebe vom 24. bis am 28. det gsi und sind au i pismo beach, monterey und san francisco gsi (zwar vom norde highway 1 abe!) wünsch üch uf jede fall no en hammer ziit!! und verspielet nid zviel geld in Vegas ;-) lg Madelon