Glitter all over!

---

Hüt isch en relativ langwiiige Tag gsi leider. Am morge hemmer zerst fast 1.5h Assembly gha ide Aula wo d'Chind vom History Club ihri Sache vo dem Semester de andere Chind präsentiert händ (Römer, Ägypter, Vikinger, Steiziit...). D Powerpoint Präsentatione währed mega cooli gsi nur präsentiere chönd nöd und d Lehrerin het auno immr müsse drii schnurre. Au di andere Chind sind nöd wükli debi gsi, was fü d Arbet vode PräsentatorInne schaad gsi isch.

Dänn hämmer mit de 3. Klasse Theaterprobe gha, was no chaotischer gsi isch als s Assembly. D chind chönd weder ruhig si no ruhig hocke no uf de Bühne de Lehrer zuelose was si sölled mache und alles gaht eeewig langsam. Nach de 15min Pause (di einzig am Morge) hend d chind den e Schriibarbet gmacht zum Thema "If I was King/Queen". Si sölled us de sicht vode Queen/King en Tag vom Thronjubiläum beschriibe. Ich ha das den au gmacht und d chind sind am schluss sehr fasziniert gsi ab mine 2 Siite (in 1h 20min), will sii hend höchstens e knappi siite gschribe wills meh schnurred alls öpis anders mached.

Nachm Mittag het en Teil vode Chind den Ziit becho zum ihri Alien-Maske für s Theater aamale und mit Glitzer dekoriere. Am Schluss isch alles in Glitzer taucht gsi und d mir hend au usgseh wie Discochugle. Au da hend ich und de Mätti ab de Disziplin nume de Chopf chöne schüttle. Mer chönd ja meine in England mit de Uniforme und alles hebed d chind Respekt und Disziplin glernt aber nei im Gägeteil. Si losed nöd zue, schnurred stetig mitenand (und das ned im Flüsterton), stönd uf und laufed ume, mached igend öpis abr ned das wos sötted und d Lehrer sind so inkonsequent als obs sowiso scho resigniert hetted. Am liebste würdi amel fast usrüäfä aber ja... Ahja ufgruumt händ natürli au mir und d Lehrerin und ned d Chind, wie sölleds da au öpis lerne?!?! Fü alles hends Schuelübergriifendi Plakat und Lernhilfe und Mottos, aber s Thema Disziplin und Klassefüärig isch igendwie ned so vorhande bzw. anno LuegImBuech (Chind ufstah lah zum zämeschiise, Kollektivstrafä aahdrohä etc), zimli struub.

Ufm Heiwäg hani den no en Abstächer dur Pinner gmacht und es härzigs Strössli entdeckt, sogar da gits also en Starbucks 😊 Ez gits den gli Tea (das isch de Z'nacht) und natürli Fuessball. Hoffetli wird s Wätter mal nochli besser ide nögste Täg!

stay well, greetings 😊

---

Photos

Pinner
Eusi Chilä

Pinner
Es härzigs Restaurant