Bariloche

---

Am Fitig 9. Februar sind mir nochere 24-stündige Busfahrt in Bariloche aacho. S'Hostel "la bolsa del deporte", wo mir glücklicherwis scho vorher reserviert hend, hend mir schnell gfunde. ( Dank a d'Fabienne und de Dani für de super Tipp). Mir hend üs sofort wohl gfühlt dank de heimelige Baumhütteatmosphäre, de guetusgschtattätä Chuchi und de warme Better. Am Obig hend mir denn au grad üse erschti Stadtrundgang dur die ehemolig Schwiizerkolonie gmacht. Mir sind amüsiert gsi über d'Bemüehige vo de Iheimische eres Dihei schwizerisch uszgseh loh. (abartig vill Schoggilädä, appenzeller Chueglogge, Kantonswappe und me het sich mit aakettete Bernhardiener chöne fotografiere loh)
Am Samschtig hend mir üsi erscht chli Wanderig undernoh. Mir sind mitem Teleferico uf de Cerro Otto (Gondelbähnli ufes Hügeli) gfahre und hend döt die wunderschön Ussicht uf de Lago Nahuel Huapi (Tigersee) gnosse. De Rückweg hend mir denn z'fuess in agriff gno. Mir sind öppe 3 Stund im Staub unterwegs gsi. D'Erde isch im Summer döt so troche, dass si würcklich nur Staub schint. Am Weg entlang isch abo glich alles grue.
Über de Sunntig giz nöd sehr vil z'säge. Am Morge sind mir d'colonia suiza go aluege wo zuefällig grad no s'Fescht vo de dörtigä Spezialität em Curanto gfiiret worde isch. Curanto isch e eintopfartigs Gricht mit vil Fleisch und Gmues. Am Nomitag sind mir schnell in krischtallklare abo iischalte See ghüpft.
Üses Highlight vo Bariloche het denn am Mentig statt gfunde. Mir hend üs Bikes gmietet und sind de Circuito Chico Rundkurs abgfahre. S'traumhafte Wetter wo d'Seen und de Wald ine Poschtchartelandschaft verwandlet het, het üs s'ständige Uf und Ab erlierchteret. Am Obig hend mir Luscht gha uf Curryriis. Abo wiit und breit isch kei Curry in Sicht gsi drum sind mir halt go trucha (Forelle) ässe. Dä Fisch isch nöd am ussterbe.
Noch sooooo vil Sportlicheraktivität hend mir dringend en Usruebetag bruucht mit Schoggi (noch de Sabrina ererä fachkundige Meinig: besser als Maestranischoggi), maíz rosado (popcorn), heladoooo (Luxuskinder) und Film.
Am letschte Tag simmer extra frue ufgschtande zum en 6-stünder is Refugio Frey (Berghüttte) anelegge. Abo leider hets Wetter nöd mitgschpilt und mir hend muese i de Hälfti umcherä. Spöter hend mir denn en letsche nette Obig mit de anderne Hostelbewohner verbrocht und hend üs denn entsprechend mued am morge am 6 usem Staub gmacht.

---

Photos

Aussicht auf den Lago Nahuel Huapi
Mir stönd do ufem Cerro Otto. Do cha mo jetzt äbä mitem Gondelbähnli ufefahre.

Velotour
Fotosession uf em Circuito Chico

Ussicht vom strengschte Hügel
Wir sind auf den Hügel gekommen und es war schön.

Bad Land
Dä Weg zum Refugio Frey het dur d'Überreschte vomne Waldbrand gführt. S'Refugio Frey befindet sich ufem Schiiberg (Cerro Cathedral) vo dere Umgebig.

Comments

[Gaby]

Genial
Diä Bilder won er üs schickäd mached meh als gluschtig. S'isch grad als öb mers chönt dähei miterläba. Dankä vilmol. Bis zum nöchschtä itrag liebi Grüäss. Gaby