Yahman, this is green Jamaica!


Advertisement
Published: April 20th 2013
Edit Blog Post

Jamaica, Jamaica, Jamaica..du gföhrlich bezaubernd schöni Insle! Im Flughafe in Montego Bay acho, hät mi mini ebeso-umereise-Kollegin, dLaura mitme riise Knuddel am Flughafe begrüesst! Läckk hät das guet ta wiedermal öpper zgseh und zknuddle, wohni scho sit langem känn! Scho ufm Wäg zum Hostel und di negste paar Stunde hämer nur scho mal demit verbracht, ois gägesiitig Gschichte, Begägnige, lustigi Erläbnis und co. zverzelle womer uf oisne bisherige Reis scho erläbt händ.

DLaura und ich händ ois bi sonre Tour agmolde, wos innert 10 Täg eimal rund umd Insle gad. Da mir aber no chli Zit gha händ bis zum Startschuss, simmer a eim Tag uf eigni Fust mal Mobay (wies dLüüt da nänned) Downtown go discovere. Will weder dLaura no ich ois NULL uf Jamaica vorbereitet händ (ich mein mi händ ois für e Tour agmäldet, da muesch ja eh nüt überlegge, nöd wahr! Mi händ nödmal en Reisefüerer däbii gha oder iirgendöbis über Jamaica gläse! Pffff..) hämmer natürli kein Plan gha zum Bispil weli Taxis neeh, wieviel de Priis normalerwiis wer etc. drum simer schomal abzockt worde bim Taxipriis, was ois aber nöd wiiter gstört hät wilmer us luuter Froid, in Jamaica zsii, zimmli usm Hüsli gsi sind :D

Am Fritig, 5. April 2013 händ mir ois uf de Wäg zu dem Hotel gmacht, wos de ganzi Gspass mit de Tour agfange hät. Det hämmer dMichelle, ois Guide und oisi Gschpöndli fü di nägste zäh Täg känneglernt. Michelle, e säbschtbewussti, taffi, dunkelbruun-brännti Frau mit Rastas (uf de Strass wirsch au mit „hey Rasta“ agsproche sofernd Rastas häsch, mir sind hingäge eher mit hey baby, sweetie, sugar, white girls oder whatever agsproche worde!). Die andere Tourahängsel sind us Australie, Östriich, und England cho. Alles Fraue meh oder weniger i oisem Alter 😊

Ich han mir im folgende Textli es paar Idrück ufglistet vode jewilige Ort, womer bsuecht händ:



Montego Bay

Scho mitme riise Hightlight hät oisi Tour agfange: En Bsuech bide Uriwohner vo Jamaica, bide Rastafaris. Me sind chli is Gjätt usegfare mit oisem Tourbüssli, det simer vom Maika, natürli en Rastafari, begrüesst worde. De hät so usgseh wie de Tarzan in Ächt, und er hät au ächt guet usgseh!! Bevormer iirgendöbis gmacht händ, hät de Maika en huufe Sache wele wüsse vo ois. Wi mir heissed, vo wo mir chömed, was mir über Rastafaris wüssed etc.. mer hät gmerkt, dass er sich sehr für ois intressiert hät und er gnau will wüsse, wem er so sini Heimat will zeige! Ufm Hiiwäg zude Rastafari-Village hät ois de Schönling diversi Gschichte über die Bäum womer verbiigloffe sind und ihri Frücht verzellt. Scho rein wäge dem ischmer Jamaica so sympatisch: wännd Hunger häsch, laufsch zum nägste Baum (und shät vill!) und schtibizzischder e Frucht. Und di sind eifach schpiiiizemässig ober mega cheibe guet!

Spannend ischs witergange mitere Füehrig dur „sDorf“, womer no vill über d Rastafari Pflanzemedizin glernt händ. S hät ganz vil verschidni gha vo Zitronegras über komischi Kaktus bis Verveine… Hamer natürli nöd jedi Pflanze chöne merke und gäg wees Schmerzli dases guet isch, aber mir ischs eh vorcho als wer jedi Pflanze, wo de Maika ois zeigt hät irgendwo dure gäg Buchweh, Chopfweh oder allgemeins Unwohlsii J

De Morge hämmer dänn mitme feine Vegi-Zmittag undme Konzert vom Maika und sine Homis usklinge lah.



