Nach öpe 19 h Busfahrt vo Buenos Aires uf Iguazú (ide Provinz Misiones) bini total kaputt ime Hostel die Nöchi vodem Dörfli glandet. Sogar mit Pool, wo aber nöd soo wahnsinnig relaxend gsi isch will us de luute Luutsprächerboxe näbed dra immer wider de Pitbull mit sim nöd alzu kreative Tacatasong oder de Gangnam Style sich händ müse bewiiise. Jänu so isch das halt i dene „PartyHostels“ ;) Am gliche Abig vode Akunft hani mi no ufd Suechi vome Bankomat gmacht, tatsächli erfolgriich aber leider häts kei Gäld me drin gha zum abhebe. Isch normal Ändi Wuche in Argentinie! I so Moment findis amel no rächt schwirig relaxed im Pool zbädele!! Aber me mues sich da chli uf di argentinisch Lockerheit verlah und devo usgaah das de Bankomat i más o menos zwei Täg wieder ufgfüllt ... read more

Eimal meh hät min Handywecker (Hot Chocolate – You sexy thing!) vo mim Papi sim alte Mobiltelifon gschället, a dem Tag hämmer müse früeh us de Fädere gumpe zum oises Tagesziil erreiche. Was für es hübsches Städtli. Colonia schiint gnau so wies tönt. Chlii, ruig, vil Wind. Find ich uf all Fäll =) Vo Buenos Aires gits täglich e Fähre und inre Stund ischmer scho in Uruguay, Colonia. Eini devo händ dLaura, de Florian, Francois, Mattheo und ich ois gschnappt. Da ich mit vier Franzose unterwägs gsi bi, hani mi zünftig müse is Füdli chlüübe, dasi die Cheibe verstah! ;) aber ich find das tiptop! De Sprachmix zwüsche änglisch, spanisch, französisch und dütsch isch no ganz amüsant..ich forme sogar Sätzli mit allne Sprache drin! De Tag in Colonia hämmer más o menos (= meh oder weniger, ... read more

Juhuuu, äntlich ächli Landluft schnuppere und nöd immer Buenos Aires Abgas und Hundedräck :P Hüt ischs ufen Bsuech uf e sogenannti Estancia (argent. Ranch) gange, öpe 1ehalb Stund vo Buenos Aires Stadt entfernt. Mi sind scho supernett empfange worde. Gauchos i voller Montur händ ois persönlich mit Handshake und Kuss ufd Bagge, so wie sichs ghört z Argentinie, begrüesst. Churz druf abe sinds scho mit Vino Blanco und Tinto (Rotwii) cho und natürli mit Empanadas (Teigtäsche gfüllt, traditionellerwiis mit Rindfleisch). Die händ so richtig Lust gmacht ufs baldige Asado (Grille uf offenem Füür) zum Zmittag. Chum simer mit Empanadiere und Wii trinke fertig gsi, hämer sälber defe ufd Rössli chräsme und en chline Ritt go mache =) Scho bald hätmer gmerkt, dass sich d Gauchos aso gern fötele lönd (findi guet, die händ au superguet usgsend ... read more

Wer hätte das gedacht: Jenny schribt freiwillig en BLOG! Wasmer nöd eso alles macht wämmer keis Handy oder susch unnötigi Unterhaltigsmöchlichkeite hät =) ebe guet, nöd? So, ich schildere mal mini erschte Idrück vo minre Akunft da z Buenos Aires: Ääääntlich nach 15h IBERIA Madrid - B.A. Flugziit imim Appartment iiirgenwo zBuenos Aires acho. Während de liecht rumplig und huupig (ischmer fasch vorcho wi in Indie, was shuuuupe abelangt!) Fahrt, hani schochi mis spanisch wele usprobiere und en Smalltalk füehre mitm Taximator. Es hät tatsächli au (bitzli) funktioniert, aber el homre hät denn eifach druf loos gschwätzt und min part isch dänn eher de gsi: "Sí, sí, aaaah sí,sí,sí,sí,sí,sí, sí compreno un poquito, sí..." gsi =) Dene ischs glich wivilmer verstaht, solang mer irgendöpis seit ;) aja: und si gebed sich au kei Müe langsamer oder ... read more