Sydney-Port Stephens-Byron Bay

---

Nachdem ech am Donnstig obig in Sydney glandet ben, hanech mech zerst emol ufs ohr ghaue, obwohl ech eigentlech noch dem lange Flog gar nömme müed gsi ben. Am friitig han ech mech denn ufe Wäg gmacht, sydney z'erkonde. Vom beiidrockende Opera House, öber dHarbourbridge, KingsCross, beni bes an Bondi Beach cho. Am nöchschte Morge beni meteme Zog rechtig Katoomba, id Blue Mountains gfahre. Det hani d’Three Sisters gseh, gigantischi und unendlechi Eukalyptus wälder und eifach en mega schöni Gegend. Koalas hani leider nochhär au uf de 1 Stöndige Wanderig ned gseh, aber das werd scho no =) am Sonntig beni denn nochdem dassi nochere Puptour nor grad 4 Stond gschlofe han rechtig süde gfahre in Royal National Park, und han en Wanderig gmacht wo eigentlech 2 Täg beaasprucht, hansi aber i 5 Stond gmacht, ned dass ech gspronge wär aber för 30 km bruucht mer au keni 2 Täg. Die wanderig esch ah menscheleere Stränd dur Graslandschaft, Moor und dure Regewald gange. Alles mega beiidruckend. Verregnet beni uf dere Wanderig au no worde, total durchnässt aber dchleider send denn schnell weder troche gsi, wo dsonne weder före cho esch und ech mer am strand denn au no en Sonnebrand gholt han. Sache gets, wemmer am Strand iischloft =) nach es paar trenkspeli am obig esches denn am nöchschte morge weder anen Strand gange, in Manly und am obig natürlich the Fire Works =) eifach verd***t iidröcklech!!!! Am Ziistig hani de mol usgschlofe, am morge chli gläse und benn denn nomol an bondi Beach gange, woni min Sonnebrand nochli verstärkt han, nei, aber mer muess scho ufpasse wemmer scho verbrönt esch und weder an strand got. Nochdem ech am letschte Obig nomol met es paar anderne vom Hostel im Usgang gsi ben, han ech am nöchschte Morge mini paar sache (wo doch zemli schwär send) packt und han mech ufe Wäg gmacht nach Newcastle und vo det nach Port Stephens. Det hanech riisigi Sanddüne erkondiget, ben am Strand gläge, ben es betz go schnorchle obwohl das ned mega iihdröcklech gsi esch und han am obig am strand mis zelt ufgschlage. amene ort wo am 10i au die letschte fescher verschwonde send, hani es füür gmacht, musig glost, chli wii tronke und eifach duusecht uf d'offshore insle vom port stephens gnosse, wo mis herz plötzlech en riisige satz gmacht het. Ech mine auge chum chönne glaube aber es send Delfin gsi wo keini 10 Meter vo mer jagd ufne feschschwarm gmacht hend. Ech han no nie so öpis gseh, s' esch eifach mega beiidrockend gsi =) am nöchschte obig hani in Newcastle de Greyhound bus nach Byron Bay gno und do beni jetzt. nachdem ich bim versuech met eme surfboard zwei mal fast vertronke ben, oder zomentesch länger unter wasser tröckt worde ben alsi eigentlech vermuetet han, han i au de tag guet öberstande. sget jo bekanntlech nüt womer ned chan lerne. zudem hani höt imene reisebüro woni jeglichi vergünstigonge becho han diversi trips buechet und han chorz knapp 2.500 Stotz investiert. tja reise chostet aber das esch kei grond das ganze ned zgnüsse. Happy new year and see ya!!!


Normal 0 0 1 235 1340 11 2 1645 11.1282 0 21 0 0

---