Byron Bay-Surfers Paradise-Brisbane

---

Normal 0 0 1 431 2457 20 4 3017 11.1282 0 21 0 0 Nachdem ech in Byron Bay ach oben, en Ortschaft womer öbrigens sofort sympathisch vorcho esch, wells eifach a jedem Egge en Campervan gha het, und esches ken VW Bus gsi, denn söscht ergend es freakigs Büsli. Ech hoffe also scho dass es mim Büsli dehei guet got, schliesslech set spötistens Endi Juli weder startklar sie, well den heisst nämli au bi mer weder Büslireis =) Byron Bay esch also en Surferpilgerort ade Ostküste, het abgseh vo dem aber eigentlech ned vell zbüte. Natürlech send do die paar unendleche Stränd, de Lüchturm und die velle Bars und clubs, aber ergendwenn werds eim jo langwiilig. Das hani au dänkt und trotzdem beni statt drü, ganzi füf Täg dette blebe. Han mech ufem bodyboard, ufem Surfboard versuecht, ben ade Sonne glege, ben am östlechste ponkt vo australie gsi und han eifach mega vell Shithead gspelt, zäme met zwoi Engländer und wer schösch grad no ome gsi esch, das esch öbrigens es chartespeli. Dezue hemmer meistens unmänge Goon tronke (bellige Wii, alles andere chamersech im Aussieland chum leiste), eso dass mer ussert einisch gar nöm in Usgang möge hend... Im Duell, Marco gäge Welle het endi woche emmer no d’welle gwonne aber das het mech ned defo abghalte au am Ziistig nomol en Versuech zstarte – ohni grösseri Erfolg. Am Ziistig nomitag hemmer de no zom letschte mol shithead gspelt ech han mis nutella glas no fertig usgschleckt, welli scho lang kei anderi schoggi meh han, und de beni ufe bus nach Surfers Paradise. Ech wo emmer dänkt han, dass das nor eifach en bekannte Strand esch han ned schlecht gstuunet ab all denn Hochhüser und dem riesige Triibe i dene Strosse. Beeidrockend aber ergendwie au krass well fahrt mer knappi 5 Minute vom Meer ewäg esch mer weder im Nirgendwo... Do ech em schiin ah ned de einzig backpacker gsi ben, wo det öbernachte het welle, hani denn au kei Unterkonft meh gfonde. Drom hani noch öppe 4 Stonde sightseeing und zwoi riisige Burger, HMMMMMmmm..., en wiitere bus nach brisbane gno. Do in Brisbane hani öberhaupt kei Müeh gha en unterkonft zfende... Höt hanech mech relativ früe am morge ufe Wäg gmacht nach North Stradbroke Island, en Insle vor de Köste vo Brisbane, bzw. cleveland. Det hanech uh mega imposanti Idröck gsammlet, ben go schnorchle, han meeresscheldchröt gseh und han weder mol festgstellt das do alles chli wiitläufiger esch als dihei, bzw. erwartet. Han dänkt ech chöni denn chorz uf die ander siite vo de insle laufe, höhööö, 40 km esch denn doch chli wiit, han jo au no chli welle fuuläntze... Jetzt, am viertel vor nüni, verosse emmer no om die 30 grad, es esch höt bes 37 grad gsi do, warti grad druf das en herdplatte ide chochi frei wird, und ech öpis znacht chan choche. Chli basmatiriis, met gulasch. Au ned schlecht. Morn hani vor Dstadt brisbane go azluege und alles wo sie so zbüüte het und set am obig eigentlech de jacob träffe, en kolleg vode alexandra, wo do im ustuusch gsi esch, zom met sine kollege zäme vo Bar zo Bar z’zieh...

En gueti Ziit und bes bald, M.

---