Nicol and Trudi

Laaste blogs: Dag 14 & 15, Amsterdam. Die kuns-hoogtepunt van die trip is gewis die Impressioniste-uitstalling in die Amsterdamse Heritage museum. Dis ‘n uitruil-ooreenkoms met die Russiese een en almal behalwe Van Gogh is verteenwoordig, maar aangesien hy ‘n hele museum vir homself het, danksy sy nefie, kan mens ook nie kla nie. Koerantberigte uit die tyd vertel hoe die Paryse Salon hul neuse opgetrek het vir die manne … en vandag ken mens nie meer een van die Salon ouens nie. Daarna ‘n lang wandeling verby die Bloemenmarkt – baie tulp-bolle en “cannabis starter packs” maar min blomme, kaaswinkels waar jy kan proe (gedog dis bietjie te duur), die koninklike paleis waar mense so sommer by die afskortings verbystap as ‘n kortpad tot by die stasie waar ons vir die volgende twee dae dagkaarte gaan ... read more

Al wat nog oor was wat ek en Trudi in Venesië wou doen was om na die mark naby die Railto brug te gaan kyk. Daar is baie groente en vrugte en vis. 'n geweldige verskeidenheid en baie goeie kwaliteit, maar soos alles in Venesie, baie duur. Daar is allerhande groente en vrugte wat mens nie ken nie, en baie wat jy ken maar klaarblyklik 'n ander varieeteit. Daar was byvoorbeeld eiervrugte wat pers gespikkeld was, ongeveer 8 duim lank en nie wyer as 'n duim nie. Daar is geweldig baie soorte seekos - seker ses of ag soorte vis, die meeste wat ek nie ken nie, behalwe goed soos swaardvis - die een ou was besig om 'n ses voet lange te staan en slag. Meeste stalletjies het drie soorte mossels en ook drie soorte ... read more

Dag 8 & 9: Ons het met die trein van Rome na Venesie toe gery. Dit het net so onder die 4 uur geneem. Dit was so lekker soos die Europese sneltreine kan wees, mens gly net so saggies oor die spore terwyl die landskep verby flits. Net op Florence, Bologna en nog ‘n plek gestop voor Venesie. Ons bly weereens in ‘n Joodse ghetto – die Cannaregio-distrik, waar die Jode destyds saans agter hekke ingehok is en die area met bote gepatroleer is. Het dit in die oorlog maklik gemaak vir Mussolini se manne om hulle weg te neem. Blykbaar het daar baie min teruggekeer – een gids se daar woon vandag nog net 33 Jode in die area. Daar is geen teken meer van hekke nie en mens kan heerlik dwaal en verdwaal al ... read more

Dag 6 Rome – Sondag.’n Mens kan kla soos jy wil oor die Roomse oordadigheid, maar die singery tydens nagmaal is tog roerend. Veral in so ‘n mooie kerk soos die Santa Maria de Trastevere, glo die oudste Christelike kerk. Interessant hoe baie van die jong Italianers nog so gelowig is, soos die knaap wat plegtig sy sondes op ‘n papiertjie bely het en dit in die beeld se arms gegooi het. Hopelik het hy darem nie ‘n naam bygesit nie, hoewel mens nie kan glo die priesters sal al die hopies papiere lees nie. Die Trastevere (oorkant die Tiber/Tevere) is nog mooier en interessanter as ons buurt, met nog meer restaurante en pleintjies – dus fonteine en kerke ook. Dis “working class” en dus ook behoorlike pryse, bv vir Campari en soda of koffie tussen ... read more

Dag 4 – ‘n Tawwe een met die son wat bak al die pad deur die Forum en Colosseum. Was eers vies dat jy die audioguide vir die Forum binne 3 uur moet terugbring, maar in retrospek miskien goed. Drie uur oor ongelyke klippers en marmerblokke en teen die Palatine heuwel op werk op ‘n ou se voete – veral as die Colosseum dan nog voorle. Interessante interpretasie van die blomme wat die Romeine nog op die stapels klippe kom sit waar Caesar verbrand is – heeltemal onwettig natuurlik, moes buite die stad langs die Tiber gebeur het, maar toe klim Mark Anthony op die rots (lekker sitplek nou) en stop die prosessie met sy “friends, Romans…” en die gepeupel dra stoele en tafels aan en brand hom net daar. Iedergeval, ‘n Italianer se van die ... read more