Salta – La Linda! | Travel Blog

South America » Argentina » Salta » Salta
March 5th 2013

Published: March 12th 2013

Edit Blog Post

Jennaires

View over Salta

"Salta por Siempre" (Salta für immer) so hät mis Hostel gheisse det. En bessere Name chönt mer nämli gar nöd gee, ha mi bim erste Spaziergang dur das hübsche Städtli scho in Mr. Salta verliebt. Nach Buenos Aires wo voll isch vo Huup-Lärm, Hundegaggi verdräckte Strasse, stikigem Abgas, Hektik, Demonstratione…isch mir Salta grad idyllisch vorcho degäge!

S Hostel vermissi ezt scho, s isch uu eige und voller Überraschige. Zum Bispiil hätmer immer müse ufpasse bim Zmorge ässe im Garte, das eim nöd e riifi Avocado uf de Chopf flügt, will alles vole Avocado Bäum isch det! Mir isch eini ufem Tisch glandet, wohni den grad verspise han. Mmmh so öpis feins! Es anders mal bini verschrocke, will plötzli irgend es komischs Tierli über mini Füess kroche isch..bi gnäuerem aneluege hani dänn bemerk, dases sich dadebii ume Schildkrot a mine Füess handlet! Hihi, aso mir häts super gfalle det!

Durs Hostel hani grad zwei Usflüg buecht. Am erste Tag isch Cafayate ufde To-Do List gstande. Das isch öpe 4h Autofahre vo Salta us, und währendem Wäg uf Cafayate häts dänn immer wieder en Halt gee, entweder zum Pipi mache (i WCs wos übrigens kei Wasser hät) oder eifach zum die

Kaktus-Gärtli

im Hostel Salta por Siempre

genial Uussicht gnüsse, wo vo jedere Perspektive wieder andersch usgseht. Cafayate isch au bekannt für Wiiisswii, und natürli simer au det ine Bodega gange go luege wie de Wii det zuebereitet wird. Und sälbschtverständli go probiere. I dere Bodega womer gsi sind, wird de Wiisswii „Vasija Secreta“ (Cabernet) zuebereitet, die wo sich ächli besser uskänned 😉 In Argentinie wird mer sicherlich nöd mit zwenig Wii verwöhnt! A jedem Egge häts Bodegas zum en Schlürf oder meh Wii probiere. Und will das oisem Powerfrau Guide nöd gnueg gsi isch, hätsi na 3 Fläsche meh postet, zum zäme trinke. So hämmer e rächt lustigi Heifahrt zrugg uf Salta gha musi säge, während dem die drü Fläsche i oisem Touribus im Chreis gange sind 😉

De negscht Usflug isch uf Humahuaca gange. Humahuaca isch bekannt für die sibefarbige Berglandschafte. Au super idrücklich gsi..so öpis munmer in live gseh ha, uf de Föteli bringtmers (zum Glück) nie so schön ane wies tatsächli isch.

Bevors dänn am nächste Tag ufe 10stündigi Busfahrt uf San Pedro de Atacama, Chile gange isch, hani no en 3stündige Ritt dur di idrücklich Landschaft vo Salta buecht. Eingentlich nöd die best Idee gsi, vorallem wämer bedänkt das mis