Advertisement
Published: July 28th 2009
Edit Blog Post
Huacachina
Buggyfahrt in Sunnauntergang Will mer vo Ecuador scho relativ viel gseh hoend, simmer recht zuegig vo Quito Richtig Peru g'reist. Da beduetet mer sind innerhalb vo 5 Taeg mit versch. Stops bis uf Piura (Peru) gfahre. D'Strecki waer gaer noed so lang, aber di koga Ande versperrid maengmol da Weg und as ka sich recht id Laengi zuecha. Huegel uf, Huegel ab, Kurve rechts, Abhang links. Nuent foer schwachi Nerve und Maega.
Z'Piura im Norde vo Peru hoemmers den wieder wella langsamer agoh. D'Gegend isch do sehr troche und arm. Noed bsunders spektakulaer. Drum simmer den doch recht zuegig ueber
Chiclayo und
Trujillo uf
Lima.
Lima isch a cooli Stadt mit anara guata Mischig vo allem. Hetted mer an Kilometerzaehler a da Fuess ka, hetted mer fruehner a Taxi gnoh.
Wills do jo soviel Sand und Wueschti het, hoemmer denkt mer moessed ues da amol us da Noechi aluega. Drum sind mer uf
Huacachina, a klini, stinkigi Oase umgeh vo riese Sandduena. Mit am Buggy sind mer den i da Duene in Sunnauntergang gfraesed. Was foer an Spass. Do kunnt ma sich vor wia inara andera Welt. An Traum foer Sandburgebauer 😊. Sandboarded hoend mer oh no, wobi seb eher Sandschlittle
Huacachina
Und auf geht's... gsi isch... trotzdem sehr amuesant, bsunders zum nochher da Sand us allna Ritza z'pople.
Im Nochbursdorf Ica simmer den no uf a Wii und Pisco Tour. Saeg Salli du. *Hicks* Z'erst is jo no gange, mer sind uf a "normals" Wiiguet und alles bis uf da Wii isch super gsi. Di zwot Bodega isch den scho recht primitiv gsi, Trube woerid do no mit da Fuess gstampfed... wa da Wii aber o noed besser macht. Pisco hoemmer o toera, moesse probiera. Oh da schmeckt ziemlich bescheide aber mitlerwiele is ues egal gsi . Ah jo bi Wii gits Seco, Semi-Dulce und Dulce. Seco isch ofach schlecht. Semi-Dulce isch suess und Dulce isch wia Syrup. Die letscht Bodega isch meh an Antiquitaeta-Sammler-Keller gsi. Zwuesched Schrumpfkoepf, Saebel und alte Telefon hets dera typischa Tonkarafa gha, gfuellt mit Wii und Pisco, belageret vo Fleischmueggli. Mer hoend gaer nuemma moega, trotzdem aber fliessig wieter probiert.
Arequipa het ues uh guat gfalle und wommer den am Obet im Supermarkt Andi und Caro (vo dae Galapagostour) wieder troffe hend, hond mer ganz spontan a tour mit ena bueched. Am ersta Tag simmer, ueber an 4910m hoche Pass uf Chivay gfahre. I da Nacht isches
Huacachina
Oase um geh vo Sandduena so kalt gsi das d'Rahel scho di neua Alpaca Stuelpa agleit het und trotzdem no gschlotteret het unter 5 Deckene. Am noegsta Tag isch ma den zum Colca Canyon gfahre. Da isch da zweittuefscht Canyon uf dera Welt noch amana andere ebefalls in Peru. D'Usicht isch sagehaft, aber genau so imposant sind d'Kondor wo knapp ueber uesi Koepf g'floge sind.
Back in Arequipa simmer no s'Monasterio de Santa Catalina go aluega. Da isch a wunderschoes Kloster us am 15. Johrhundert, es isch quaisi a Stadt i da Stadt. Do haets nu Nonna ka us riche Familena. Sie hoend g'laebt i Saus und Braus. Mehreri Bedieansteti und angeblich alles andere als keusch, do waerid mer o no Nonne gsi.
