Advertisement
Published: February 2nd 2006
Das Paine Grande Massiv vom Lago Pehoe aus
vom Catamaran aus fotografiert. Das Wasser hat wirklich diese Farbe wenn die Sonne reinscheint!Geschter z oobe am 11i bin ich (ziemlig erschöpft) us em Torres del Paine Nationalpark zrugg nach Puerto Natales ko. Kurz zum Afang gseit: dä Park isch ab sofort und bis uf witeres mis Südamerika Highlight No.1! Wieso, das könned ihr euch viellicht scho e bitz anhand vo de Bildli do erkläre, allerdings könne die nur anöchernd vermittle, welli Vielfalt dä Park bietet. lüchtigi türkisgrüeni bis dunkelblaui Bärgsee-e, hellblaui Gletscherzunge, riesigi Isfälder, schier unändliches Grasland, die wildischte Felsformatione, atemberaubendi Täler & Schluchte, Wälder, Buschland, Hügel ... und vieles mehr - und das alles in unmittelbarer Richwite z Fuess erreichbar.
Ich ha dört dr sogenannti "W-Trek" (circuito W) gmacht - das sind ca 90km und 2000 Höhemeter in 5 Tag - und das richtig mit Zält, Isomatte, Schlofsack und Camping Gaskocher bewaffnet. Es git zwor im Park sogenannti Refugios wo me in Masseschläg aber immerhin ufere Matraze übernachte ka, doch die sind mit ca 50 Franke pro Nacht ohni Znacht und Zmorge zum eine ziemlig tür und zum andere muess me die au alli vorhär reserviere, damit mer überhaupt e Bett für d Nacht het. Es wird eim dohär au überall agroote, entweder bi däne Refugios e Zält z miete (muess me
Der Grey Glaciar
vom Mirador bei der Refugio Grey aus au reserviere und das isch au nid an allne Plätz möglich) oder es eiges Zält mitznäh oder in Puerto Natales eins z miete. Das ka me dört denn au an jedem Ecke. S git in däm Städtli glaub nid viel mehr als Outdoor Läde, Trekkingagenture wo Torres del Paine Toure abiete und jedi Mängi Hostels. Die ganzi Stadt läbt vo de zahrliche Torres Tourischte wo dr Summer über do aneströme. Im Winter muess es denn do drfür umso ruehiger si. Bi temperature vo minus 25 Grad kömme nur no die ganz agfrässene Tourischte wo dr Park im Winter wänd go bsueche. Das söll zwor denn au sehr schön si, do s Klima denn sehr trocke und d Luft sehr klar isch. Aber äbe, so bi -25 Grad bruchts denn scho e ziemlig warme Schloofsack - und usserdsäm isch es nur zwüsche 9 und 4 am Nomidag einigermasse hell.
Ich han denn au grad in mim Hostel es guets (windfeschts!) Zält, e Gaskocher inkl. Gaskartusche (mehr oder weniger windfescht wie sich zeigt het) und e Isomatte gmietet. E Schlofsack han ich mir jo scho in Cordoba zuetue allerdings au nid grad e Patagnie-Version, aber drfür isch er klei und licht.
Als
Proviant han ich so fertigi mexikanischi Nudelgricht im Bächer kauft, wo me nur no Wasser drzuefülle muess - das isch licht zum trage, eifach und schnäll zuebereitet und me muess kei Topf abwäsche ich bin halt mängmol e bitz leisy ;-) Aber für 5 Tag isch das Tip-Top gsi - und me freutr isch denn nochhär au wieder so richtig uf öbis anders zum ässe)
Näbem W-Trek gits übrigens au dr sogenannti circuito completo. Dä Trek brucht öbbe 8 - 10 Tag und beinhaltet als Teil dr W-Trek, schliesst denn aber dr ganzi Kreis so dass me eimol um das ganze Felsmassiv drumumelaufe duet. Dä Trek isch denn au eher für die proffessionelle Trekker, oder sunschtigi Extremsportler - muess me doch näbe einiges mehr an Kleider au mehr oder weniger dr ganz Proviant für die 10 Tag mit sich mittrage - was nid z vernachlässige isch - ich han uf jede Fall z oobe immer ziemlig Hunger gha.
