welcome to miamiiii..

---

Sodeli ez chume ich au no mit mim iitrag vo miami..:-)) hend leider ide letschte ziit kei internet gha und jetzt chani au kei foeteli uelade, wells sonen public-pc isch..aber i tuene die spoetestens weni am 18.juli wiedr in san diego bin uelade..
zerst mol zu mim pass-problem, isch alles guet glofe ufde botschaft und han daen puentklich dae neui temporary-pass becho, bevori am sunntig do uf bahamas gfloge bin..isch mir en rechte stei vom herze..
aso jetzt zu miami selber..wie ihr jo wohrschindli die meiste wuessed isches meh e party-stadt wie suesst was..;-) d'steffi und i hend ues daen au a de lifestyle ahpasst, was ues wuerklich noed sehr schwer gfalle isch..somit hemer die 5 taeg in miami meh mit usgang, party, schlafe und an beach go verbrocht..isch aber wuerklich eh mega toooolli ziit gsi..ueses hostel womer gsi sind isch dae hammer gsi, alli luuet sind i uesem alter gsi und vo ueberall her (frankrich, schweden, deutschland, norwege, england,..).. meistens simmer alli vom hostel chli duseghockled bis so am 11/12i ide nacht und daen in usgang..isch immer was gloffe und ues isch nie langwilig worde..hend daen au mol nochli stadt erkundet, aber es isch oebe 40 grad gsi dae tag dur und du haesch wuerklich noed sehr viel meh choene mache wie an beach goh..ich werd aber sicher nomol uf miami goh, irgendwenn..
jo und ez bin ich ufde bahamas chli am gnuesse bis am 18. juli..leider wird mich morn steffi verloh, sie gohts zrugg id schwiiz.. ich werd daen mini reis mit 2 anderne woni in san diego kenneglernt han fortsetzte, ebefalls e steffi und mite lu..morn goend mir 3 mitem flueger ufe anderi insel und sind daen doete 10 taeg und daen wieder zrugg noch nassau fuer die letschte 5 taeg..nochdem gohts zrugg noch san diego zu minere hostfamily bis daen am 21. juli dae tobi noch san diego chunt mir go california goend go erkunde..
neui news vode bahamas gihts sobaldi in san diego bin und foeteli muessi luege, vilicht hets ime andere hotel en bessere pc..chan aber leidr nix garantiere..
liebe gruess und hoffe ide schwiiz isch de summer au endli iikehrt..fuer alli die wo as openair frauefeld goend, gnuesseds fuer mich..waer sehr gern au doete..

---