Advertisement
Published: July 28th 2013
Edit Blog Post
Cali
Salsa lesson with Didier Etz höckli scho daa in Madrid ufme Flughafebänkli und chans chuum erwarte, ändlich id Schwiiz zflüge =) Natürli bini au chli trurig das mis Reisli scho ume isch, sgad so rassig verbii die 5 Mönet !
Nachdem dConny mich wieder verlah hät, hani mi vo Ecuador uf de Wäg nach Kolumbie gmacht. Wilmer nurno 10 Täg verblibe sind, hani mer zwei Ort ganz zHerze gno zum bsueche: Cali, bekannt fürd Salsaszene und Cartagena, swohl schönschte und farbfrohenschte Städtli ade Küste vo Kolumbie.
Ufem Wäg uf Cali bini ines Gspröch cho mitme Kolumbianer, öpe so um di 50i ume. Er hätmer verzellt daser e eigni Kafifarm, öpe 3h weg vo Cali hät. Natürli häter mi grad wele zu sich hei ilade! S ischmer parmal passiert das mich Familie oder kolumbianischi Lüüt händ wele ilade. Bi ois wür das echli komisch überechoo, aber ich find das e sehr netti Geste und minere Asicht nah sind Kolumbianer eifach sehr gastfründlichi Lüüt wo ihres Land gern düend präsentiere. So schwizerisch wini anschinend bin, hanis dänn aber doch nie gwagt zum eifach zu öperem heigaa =)
Im tanzende Cali hani mi mit minere Kollegin de Laura troffe. Si isch grad ufem Abewäg vo
Hostal Viajero
Don't hesitate to Play Quidditch =) Nicaragua uf Argentinie gsi und hät in Cali Halt gmacht. Mir händ in Cali nöd sehr vil agstellt usser a de tägliche Gratis-Salsalektion teilgnoo, in Usgang gaa und ich hamer no e Einzelstund Salsa gönnt. Nach es paar Täg ustanze hani mer en Flug uf Cartagena buecht und mich wieder vode Lorry verabschidet.
In Cartagena bini zerschmal fascht überhitzt vor luuter Hitz und höcher Luftfüechtigkeit!! Im Party-Hostel Medialuna hani den am gliche Abig 4 Chilener känneglernt. Mit dene hani mi zwar fasch nöd chöne verständige, will Chilener sonen schwirige Akzent händ, aber de negsti Tag am Playa Blanca isch also trotzdem sehr amüsant gsi mit ine =) Am Abig simmer natürli no in Usgang, wie sichs ime Partyhostel so ghört. Am nächste Tag bini per Zuefall inen alte Kumpel inegloffe, woni in Ecuador ufere Busreis känneglernt ha! De Pieter, en Holländer wo kei Gäld uf de Siite hät, aber mit sim Cowboy-Huet eifach mal ächli ide Wältgschicht umerereist =) Mitem Pieter bini am letzte Tag Cartagena no ufe Vulkan-Tour gange. Es hät sich um echli e spezielli Verision vome Vulkan ghandlet, nämli ischer nur öpe 15m höch gsi und volle Lehm und Dreck inedra. Det drin, das ischs Ziil
vo oisem Tüürli gsi, hämer chöne go bade und go dräckle!
Nach dem Dreckstag lots of fun hani scho min nägste Flug a mini letzti Südamerikadestination, nämli Bogotá gha. Vo über 32 Grad isches in Bogotá grad ächli frischer zue und her gange. I dere riesige Stadt, wo aber sehr schön und pflägt isch, hani usser mit Lüüt usm Hostel Alegrias schwafle und uf riese Shoppingtour nüm vil gmacht…eifach no mini letzte Stündli Südamerika gnüsse bevors wieder Richtig heizue gange isch. Home sweet home ... 😊
Advertisement
Tot: 0.081s; Tpl: 0.012s; cc: 13; qc: 54; dbt: 0.0562s; 1; m:domysql w:travelblog (10.17.0.13); sld: 1;
; mem: 1.1mb