Ich han mich denn also wie scho erwähnt au ganz bescheide für dr W-Trek entschiede. Well es sich als nid ganz so eifach usegstellt het, in däre kurze Zit öber z finde wo die gliche Absichte het und au öbbe
Sicht auf den Lago Grey
auf dem Weg entlang dem erten W-Arm glich fit unterwägs isch, han ioch mich am Fritig Mittag denn au drfür entschiede, die Tour elai azpacke. Do dr Park aber eh nur e paar wenigi erlaubti Wäg het, isch das au kei Problem und es het au sehr viel Lüt Trekkers gha wo au elai unterwägs gsi sind.
Am Samschtig am Morge am 7i bin ich denn mit em Bus in dr 150 km entfärnti Park gfahre. Dr Usgangspunkt isch d Refugio Pehoe gsi. Noch ere (25 Franke türe!) halbstündige Fahrt mit emene Catamaran übere Lago Pehoe bin ich uf die halb eins bim Refugio Pehoe gsi - em Usgangspunkt. dr erschti Arm vom W isch denn zum Glaciar Grey gange. Die Refugio isch ganz schön am See gläge grad am Fuess vom Grey Gletscher. Do ich am Afang jo no e bitz verkältet gsi bin han ich dört für die erscht Nacht denn doch no es Bett reserviert (so bitz zum agwöhne an d Wildnis;-). Bi denn aber in dr Refugio dr glaub dr einzig unter 40 ohni Kinder gsi - alli andere sind mit em Zält unterwägs gsi. Dementsprächend isch denn z Nacht au s Schnarchkonzärt gsi und ich bin wieder emol sehr froh um
mi Ipod gsi.
Am zweite Tag bin ich die 3.5 Stund wieder zrugg zum Lago Pehoe und vo dört öbbe 2 Stund links am See entlang gloffe bis zum Valle de Francés - em mittlere Arm vom W-Trek. Vo dört isch es nomol 5.5 km und einigi hundert Höhemeter s Tal drufgange bis zum Britanica Campinplatz. Das isch e offizielle Campingplatz vom Park. Die sind gratis, händ aber au kei Infrastruktur (isch e4igentlig nur e Platz wos campiere erlaubt isch). Wo n ich denn obe im Tal uf die 6i z oobe ako bin, han i gmergt, dass ich dr einzig bin wo mit em ganze Gepäck dört uffelauft - es isch lediglich e Schild amene Baum gsi wo "Camping Britanica" gstande isch, aber wit und breit kei einzigs Zält. Mmmh - die ganzi Tagesstrecki isch au fascht 25km gsi und am Schluss s Tal uffe au no ziemlig viel Höhemeter - und das alles mit mehr als 15kg Gepäck. Das händ denn aschinend die wenigschte uf eimol uf sich gno. Uf die 8i z oobe isch denn doch no e Franzos drzuekoh, denn sin mir immerhin zu zweit gsi. Aber ich bin denn so uf dr Schnuure gsi,
Blick auf die Cuernos del Paine
links das Cuerno Norte, rechts das Cuerno Principal dass ich uf die nüni scho tief am schloofe gsi bin - und das bis am nögschte moorge am 10i!
Die ganzi Strapaze het sich denn drfür am nögschte Moorge uszahlt. Ich bin denn ganz ohni Gepäck vom Zältplatz us, wo kurz unterhalb vo dr Waldgränze gläge isch, no 2 Stund witer s tal druf gloffe und denn no witer druf über Gletschermoräne bis zuemene kleine Gletscher inere kleine Sitetalmulde und vo dört han i denn e wunderbari Sicht uf d Rucksite vo de berüehmte Torres (Türm) del Paine gha.
