Advertisement
Published: March 21st 2013
Byebye Chile, Hello crazy Bolivia!
Mit dä Travel Agency « Estrella del Sur « ischs losgange, en flotte Herr hät mich öpe drüviertelstund zspaat am abgmachte Ort in San Pedro de Atacama abgholt und denn ischs richtig Norde gange. Ade bolivianische Gränze hani dänn mini Jeep-Gspöndli für die negste zwei Täg Wüestetripp känneglernt. 5 Powerfraue vo Südafrika! Si händ mi ganz herzlich i ihres Grüppli ufgnoo und sind schauuurig froh gsi um mich, will ich di einzig gsi bi wo änglisch UND spanisch hät chöne, drum hanich de Co-Pilot-Sitz im Jeep übercho. Oise Guide und Fahrer, de Gilmar, hät nämmli keis Wort englisch chöne. S hätmer eigentli no rächt Spass gmacht, au weni natürli nöd alles verstande ha und ich am Gilmar sini Gschichte immer vo öpe 10 Sätz uf 1 kürzt ha =) Eimal häter mir verzellt, daser vor sim jetzige Job Lehrer gsi seg. Uf d Antwort wieso daser dänn uf sini jetzit Arbet gwächslet hät, häter gmeint er hegi als Lehrer zwenig verdient. Näbebii häter erwähnt, dasses dazumal knapp 250 USD monatlich gsi seged…
Während dem mir praktisch zwei Täg lang Richtig Uyuni, Bolivie gstüürt und durd Wüesti grucklet sind, hämmer zwüschedrin immer wieder halt gmacht
bi verschidenste Laguune, Geysiire, spezielle Steiformatione, bsunders schön Ussichte, wilde Lamas und Flamingos etc.. was ich bi dem ganze hübsche Reisli total verschwitzt ha, dases i dene 5 000m Höchi na cheibe chalt chönnt werde! Das hani dänn bi oisem nächtliche Zwüschestopp imene Lager zmizzt die Wüesti zimli schnäll zgspüüre übercho…s isch öpe -10 Grad worde und am Tag más o menos 15 😉 Drum hät oise Guide, de Gilmar, heissi Latinsounds i oisem 4x4 Toyote Cruiser laufe laah, wo ois aber spötistens nach 2h zimmli ufd Nerve gange isch! Aber er isch dän au mit Red Hot Chili Peppers zfride gsii nachdem mer nett gfrögt hend 😉
Für mich ischs grösste Highlight vo dere Tour natürli de Schluss gsi, Salar de Uyuni (Salzsee). De isch gmäss Gilmar 12 quadratkilometer gross. S hät e Minischicht Wasser ufm Salz, drum gsets so us als chöntmer ufem Wasser laufe. Git natürli cooli Fotis =)
Drum hämer früe us de Fädere müese, dasmer no de Sunneufgang gsend überem Salar. Leider aber doch nöd so früe wie ich und mini 5 Südafrikanis, mir händ vergässe Ziit umzstelle will mer ois ja sit noistem in Bolivie befindet. Jupii! Aber halb so wild, mi
Geiser Sol de Mañana
..die händ ja gmuffet!händ oises Zmorge im einzige Hotel wos git ufem Salar, wo au ganz und gar us Salz bestaht, glich sehr gnosse.
Nach dere erfolgriiche und lustige Tour hani mer schnäll no es Plätzli ime Bus Richtig Sucre gsicheret.
Advertisement
Tot: 0.063s; Tpl: 0.01s; cc: 10; qc: 54; dbt: 0.0406s; 1; m:domysql w:travelblog (10.17.0.13); sld: 1;
; mem: 1.1mb
