Advertisement
Cartagena
Blick ufd Stadt...Eigentlich hoemmer jo wella mit am Segelschiff vo Panama uf Kolumbie. Will mer aber z'lang hetted muessa warte und es uf em Landweg z'gfoehrlich isch, simmer uf
Cartagena gfloga. Do isches mega schoe. S'Altstaedli isch eimol meh im kolonialstiel aber s'topt alles was mer bisher gseh hoend. Es isch ues uf ahieb wohl gsi in Kolumbie.
Mer sind den witer noch
Santa Marta, Usgangspunkt foer da wunderschoeni
Parque National Tayrona. I da Stadt isches noed bsunders schoe gsi ma het fascht Nasaklueperli brucht (a jedem Egga hets gseichelet oder andere Gerueche). Da 1h entfernte Tayrona isch dafoer wia im Paradies. Eigentlich isch es Dschungel, aber mit wahnsinnig schoena Karibikstraend. Mit am Auto noed zuegaenglich nur z'Fuess oder mit am Gaul. Oepa 4h simmer durch da Park tapped und hoend ues mit baedala anara schoena Bucht belohnt. Am liebeste waered mer niemeh do weg...
Ueber
Bucaramanga simmer uf
San Gil gfahre. Sind scho i da Anden uf 1100m, und es woerd langsam akli kaelter wa ues noch 3.5 Moenet Hitz ganz recht isch. Z'San Gil wachsed mega kurligi Baeum und es het an ganze Park dafo. Leider het da Nebel gfaelt foer an richtiga Gruselfilm z'truella 😊
Villa Cartagena
Altstadt vo Cartagena de Leyva isch s'Wuchaend-Usflugsziel vo da richa Kolumbianer. Do mer jo quasi richi Kolumbianer sind, hoemer ues unters Volk gmischt und das herzige Pflastersteistaedli erkundet.
In
Bogota uf 2600m isches den scho akli kaelter gsi und mer hoend sogaer da Schlofsack koenna brucha wegs da Kaelti und noed wills ues grused het... Das mer noed hoend moessa fruehra, dafoer het da Franz gsorget. Er isch da Cousin vom Marco sinara Muetter und bis vor 3 Wuche hoend mer no gaer nuent gwuesst vo em. Er het meh als nu guet glueget zu ues. Mer sind zumna super Argentiner go a Moeckli Rindsfilet aessa mmmhh... Natuerlich hets au as guets Flaeschli Wii dazue geh besser gseit 6 Fl. 😱. Dia koga Hoehaluft isch noed zum Unterschaetza am noegsta Tag isches ues den akli flau gsi.
Ues het Kolumbie super guet falle. Alles isch uh gruea und d'Anden sind sehr idruecklich. Z'
Ipiales uf 2900m isch den s'schnuffa scho akli straenger gsi. Trotzdem hoemmer da Weg uf ues gnoh und sind go dia beruehmte gothische Kirche inara noechglegna Schlucht, go aluge.
Advertisement
Tot: 0.106s; Tpl: 0.012s; cc: 7; qc: 44; dbt: 0.0355s; 1; m:domysql w:travelblog (10.17.0.13); sld: 1;
; mem: 1.1mb
froas
non-member comment
Gruass vum Aeuali vu froas
Hoppid! Also, ma muas schu säga supper fötali machid er all. Mer hond üs iatz gad amol zitt gno zum alli iiträg amol gnau zum leasa. Ma kunnt gad fernweah über. Machid witter asoa und bliibid gsund und gnüssids witterhin. Gruass Sabin und Pascal