Advertisement
Published: January 23rd 2006
Edit Blog Post
¡Hola Chicos!
Am Mäntig z oobe han ich mich vorerscht vo Córdoba verabschiedet und bin mit em Nachtbus nach Buones Aires gfahre. Dört han ich e halbe Tag Uffenthalt gha bevor ich am 4i am Nomidaag mit dr Areolineas Argentina nach Ushuaia gfloge bin.
Dr Landeaflug uf Ushuaia isch denn au scho senasationell gsi. S Flugi het zerscht e grossi Kurve über die chilenischi Site gflooge was eim e wundebare Blick uf die südlichschte Andeusläufer erlaubt. Denn setzt äs quer über die ganzi Bucht zum Landeaflug uf e Flubplatz a wo uf ere Halbinsle vor Ushuaia grad am Meer liegt. Obwohl ich erscht am 9i zoobe akoh bin het d sunne immerno gschuune. MIr sind do jo au sehr südlig und es isch öbbe bis am
halb 12i z Nacht no hell.
Mit em Taxi bin ich zum Yakush Hostel gfahre, wo n ich scho im vorus reserviert han. Das isch e super Hostel gsi - mit traumhafte Duschene mit Bodeheizig und richtig viel Wasser(!), sehr suber und fründlich.
Leider het sich s Wätter denn ganz "al-fin-del-mundo-like" zeigt und es isch die nögschte Täg wolkeverhange und rägnerisch gsi, e bitzli "Olten-in-November-like".
Han dört aber vieli luschtigi und
interessanti Lüt kenneglernt in däne Täg. Zerscht emol sind dört unter 30 Gäscht 5 (!) Schwizer gsi. Das isch sehr viel, denn es git nid esooo viel Schwizer wo do in Südamerika unterwägs sind.
Näbe 2 Giele us Luzärn, em Christoph un em Simon, isch am gliche Tag au es Paar us em Baselbiet akoh: D Gaby ¡ dr Rolf us Rhifälde und us dr Gegend vo Sissach, wohne aber zämme in Wittinsburg. Und - är isch Lehrer an dr Bruefsschuel in Muttenz, grad näbe dr FHBB. Ha also wiederemol e bitz baseldütsch könne rede - und vor allem hööre (also immerhin Landschäftler Dütsch ;-)
Drnäbe hets es Paar us Australie gha: Dr Will & Danielle. Sie händ e eiges Gschäft im Filmbereich, händ ihre Laptop mitgnoh damit si vo do schaffe könne und händ sich grad uf unbestimmti Zit uf Wältreis gmacht.
Mir 5 zämme mit dr Delphine us Toulouse und dr Gesine (altdeutscher Name) us Berlin sind denn am Donschtig trotz immernoh schlächtem Wätter in "Tierra del Fuego" Nationalpark gfahre und händ dört e kleinere Hike gmacht. So nach em Motto
ImmernobesseralsdrganztagnurimHostelumehänge. Mir händs denn au ganz luschtig gha zämme und zoobe hän mir denn alli zämme
Das All-Weather-Team
Gaby (CH), Danielle (AUS), Rolf (CH), Delphine (F), Will (AUS), Gesine (DE) e feins Nachtässe kocht. Denn isch no dr Tomas, e Architekt us Santiago de Chile drzuegstosse, wo d Gesine scho vo früehner kennt het.
Im Verluaf vom Oobe het sich denn luschtigewis usegstellt, dass alli us däre Gruppe e bitz dütsch könne! Am meischte verblüfft het dordrbi d Danielle us Australie wo fascht perfekti Sätz in dütsch het könne formuliere. D Delphine het noch 6 Joor Dütsch in dr Schuel öbbe glich viel Dütsch könne abrüefe wie ich vo mim französisch (aber es wird jo scho no neyme si). Dr Tomas us Santiago het an dr Uni Dütsch als Fach gwählt, isch aber no nie in Dútschland gsi oder so.
Dr Zapfe abgschosse het denn aber dr Peruaner. Dä het au im gliche Zimmer gschloffe, heisst richtig Fabian und isch eigentlig gar kei Peruaner, sondern e Argentinier. Är lauft aber immer mitere sonere peruanische Wullekappe und emene Poncho umme und isch (Stroosse)Musiker - är spielt PanfLóte und Gitarre. Und Guess What? - wo är vernoh het dass mir Schwizer sind het är zue uns Züridütsch gredet! Aarrrgg!!! Züridütsch am Ändi vo dr Wält vomene Peruanisch gstylte Argentinier! Är isch aber no ganz e zwääge Siech gsi. Sini Tochter studiert schiins
Eine Bucht
im Nationalpark Tierra del Fuego in Züri irgendöbis und är het au e Zit lang als Strossemusiker dört gläbt (die wo zu 5t in de Trämli und in dr Bahnhofsunterfüehrige peruanischi Musik mache).
Uf die eins znacht hän mir uns den emol ufgmacht, s Nachtläbe vo Ushuaia z erforsche. S het sich denn aber bestätigt, dass das nid dr Grund Nummer 1 isch, um nach Ushuaia z ko. Bis Sunneufgang am Moorge hän mirs denn aber scho gschaft (isch au nid schwierig, denn d Nächt do sind jo nid so lang)
Am nögschte Tag isch denn au Wätter besser worde und me het s erscht mol die ganze Bärge ringsm gseh. Mir sind denn am Noomidag mit emene Sässelilift us em letschte Joortusig ins Schigebiet vo Ushuaia gfahre und dört obe e bitz go laufe.
Am Samschtig Moorge bin ich denn mit em Bus ab Ushuaia nach Punta Arenas in Chile gfahre. Das ish zwor in Luftlinie nur e paar hundert KM entfärnt, aber mit Zoll und Fähri sind das ganzi 12 Stunde Fahrt gsi. Sit denn mach ich do anere bastante ErKáltig umme und veruech mi mit Tee trinke wieder z kuriere.
Sobald ich wieder uf
Biberdamm
im Nationalpark Tierra del Fuego em Damm bin, goths denn witer nach Puerto Natales und dört in Torres del Paine Nationalpark. Das sig schiins dr eidrückligschti Nationalpark vo ganz Chile. Übernachtigmöglichkeite im park sind allerdings rar und tür.
Wohrschinlig wird ich dört denn für 4-6 Tag mit em Zält unterwägs si. Kunnt alles no bitz drufah, wie denn s Wätter isch und ob ich irgendöber find wo die Tour mitmacht und au öbbe glich fit uf de Bei isch.
Also, ¡Hasta luego!
Dani
Advertisement
Tot: 0.088s; Tpl: 0.012s; cc: 13; qc: 67; dbt: 0.052s; 1; m:domysql w:travelblog (10.17.0.13); sld: 2;
; mem: 1.2mb
Isa
non-member comment
"Olten-in-November-like" und "Aarrrgg!!! Züridütsch"... Jetzt bini aber scho echli beleidigt! ;o) Wünsch dir trotzdäm gueti Besserig und en liebe Gruess us Olte vo dä Zürischnure. :o)