Advertisement
Published: February 16th 2006
Edit Blog Post
Perito Moreno in der Totale
Der linke Arm des Gletschers. Rechts die Insel mit den Touristenplatformen Am Fritig am Morge bin ich zämme mit dr Daniela (Dütschland), dr Yolanda (Holland) und dr Misha (Tschechoslovakei) mit em Bus vo Puerto Natales witer nordwärts zrugg nach Argentinie nach El Calafate gfahre. Kenneglernt han ich die 3 zämme mit em Thomas und dr Ariane im Hostel Backpacker Magallania in Puerto Natales, bzw. uf em Camping im Torres del Paine Nationalpark.
El Calafate liegt nur öbbe 300 bis 400 km nördlich, aber dr klimatischi Unterschied isch mindeschtens an däm Tag riesig gsi. Während es in Puerto Natales mit 15 Grad und Windgschwindigkeite bis 60km/h ziemlig frisch gsi isch, het me in El Calafate doch scho wieder in T-Shirt und kurze Hose könne uf d Stross go.
Au sunscht isch dr Unterschied zwüsche däne beide Tourischteort riesig.
Während Puerto Natales nur us Wällblächhüser bestoht, isch El Calafate im Gegesatz richtig useputzt. Es git schöni bis gar kitschigi Turischteshops, d Stroosse sind suber und z Nacht isch jede Baum belüchtet. Obwohl viel Lüt bis anhin gfunde händ, dass El Calafate sehr tür und als touristische Usgangspunkt für Perito Moreno Glaciar Usflüg nid sehr sehenswärt isch, hets uns do eigentlig sehr guet gfalle. Au hets wieder mehr Parillas - und ich han das
natürlig grad usgnützt - wiederemol so richtig viel argentinischs Fleisch z ässe 😊
Am Nomidag isch dr Mike us Neuseelaqnd zue uns troffe, wo d Yolanda scho vo Peru här kennt het. Do d Misha am gliche Tag diräkt nach El Chaltén witer isch, hän mir z vierte für 2 Nächt es Hostelzimmer gnoh. Aschliessend sind mir d Perito Moreno Tour go organisiere.
Noch em Nachtässe (guess what - Bife de chorizo again 😊 ischs denn witer in Usgang gange. Ohni bösi Absichte isch es denn doch plötzlich halb 5i am Morge gsi (und be andere sogar 6i) bevor ich zue Schloof ko bin. Umso härter denn s uffstoh - dr Tourbus het uns am halb 9i vor em Hostel abgholt. Aber wär ka feschte ka jo au ufstoh - und e mit gnueg Kaffi het das denn au mehr oder weniger guet klappt. Nur dr Wunsch noch e bitz Schloof während däne 80km Fahrt vo El Calafate bis zum Perito Moreno Gletscher isch uns ziemlich schnäll abgschlage worde. Nid nur sind mit ziemlig äng und unbequem in däm Microbus (so ne 16 Plätzer Van) zämmequätsch gsi, unseri Tourfüehrerin het uns au während dr ganze Fahrt über mit
allem mögliche zuetegschtet. So händ mir zum Bischpil dörfe erfahre, dass es do so Vögel git wo s ganz Läbe als Paar zämmelääbe. Wenn denn s Wibli stirbt, denn stirbt s Männli au - agäblig us Liebeskummer. Wenn aber s Männli zerscht stirbt, denn suecht sich s Wibli eifach e neue Partner. Mmmmh! Good to know. Und was könne mir do druss lerne ... ? - Und das ganze zerscht in spanisch und denn in änglisch.
Witer händ mir denn au Usfüehrlig die 3 Gründ vernoh, worum dr Perito Moreno Glaciar so einzigartig und famoso isch - mir händ im Nochhinein 3 Tag brucht, um die 3 Gründ wieder z rekonstruiere, but here they are:
1. Är isch accessible. Das heisst, me ka mit em Touribus und em Boot diräkt bis zum Gletscher anefahre (was jo weissgott nid bi allne Gletscher dr Fall isch. Die meischte verstegge sich irgendnöime ganz wit obe inde Bärge und me muess sich richtig astränge damit me si cha gseh)
2. Är blibt konstant. Das heisst es kunnt obe glich viel Schnee neu drzue wie unde wägschmilzt - und das sit 1970. Also theoretisch muess sit denn d Schneemängi obe zuegnoh ha,
so dass s vermehrte Wägschmelze durch die globali Erwärmig unde kompensiiert worde isch. Also kei eifachi Regelig. Wirklich famoso. Das erlaubt de Toruismusverantwortliche do, dass si Ussichstpünkt und Panoramawäg bis 300m an Gletscher ane händ chönne baue (und durch das wird er denn sogar no meh accessible). Nöcher goht nid, wil - siehe Punkt 3
3. Ar fliesst sehr schnäll. An dr schnnällschte Stell, das isch in dr Mitti an dr Oberflächi, sind das ganzi 2m pro Joor. An de räschtlige Stelle 30cm bis 1m pro Joor. Durch das bilde sich zum eine ganz viel Spalte (und das gseht toll us) und zum andere kuntt au viel Iis abe und bricht unde denn ab und gheit in See (und das gseht no viel töller us und tönt vor allem ganz toll!)
Und usserdäm isch är RIESIG gross: an dr Kante bis 60m (oder sogar 80? -weiss nümm genau - wenn me vor däm Ding stoht ka me d Dimensione nümm abschätze. Es isch eifach riesig) über Wasser und bis 160m unter Wasser.
Und är wirkt vo de Farbe und Forme här alles anderi als real - eher wie us däm hellblaue Styropor gschnitzt -surreal.
Die hellblaui Farb
kunnt übrigens öbe e so z Stand: Unterem extrem hochem Druck im Is wird s Wassermolekül ufgspalte in Surstoff und Wasserstoff. Beidi bliibe im Is igschlosse und sorge drfür dass das hellblau erschint. (Erklärung nach bestem Wissen und Gewissen - ich lass mi gärn beleere wenns öber genauer weiss).
Uf em Ruckwäg nach El Calafate isch denn unseri Tourleiterin doch no e bitz ruhig gsi und mir händ e Stündli könne mehr oder weniger bequem Siesta mache. Chhrrrr!
Advertisement
Tot: 0.106s; Tpl: 0.011s; cc: 16; qc: 72; dbt: 0.0678s; 1; m:domysql w:travelblog (10.17.0.13); sld: 2;
; mem: 1.2mb
Dani75
Dani Staeuble
Korrektur
SORRRY, aber muess do no kurz öbis richtigstelle: d Misha kunnt natürlig nid us dr Tschechoslovakei, sondern us Tschechie!