Negril

Wiiter ischs nach Negril gange, par Stündli autofahre. Negri lisch bekannt für sin 7 Meile white Sand Beach, eifach traumhaftt. Wänn da nur nöd so vill Jamaikaniños und –as wäred, wo eim ihri Water-Activities, Zauber-Heilmittel, Braids (Zöpfli), oder ihri Kunstwerk fasch chli
Rastafari-LunchRastafari-LunchRastafari-Lunch

Nachde Füerig simmer bechocht worde! En wilde Chrütli, Kokosnuss, Vegetariermix, will dRastafari nur Sache ässed, wo quasi usm Bode wachst oder ab Bäum abeplumpst. Nüt gsi mit argentinischem Beef-Steak!
z ufdringlich abüted. Die lönd eim nämmli fasch nöd in Rueh wämer nöd unhöflich wird oder ine nüt abchauft!

So ischs mir uf jede Fall gange. Son Giovanni hät min Sunnebrand entdeckt am Buuch und hät mi mit sim Pflanzesaft (en Mix us Aloe Vera und Guava) wele iischlirgge resp. häter mir es „Müsterli“ ufd Ärm uftreit, will die au verbrännt gsi sind :D! Nachm füfte Mal säge „No thanks man, have a nice day!“ häter mers dänn ma glaubt aber hät natürli fü sis „Müsterli“ no Stutz wele de fräch Jamaiko! Guet, mit 1 USD weniger im Sack und mit grüene Ärm vo sim Pflazetrunk simer dänn halt wiiter am Strand entlang zottlet.

Am Abig simmer mit oism ganze Touri-Grüppli anen Touri-Ort, nämli is Ricks-Café. Bekannt dasmer det chan Klippespringer beäugle wo weiss nöd wie höch abme Türmli is schöne türkise Wasser inejumped! Zudem chamer det en schöne Sunneuntergang beobachte, wänns nöd bewölkt isch 😉 s Highlight hani eigentli öpis anders gfunde: oisi Chällnerin! Jamaica, isch ja scho seeeeehr amerikanisch aghuucht... Und wämer in Amerika ines Resti gad, stelled sich dKällner immer mit Name vor und erwähned no dassi für eim de ganz Abig da seged, me
Byebye Rastafaris!Byebye Rastafaris!Byebye Rastafaris!

very cool people!
söll eifach säge wämer öbis brucht blablabla.Uf all Fäll hät sich oisi Chällnerin doch im ernscht als „Babygirl“ vorgstellt! HAHA! Bimmer gar nöd dumm cho wohni durs ganze Ricks Café ha müse „Baaaaabbyyygiiirl, the bill please!“ ha müse rüefe :P

Und nach dem Tag mini Dame und Herre…uuuffff. Simmer im schönschte Hotel wohni je gsi bi icheckt! Meeerrusche by night, schöni Uussichte, kei Mänsche, Sunneuntergäng…sHotel heisst Sunset Resort in St. Elisabeth am Treasure Beach (Insider-Tipp, det häds nonig so vil Touris!)



St. Elisabeth / Treasure Beach

Zum schönschte Hotel ghört au de schönschti Tag! Oises Tagesprogramm ischs folgendi gsi:

- Getting picked up from Captain Denis by boat

- Observing wild Dolphins

- Follow the Black River to observe wild crocodiles

- Visiting the Pelican Bar in the middle of the sea and enjoy a Red Stripe Beer

Nach dem Tag hani so guet gschlafe, dasi wiedermal en verwirrte Traum gha han: Jenny hät sich es neus Huustier zuetaah und zwar en Giraff! Sin Chopf isch öpe so gross gsi wie die grosse farbige Bölle, wo alti Fraue aml demit turned (weisch weli :D?)