Bim Abstieg bin ich denn drfür e bitz unvorsichtig gsi und das han ich denn schpöter am Nomidag bitter müesse merke. Mis linke Knie isch e bitz arg stakr belaschtet worde und het die letscht halb Stund ziemlich schmärzlich gmacht. Au s Wätter het dört am Nomidag nüm ganz mitgmacht und es hett doch ziemlig avo rägne und stürme. Bi denn allerdings nur no e halb Stund vom Los Cuernos Zältplatz ewäg gsi - also e machbari Distanz. Dört hets denn au gueti warmi Duschene gha. Perskindol Cool Gel hät denn sölle dr Räscht mache, dass es am nögschte tag wieder besser goht.
Hat es aber leider nicht
ganz geschafft... 😞 Dr nögschti Tag isch denn fascht zum Verhängsnis worde. Nach ere Halbstund han ich mis Knie scho wieder ziemlig stark gschpürt. und ich han no 4.5 Stund Marsch vor mir gha. E Stützverband het denn doch no einiges gholfe, doch noch vier Stund bin ich denn trotzdäm ziemlig am Änd gsi. An däm Punkt bin ich anere Verzwigig gstande wo's no ei Stund gange isch bis zum Parkusgang und ich ha mir dört scho ziemlig ärnschthaft überlegt, uf dr legschti Arm vom W z verzichte und in Richtig Usgang z go. An däre Verzwigig han ich denn 2 Dütschi kenneglernt wo au grad Pause gmacht händ dört: dr Stefan und dr Norbert - und dr einti het mir denn nochdäm ich mini Lidensgschicht verzellt ha abote, dass ich sini Wanderstöck könnte ha und mit ihne zämme verueche bis zur nöigschte Hütte z koh. Das sind vo dört öbbe 2 Stund gsi und s meischte druf (was mit em Knie eifacher isch al sbärgab). Das isch denn mit de Stöck au erstunlich guet gange und ich han mis Tagesziel dr Chileno Zältplatz in dr Mitti vom dritte W Arm doch no erreicht! Dä Zältplatz isch imene bewaldete Tal
gläge und das het mir d Glägeheit gäh, mir für e nögschti Tag e eigene Wanderstock z organisiere.
Dr Renner im Torres del Paine Nationalpark isch, wenn me s am Moorge zum Sunneufgang (06:08 Uhr) zue de 3 Torres ganz obe im dritte Arm schafft. Die liege am weschtliche Ufer vomene kleine türkisgüene Bärgseh und wärde denn vo dr Moorgesunne im Oschte so richtig schön agschuune. Drzue muess me aber am 4i am Moorge vom Chileno Zältplat ablaufe. Dr Norbert und dr Stefan händ das denn au gmacht, doch mit mim Knie wär das im Dunkle in däm Momänt doch no bitz viel gsi. Ich han dört denn no e paar anderi DÜtschi troffe wo au im gliche Hostel übernachtet händ in Puerto Natales und bin denn uf die 9i am Moorge mit ihne zämme für s letschte und au spektakulärschte Stück vom Torres del Paine Nationalpark ufbroche. Uf die Elfi am Morge sind mir denn obe gsi bi däm Seeli und de 3 Torres del Paine. E einzigartige Ablick - vo de Farbe, vo de Forme und au vo de Proportione här. Eifach idrücklich. Bi somene Ablick sind alli Strapaze und Beschwärde vergässe.
Mit em Abstieg ins
Die Rückseite der Torres
ganz oben im Valle del Francés Tal isch denn dr 5ti Tag und dodrmit au dr ganzi W-Trek z Änd gange. Uf die 8i z oobe sind mir vom Bus vo dr Hosteria Las Torres abgholt und zrugg nach Puerto Natales gfahre worde. Müed aber sehr zfriede und erfüllt; voll vonere immense Mängi an Idrück und Erläbnnis!
Advertisement
Tot: 0.099s; Tpl: 0.024s; cc: 8; qc: 24; dbt: 0.0356s; 1; m:domysql w:travelblog (10.17.0.13); sld: 1;
; mem: 1.1mb