Z'Puno ako hoend mer gad erfahre das uebermorn foer di noegsta 3Taeg streiked, sprich ko Bues fahred. Also hoend mer uesa Punoufenthalt akli kuerzt und sind am noegsta Tag wieder abgreist. Sind aber trotzdem no uf dia schwimmenda Insla ufam Titicacasee und hoend ues endlich amol ueberwunde zum Cuy z'aessa. Da isch Meersaeuli und a typisches Gricht vo Peru. Naja, mol abgseh davo das noed viel meh dra isch ussert Hut und Knoche, isch es au no grusig. Fascht s'ganze isch
Ica
Weindegustation im Antiquitaetenkeller?!? retour id Kuchi ganz zum Entsetzta vom Personal oder doch zur Freud? Mer globid es het a halbi Keilerei geh wer das doer mit Hei neh.
Cusco isch Usgangspunkt foer Machu Picchu. Aber au sust a ganz schoeni Stadt. Mer hoend ues bi ca. 1000 Agentura erkunndigt wia mer da Machu Picchu soelled erkunda. Bueched hommer den da 4 taegig Inka-Jungle-Trail.
Am ersta Tag simmer bis uf 4300m ufagfahre und den ab ufs Bike ca. 4h meh oder weniger Downhill, ai-caramba! Mer sind a cooli Truppe gsi vo 10 Luet... mulitkulti.
Am noegsta Tag isches uf a 9h Trekking-Tour ganga. Di ersta 2h isches gemaechlich am Fluss entlang gange. Danoch simmer ufma schmale Inka-Trail id Hoechi kragslet... puh. Roti Koepf und Blottere hets geh, aber bi dera Ussicht het ma dia schnell vergessa. Belohnig vom huettige Tag sind dia heissa Therma vo Santa Teresa gsi und s'kneipe het dafoer gsorget das mer am noegsta Tag ko Muskelkater ka hoend. Zum Glueck simmer so mued gsi, dass ues s'Zimmer oder besser gseit d'Wellblech-Garage gaer noed gstoert haet.
Am dritte Tag isch mer den da Gleis entlang bis uf Aguas Calientes glofa, da eigentliche Usgangspunkt foer da Machu Picchu. Als ob
Arequipa
Plaza des armas... ma noed scho gnuag gloffa waered simmer am Nomi no uf an Berg ufi Kletteret, so steil das es mengmol nu mit Leitera wieter gange isch. Sogaer da Marco het do d'Kronbergbahn gnoh. 😉 As het sich aber den g'lohnt, d'Sicht uf Machu Picchu isch da hammer gsi.
S'grosse Finale isch den akli id d'Hose. Am 4i ir Nacht ufgstande, haets den leider gregnet. Kein Grund zur Panik mer hoend no Plan B. Anstatt z'Fuess dia 3500 Stegatritt uf Machu Picchu simmer mit am Bus ufa. Leider is Wetter doba au noed besser gsi. Ohni Nebelhorn fascht unmoeglich.
Fruscht! Es het viel Geduld brucht bis sich endlich an Sunnastrahl zeiged het aber s'warte het sich g'lohnt.
Jetzt gohts ab uf Brasil uesi letscht Destination. Mer sind uf Puerto Maldonado gfloge und vo doet ufam Landweg noch Rio Branco (Brasil). A neui Ufgob wartet uf ues: portugiesisch *hrmpf* 😞
Da Rest und alli Details gits bim noegsta Grillfaescht, nur soviel ... Brasil = Piranha fische, Caipi und Raega... Mer zwo
Advertisement
Tot: 0.109s; Tpl: 0.013s; cc: 6; qc: 44; dbt: 0.0408s; 1; m:domysql w:travelblog (10.17.0.13); sld: 1;
; mem: 1.1mb
fabex
non-member comment
üsera letscht blog-kommentar! :-)
mer seand no am überlegga, ob mer bi dera wii-degustation oh hettid wella dabi si...wa mer üs seacher seand: dä wii ka ma ganz bestimmt als "le millieu" bezeichna! ;-) soa & etz wörds zit, dass er wieder hoa kumid - flügid goat & bis nöchst wucha (tönt goat)! ;-) lüba gruass vo da fraktion aegetholzstross