Advertisement
Published: April 10th 2013
Edit Blog Post
Lior and Roei reading the Haggada
...er hät s Brülle-Putz-Tüechli als Kippa benutzt =) Da bini aso igstige, inen Bus Richtig Samaipata. Hm..dumm nur das mis Gepäck zu dem Ziitpunkt no noimez andersch umegschwirrt isch! Obwohl mir die flotte Type am Schalter gseit händ ich chöng mis Gepäck ruig bi ihne hinderem Trese lah..si degeds denn ilade. Dere Sach nöd ganz ghüür, aber irgendwie doch wils no ganz vil anderi Stuck gha hät det hine, hanis dän au det platziert. Wonich min Platz im Bus ignoo han und mit mim Nachber echli agfa ha schwätze, hani en ufs Thema Gepäck bi Busreise ufmerksam gmacht. Öb das so riibigslos funktioinert und so.. woner dänn sones Etikettli erwähnt hät, woni theoretisch sött ha ischmer e groooossi Warnlampe i mim Chopf ufglüchtet!
Schnäll bini wieder usm Bus usgstige, de Chauffeur gwarnt, er defi ja nönig abfahre (si fahred extrem pünktlich ab wänn alles nach Plan lauft und s isch scho hööchschti Isebahn gsi), und zum Stand gschpiiidet wohni mis Gepäck lige lah han. Die Jungs hinderem Threse händ nur dumm grinset wohni azküüche cho bin! Ohni zfröge bini hinder dTheke, ha min Backpacker gno und bi wies Bisiwätter zruggsecklet! Die Cheibe hetted eifach Froid gha ame Rucksack vo einere us Europa, wos sicher spannendi und vilich au exklusivi Waar drin gha het. Guet hani namal naaghacket bi mim flotte Nachber, öb das au richtig funktioniert mit Gepäck iilade. Check, scho öpis glernt vo Bolivie. Don’t just trust everybody und ufs Buchgfühl lose!
Nach dere Ufregig hani mi scho uf e ruigi Nacht im Bus gfreut. Fehlalarm :D min Chopf isch jedesmal as Fänster anetätscht wils sone rumpligi Strass (oder ebe kei Strass) gsi isch. Tja, hani halt 10h Music glost und mir über mis zuekünftige Läbe Gedanke gmacht. Am halbi 4i am Morge hät mi dänn de Chauffeur bekannt gee, dasmer etz in Samaipata acho sind. Komischerwiis bini di einzig gsi wo usgstige isch, sschiint nöd grad vil loos zsi in Samaipata! De betrunknig Bolivianer womi dänn fründlich empfange hät, hät mi no öpe e halb Stund begleitet zu mim Hostel wohni lang nöd gfunde han. Er hät mi di ganz Ziit komischi Sache gfrögt über höchschtpersönlichi Aglegeheite, wohni aber eher luschtig als läschtig gfunde han. Vilich hani eifach au kei Schiss gha, will de gueti Bolivianer öpe 1ehalb Chöpf chlinner gsi isch wi ich J
Wos dänn Tagesliecht worde isch, hani dänn au gseeh, mit wem ich eigentli mis Hostelzimmer teilt han. Es sind e jungi Dame und en Burscht i mim Alter gsi vo Israel. A dem Tag isch de 25 März 2013 gsi, d.h. fürs jüdische Volk de Tag vom „Pesach (Passahfest, Passover)“. De Roei und dLior händ mich gfrögt, öb ich nöd Lust het mit ihne das ächli zfiire, es seg amüsanter wämer meh seged =) De Abig isch für mich eine vo mine witzigste und lernriichschte gsi woni bis jetzt gha han (defür hätmer am nägste Tag de Chopf weeta, vor luuter noie Iidrück natürli 😉!
Advertisement
Tot: 0.073s; Tpl: 0.01s; cc: 12; qc: 28; dbt: 0.0436s; 1; m:domysql w:travelblog (10.17.0.13); sld: 1;
; mem: 1mb