Advertisement
Published: March 22nd 2006
Edit Blog Post
Entlang der Anden
Vorne die patagonische Pampa, dahinter die Andenkette Zu viert sind mir am Sunntig Morge am 8i uf e Bus nach El Chaltén gange. Dr Oobe vorhär isch mehr oder weniger ruhig und eher gmüetlig verloffe und mir sind sogar no vor de 12e ins Bett cho. D Fahrt isch vorwiegend durch die patagonischi Pampa verloffe, im Oschte no knapp in Sichtwite die schneebedeckti Andeketti.
So gege Mittag sind mir in El Chaltén acho. El Chaltén sälber isch wiederum ganz andersch als el Calafate. Es git au im Dorf keini teerte Stroosse, was drzue füerht, dass nach jedem Auto e riseigi Staubwolke in Windrichtig durch dr ganzi Ort weiht --> das heisst alli paar Minute tief Luft hole, Auge zue und Luft ahalte, denn witerlaufe. S Dorf sälber seht us, wie wenn s grad in däm Momänt wurd besiedlet wärde. D Hälfti vo de Hüser sind grad erscht im Bau. S ganz Dorfbild isch irgebndwie berhaupt nid an e logischi Struktur bunde. Hüser stöhnd krüz und quer in dr Wältgschicht ume. drzwüsche isch nur Brachland, höschtens mit e paar Ross wo am graase sind. Im Ganze zählt El Chalten ca 400 Iwohner. Die läbe hauptsächlich vom Tourismus. Das allerdings nur zwüsche Januar und März.
Am Dorfigang halte
Strasse nach El Chaltén
der höchste Gipfel rechts ist der Fitz Roy. Der zweithöchste Spitz links etwas im Abstand ist der Cerro Torre alli Bus a und alli Tourischte wärde ins Info Zenter vom Los Glaciares Nationalpark drängt. Dört bekunnt jede e Plan vom Park und mir händ anere kurze Präsentation in änglisch und spanisch erfahre, welli Trekking Routene dass es git, uf was me achte muess, wo me campiere cha (gratis), aber dass me drfür uf einigi Sache achte sött beachte; Sache wo leider nid für alli Tourischte (sind s meischte Europäer!) sälbschtverstänmdlich sind: dass me si Abfall wieder zrugg nimmt, kei Füür macht und weder im Bach si Gschirr wäsche duet, no sini sunschtige Gschäft drin duet erledige. Zuedäm het me sich bis in alli Detail zue allem rings um dr Park, Flora und Fauna, Klätterroute, usw. könne informiere. Chapeau! - scho grad e bitz beidruckt. Wirklich e gueti Sach.
Dr Ráscht vom Tag hän mir drmit verbrocht, Proviant izkaufe und s fählende Material wie Zält, Isomatte, Schlofsäck, Campingkocher, Pfanne, oder Trekkingstöck drzuezmiete. Plant händ mir e 3tägigi Route mit 2 übernachtige im Park. Die tägliche Marschduure sind mit ca 3 Stund ziemlich agnehm. So hän mirs denn am Mäntig Moorge au nid bsudners pressant gha zum losmarschiere. So gege die 11i sind mir denn losgloffe. Am erschte Tag sind
Das Fitz Roy Massiv
am ersten Tag sind die Gipfel leider alle in Wolken gehüllt mir zum Campamiento Poincenot in dr Nöchi vom Fitz Roy (em Wohrzeiche vo dr ganze Region do, 3405 m.ü.M.). Vo dört sind mir ohni Gepäck no e Stund witer bis zum Mirador Lago de los Tres in dr nöchi vor em Fitz Roy ufgstiege. Leider isch dr Peak vom Fitz Roy an däm Tag hartnäckig in de Wolke bliibe. Trotzdam händ mir e wunderbari Ussicht gha. Wieder zrugg uf em Zältplatz han mir d Misha wieder troffe wo scho früehner do anegreist isch und scho 2 Tag länger im Park verbrocht het (si isch e richtige Trekking Fan und het scho die halbi Wält be-trekkt, also die Parts wo s Bärge het).
