Shopping Paradise

---

Nacheme zimli öde Morge ide Schuel hämmer den am Mittag döfe abzische und sind uf direktem wäg nach London City gfahre. Det hämmer den zerst no en abstächer in Hydepark gmacht will s Wätter am morge recht sunnig gsi isch und mir sänkt hend, lieber det chi go hökle bevors chunt go rägne.

Dänn simmer in Primark und hend für e stund spöter en Treffpunt abgmacht. Mit em Wägeli bini den loosdüset und ha Usschau nach spezielle sache ghalte, woni natürli au gfunde ha. Es isch eifach alles uultra günstig und es hät doch paar zimli cooli spezielli sache gha. Au chli KrimsKrams het natürli ned döfä fähle und en chline Koffer (cabine size) hani den augad no kauft 😊 vorem Lade hämmer den alles id Koffere bigä und sind wiiter zoge richtig öpis zum Ässe.

Wommer so gloffe sind simmer ine richtig fetti shopping Strass ine cho wos nume s tüürste vom tüüre hät: Luis Vuitton, Gucci, Prada, Miu Miu, Burrbery, Ralph Lauren, Chanel, Mont Blanc, Dolce & Gabbana, Tiffany's und eifach alles andere wo rang und namä hät. S Volk het au zimli zu dere Priisklass passt. Uffällig sind au di eher dicke Schlitte wo i dem Teil vo London aber au sust i dere Stadt umefahred. Bis ez hämmer scho mehreri Ferraris, Astons, Rolls Royce und Mercedes, Lexus, Porsches und Jaguars gseh (das gits da wie sand am Meer igendwie).

Dänn hämmer eus imene Pret à Manger öpis kauft und sind im St. James Park go picknicke. Det hämmer mal wider öpe 6 Eichhörndli gsee und mir glaubed, dass die insgeheim London regiered. Nach dem Päusli simmer den so nöch wies gange isch an Buckingham Palace und hend gad auno zwei Garde bi ihrere Choreographie chöne zueluege, lustigi Mannzgöggel sind das 😊

Zu gueter letscht hämmer den no s Fortnum&Mason gfunde, eis vode renomiertiste Feinkost und Teehüser in London. Scho vo usse isches de Hammer, inne gömmer aber es anders mal denn. Will eusi Füäss eus scho zimli weh tah hend simmer den ab nach hause mit eusne Köfferli.

stay well, hugs 😊

---

Photos

Tiffany's
D Old Bond Street isch es tüürs Pflaster!

Fortnum & Mason
wunderschöns Huus! :)