Mendoza - a weekend full of action!

---

Yeyy! Zwei Täg schuelfrei, d.h. verlängerets Weekend, d.h. Usflug! Wo gahts hi? Yes, Mendoza!

Bekannt für guete Wii und en huufe Action. Ide Provinz Mendoza liit de Aconcagua, de gröscht Berg uf de Südhalbkugle. Im Wikipedia staht er isch 6962m höch.

Guet, dLaura und ich händ also es verlängerets Weekend uf Mendoza buecht, Reiseart: Bus, 14h pro Fahrt. Mir sind schön vorbildlich, unargentinisch pünktlich am Busbahnhof vo Buenos Aires itroffe und händ schnäll bemerkt, das mir nöd di einzige sind wo die paar Freitäg händ wele nutze zum noimez hiifrääse..Chaos puur!

…dezue das mir oise Bus uf Mendoza VERPASST händ, weti nu säge: Mer def sich in Argentinie anschinend nöd uf d Abfahrtstafle verlah, sondern sich a Iheimischi wände. 20.00 Uhr - Mendoza - Andesmar (Busunternehme) isch nämmli de ganz Abig nöd uftaucht...Würkli nöd :D! Nach 5mal bim Infostand nahfröge hät di netti Dame ois dän uf eimal mitteilt, dass oise Bus scho es Zitli ohni ois unterwägs segi. So flexibel wimer sind hämer dän halt 24h spöter de negschti Bus gno und händ us Trotz grad dNacht duregmacht und uf es Tüf mit Quilmes (arg. Bier) agstosse. Salud!

De zweiti Alauf mit Bus verwütsche isch ois denn glunge und chum simer z Mendoza acho, hämer ois im Hostel igrichtet und ois a das hübsche Städtli anegwagt. Im Parque San Martin häts dän oisi erst Siesta gee. Mendoza isch ois allne grad wie Ferie vorcho, die wenige Lüüt uf de Strasse, so vil Rue, kei hupendi lärmigi Autos, kei grusigi Grücht di ganz Ziit, ich ha widrmal sGühl gha chöne zschnuuufe ohni das mini Lunge nacher volle Dräck isch 😉

A oisem zweite und leider schowider letste Tag isch River-Rafting ufm Plan gstande. Äs chlises Shuttle-Büsli hät ois im Hostel abgholt und denn hämmer ois uf de Wäg zum Río Mendoza gmacht. Nach öppe einere Stund dur wunderschöni Landschaft tuckere, hämers dänn knapp unfallfrei is Ziel gschafft. A dem Ort hät eim nöd di dräckig Luft de Atem verschlage, sondern die prächtig Ussicht!!

Ab dem Ziitpunkt isch s Weekend grettet gsi für mich: River-Rafting um Río Mendoza isch eifach sauglatt gsi, ha nurno gstrahled uf dem gäggeligääle Gummiboot =)

---

Photos

Glaceverkäufer
Heladooo, heladooo..

More comfortable?
Observing people in Parque San Martin...

Walking in Parque San Martin..
Muy tranquilo!

View out of the van!
Irgendwo im Nirgendwo in Mendoza

Río Mendoza
Everything settled to go River-Rafting.