Kingston

Nach dene zwei verträumte Täg isches wiiter gange nach Kingston. Hät mer eigentli nöd so Iidruck gmacht die Stadt… Det simmer zum Bischpil is Bob Marley Museum, respektive händ dLaura und ich aml dMuseums-Bsüech uslaah und händ defür frischprässti Säft trunke und deuzue gjasst bis di andere wieder cho sind =) yahman, ich hang lernt jasse! (aber ohni uneufe 😉)

Ei spannendi Tour häts no durs Studio „Tuff Gong“ gee. Det händ scho jeglichi Reggae-Künstler, de Böbby ghört sälbschtverständl au dezue, ihri Music ufgno. Es gratis Konzertli hämer au no defe lose vomene dezänte Herr namens Ricky Chaplin wo eim ächli Angst macht, wämer en live gseht! Er hät Rastas bis ad Chnüü abe und di einte so dick wines dicks Rüebli J Wäner singt, häter en sehr agressive Unterton und duet winen vom Aff bissne Oktopus sini Rasta-Tentakel wild um sich umeschmättere! Isch chli schwirig zum vorstelle aber es isch amüsant gsi J er isch uf Europatour de Summer falls öper uf Oktopus-Tentakel Reggae Music staht =)



Portland / San Antonio

A dem hübsche Örtli, hämer so wi imene Urwaldhüttli übernachtet. Es ganz eifach bouts Zimmerli us Bambus. S hät kein richtige Bode, nu sochi sandigi Masse…me händ no ganz vil anderi chrabbelndi Mitbewohner gha womer im Verlauf vom Tag no känneglernt händ 😉 wämer oisi Tüür, wo eigentli es dicks Tuech gsi isch, ufgmacht hät, hät eim en Papagei mit „hello“ begrüesst! Mit ihm hani zum Zvieri aml mini Mango teilt vom Baum näbedra 😉

In San Antonio simmer no en Bsuech bide Maroons go mache. Das sind ehemaligi Zuckerrohr Sklave vo Afrika und die läbed echli für sich zruggzoge ide höhere Landschafte wos grad gsehnd falls en „Feind“ umeluuret… si händ ois ihri früehnrige Werchzüg, en typische Maroon-Tanz und ihre Fluss zeigt und en Zmittag hämmer no defe abewürge (dLaura und ich händs nodsoooooo gern gha J).



Ocho Rios (in Jamaica ya say Ochy, aight?!)

De letschti Stopp isch in Ochy gsi, bevors wieder zrugg uf Mobay gange isch. Dunns River Falls, das isch the must see in Ochy. Isch eigentli en zauberhafte Wasserfall, schad nur dass dTourismusindustrie abütet, dasmer de cha bechlättere. Aso ja..chlättere ischs eigentli nöd, meh es uespaziere und ab und zue is Wasser gumpe =)

Nach dere asträngende Aktion hämmer no Ziit gha, dMärt vo Ochy go durzstöbere zum Souvenirs chrömle! De Lieblings-Spruch vode Verkäufer und Verkäuferinne isch gsi: The more you smile the cheaper you buy!

Ich han umd Wett gsmilt säg ich oi, aber nöd wili unbedingt vil postet han, sondern wili eifach jede Tag während dere ganze Tour mit de Laura umd Insle so fesch gnosse han. Ich bin eimal meh uf minere Reis so vilne neue Sache bezüglich Kultur, Mentalität, Music, Frücht etc begägnet, wohni i min Läbens-Rucksack packt han. Für mich isch das villvill meh wert als all die Souvenirs =)


Additional photos below
Photos: 33, Displayed: 28


Advertisement

ResultResult
Result

...after two and a half hours of work!
Appleton RumAppleton Rum
Appleton Rum

..best in a real, jamaican Piña Colada
Sunset ResortSunset Resort
Sunset Resort

...in St. Elisabeth :))
Black River CruiseBlack River Cruise
Black River Cruise

Where are the crocs?
Croc!Croc!
Croc!

Eis isch über 3.5m gross gsi :S
View from Pelican BarView from Pelican Bar
View from Pelican Bar

..in the middle of nowhere!
Bob MarleyBob Marley
Bob Marley

... and some of his 11 sons


Tot: 0.071s; Tpl: 0.013s; cc: 9; qc: 50; dbt: 0.0457s; 1; m:domysql w:travelblog (10.17.0.13); sld: 1; ; mem: 1.2mb