埃及 Day 4

---

今天的行程是乘內陸機去南部Aswan。　
今早起床，腳有點痛，可能係昨天闖入金字塔後，被法老王咀咒吧 ……
飛機飛過沙漠，從高空望下去，見到沙漠中有一大片湖，或者應該係成個海咁大，可算是一個奇景。但更奇怪既係，我竟然係酷熱既埃及得到了感冒。
飛機在沙漠上的一個沒有其伳飛機的機場降落，步出機場要去市中心，一如所料，的士獨市生意，被逼要付70EP去市區。既然已經被逼要付70EP，司機其實可以大安旨意咁唔理我，但一路上佢不停咁用有限既英文同我介紹一路上既景色，仲不時把車停下來讓我拍照。我心想，如果他們不是要錢，他們會是非常善良的人。
今天熱得異常恐佈，我想今天是我一生中遇到最熱的一天。一路上見到的都是沙，感覺上Aswan這個城市只不過是在沙漠上建一些房屋而已。　到了hostel, 環境尚算不錯。外面熱得要死，有一種要虛脫既感覺，完全不想留在室外，但接待那個人還跟說今天不算太熱，還帶了外套上班 (太誇張了吧-_-)。
雖然好熱，但都要食野，去附近bazzar 找了間餐廳，食了個乳鴿大餐，仲有沙律同凍芒果汁，我已經不怕食當地既凍野，其實他們的凍食還算不錯。
沿住市集走，兩旁商店的人不停地向我搭訕，他們見到我這種黃種人，已經有固定既對白：’Konichiwa, Japanese? Korean? Chinese?”. 本身我會跟他們說我是香港來，但過了一會，我跟他們說Chinese, 因為我發覺他們對Chinese 沒太大興趣，可能覺得chinese跟他們一樣窮，無利可圖吧。除此之外，我發現做中國人仲有一個好處，就係當佢sell我野，我會問佢幾錢，跟住我會同佢講，”made in china is much cheaper”， 跟住佢地就會啞左一陣，跟住我就乘機走人。除此之外，再絕ｄ就會係點都唔問幾錢，佢地就會問我想唔想知幾錢。我會話我唔想知，因為我唔鐘意，如果我鐘意，我1000EP 都可以俾。
其中有一個細路，佢一直咁跟進我，佢既英文非常流利，很想我買他手中的書纖。　但我嘗試同佢傾計，問佢英文係邊度學，佢聽唔明，反而仲擺出一個很不耐煩既樣，繼續“1,2,3,4,5,6,7, one dollars”。我真是覺得他很可憐，我估計他最多五歲，但已經變成金錢既奴隷，所有小孩應有的童真，在他身上一點也感覺不到。
走出市集，走到尼羅河邊，日落前的景色非常迷人，可惜仍然是不斷受騷擾，在短短５０米內就會有五至六個人問我租唔租帆船出海。　我只係同佢地講，唔該俾我一個人靜下，欣賞下風景。途中有一班細路從後追上黎向我賣水，其中一個係殘廢，只是坐在單車上。雖然我已經有一枝好大既水，我見佢地咁辛苦，咁就想幫佢地買。一枝水５EP, 我身上只有10EP, 但我只買一枝, 佢地無錢找，非常緊張地衝出馬路，截停路上的車，然後問司機換錢。他們肯定是很怕我就這樣走去，但我當時只是坐在旁邊，看著他們狼狽的樣子。我們的交易最終也逹成，他們很高興，走的時候還向我揮手致謝。當時我在想，雖然他們是很煩，而且開價也相當高，但起碼我沒有碰到一個是直接問我拿錢，也沒有人行丐，也沒有人搶，他們都是生活所迫成的。
入夜後，空氣涼了，我再次進入市集。眼前的市集再沒有旅客，全部都是當地人，他們出來買東西，我終於感受到當地人的生活。我當時戴著headphones, 以為可以裝作聽不到街上的人向我搭訕，但意外地有一家賣音樂ＣＤ的看中了我，我就結果進去跟他們一起試聽音樂，還買了兩隻ＣＤ。

---