Am nögschte Moorge händ mir denn zerscht vor Sunneuffgang welle ufstoh, und unser Glück nomol z verueche. Doch uf die 6i am Morge hets denn gaz licht grängnet, so dass uss em Sunneuffgang am Fitz Roy nüt worde isch. Uf die 9i am Morge het s Wätter denn wieder umgschlage und mir händ strahlend blaue Himmel gha. Mir sind denn nümm nomol zim Mirador ufgstiege, sondern sind e andere Wäg gange zue dr Lagune Sucia, wo nid in dr Karte vom Nationalpark gsi. Dr Wäg isch e
bitzli aspruchsvoller gsi mit einzelne Klätterpartie und em letschte Stück durch Gröllfälder, aber trotzdäm rächt guet kennzeichnet durch Steimännli - und s beschte: wahrend sich an de meischte Orte d Tourischte an de Miradors zämmedrängt händ sin mir an dämm Ort ganz für uns elai gsi. Dr Wäg het sich denn au glohnt: die Lagune isch ganz versteggt imene Sitetal gläge, türkisblaus Wasser, vo 3 Site durch ca hundert bis 200 Meter hochi Felswänd begränzt. Obedrah Gletscher mit zig Wasserfäll und über däm ganze Bild d Gipfel vom Cerro Poincenot und em Fitz Roy - und alles bi strahlend blauem Himmel! Dä Ablick isch so faszinierend gsi, dass mir Müeh ka händ, uns wieder drvo z löse und dr Ruckwäg azträtte. Immerhin isch no die ganzi 2. Tagesetappe vor uns gläge und mir händ scho lang über Mittag us gha. Doch die Tagesetappene sind mit 3h relativ kurz und doähr isch das au kei Problem gsi. Mir sind fascht alli Torres-del-Paine-erprobt.
D Strecki bis zum nögschte Zältplatz isch denn au nid bsunders aspriochsvoll, doch troztdam au sehr vielsitig und schön gsi. Dr Zältplatz de Agostini isch unterhalb vo dr Laguna Torre gläge. Dr markanti Cerro Torre het me vom Zältplatz
Mirador Laguna de los Tres
Blick nach unten. Im Vordergrund die Lagunen Madre & Hija (Mutter und Tochter), im Hintergrund der Lago Argentina und die Pampa Patagonia us guet gseh. D Laguna isch öbbe 5 Minute witer obe hinter grosse Ändmoräne gläge, jedoch nid grad bsunders sehenswärt, het allerdings e grosse Gletscher (Glaciar Grande), wo bis in d Lagune vordringt.
Die ganzi Nacht und au dr nögschti Moorge isch sehr klar und dodrmit au sehr kalt gsi. Mir sind zwor uf die halbi 7i zum Sunneuffgang ufgwacht, doch ich ha s bi Temparature nur knapp überem Nullpunkt nur grad kurz us em Zält gschafft zum es romantischs Foto (...) zmache und denn schnäll wieder zrugg in Schloofsack 😊
Die meischti Zit vom 3. Tag hän mir denn mit sünnele und Gletscher bewundere verbrocht, bevor mir denn am Nomidag dr Rückwäg nach El Chaltén aträtte händ - wiederum 3 Stund.
Am 5i z oobe sind mir dört akoh und händ z erscht emol es (After-Trekking-Bierli gnähmigt (und denn no eins😊.
Die andere 4 us unserer mittlerwile 5köpfige Gruppe reise alli am nögschte Moorge in verschiedeni Richtige ab: dr Mike nach Cómodo Rivadavia, d Misha nach Buenos Aires, d Daniela nach Ushuaia und d Yolanda nach El Bolsón. Es isch also e grossi Abschiedszit - und dodrzue händ mir uns am Oobe denn es guets ässe
Laguna Sucia
Im Hintergrund Cerro Poincenot und Fitz Roy mit eme guete Whyy (und e paar Drinks druffabe) gönnt ;-)
Ich bliib no ei Tag länger do in El Chaltén und reis am Fritig über d Ande nach Chile nach Villa O Higgins. Mehr zue däre Reis denn im nögschte Blog ...
¡Hasta Luego!
Dani
Advertisement
Tot: 0.045s; Tpl: 0.013s; cc: 8; qc: 24; dbt: 0.0229s; 1; m:domysql w:travelblog (10.17.0.13); sld: 1;
; mem: 1mb