Advertisement
Playa Tamarindo
Bi Ebbe isch da Strand riesig PURA VIDA
Uesa erscht Stop in Costa Rica isch
Playa del Coco. Mer stieged zum Bus us, da Busfahrer git ues d'Hand und meint PURA VIDA! Mer lueged ues ah und denked: Alkoholisiert? PURA SCHNAPS?
Am Nomittag wieder amol uf da Suechi noch amana Bankomat, findet mer an riesiga Migros MMM. Natuerlich is kon Migros... aber so guet wia. Mer sind voellig vo da Rolla, will mer bis jetzt nu so *Tante Emma Laeda* ka hoend. As het sogaer Fondue ka, aber bi 35 Grad im Schatte hoemmer ues den doch foer an riese Vaesper entschieda. PURA VIDA. Voellig im Kaufrausch hoemmer soviel kauft das mer die noegsta zwo Taeg nuemma hettad moessa zum Zimmer us. 😊
Da noegst Strand a da Pazifikkuesta isch da
Playa Tamarindo gsi. Dae Beach isch woerkli traumhaft. A super Unterkunft hoemmer au ka wommer alti bekannt troffa hoend. D'Melli und Jana sind Duetschi und zwo glatti Koga. Mer hoend koched und wii trunke. Alles waer perfekt gsi. PURA VIDA. Leider hoends ues am Strand da Rahel sini neu Taescha klaut. Wertsache haets kei dinna ka uessert da Zimmerschluessel und s'letschte Jasskarteset. Waer alles noed so schlimm gsi uessert d'Taescha. Mer hoend ca.
Jaco
Do simmer no troche gsi... ab ufs Jetboat 3 Wucha lang gsuecht bis mer endlich a passendi foerd d'Rahel gfunde hoend. Sie isch doch so schoe gsi... *snief*
Mer hoend den wieder mol an 12h Reisetag hinder ues brocht und sind uf
San Jose, go da Remo abhole. Juhu wieder Jasskarte. Zweifelchips und Minorli an Traum, danke Remo PURA VIDA. D'Hauptstadt hoemmer gad am noegsta Tag verloh richtig
Jaco. Da isch aber nu an netta Zwueschahalt uf am Weg noch
Montezuma gsi. Do ani simmer den mit amana Jetboat. Hell Yeah. Leider hoends ues vergessa z'saega das mer hettad moessa an Regaschutz und wasserdichti Unterhosa montiera... aes haet akli gspruetzt... bzw *nass bis auf die Haut*!
Montezuma isch a mega vertraeumts und herzigs Doerfli am Meer. PURA VIDA. Wia mer mittlerwila gmerkt hoend isch da de allerwelts Spruch vo Costa Rica. PURA VIDA goht immer und da isch natuerlich au uessers Motto. D'Rahel het zwor jetzt zwo Affe im Zimmer ka aber mer sind den glich no di richtiga Bruellaffe go suecha. Foer das hoend mer moessa a halb stund lang in Dschungel laufe. Do hets an Wasserfall ka und aeba a Horda Bruellaffe. Dia hoend an wahnsinniga Laerm gmacht. Het ues fascht akli gfoercht, bis
Bruellaff z'Montezuma
Da Paesci het doch noed di schoensta... mer gseh hond das gaer noed so gross sind.
Costa Rica isch akli muehsam zum reisa, s'Problem isch das d'Strosse fascht immer ueber San Jose fuehred unds koga schwierig isch vo A noch B z'ko. S'ander wo uffallt, dass es viel tuerer isch im Verglich zu da letschta Laender wommer bereist hoend. Dafoer isch da Konfort au kli hoecher.
Wieter gohts noch
Monteverde. Da isch i da Berga und zum Glueck endlich wieder amol akli kuehler. Am Morge gohts los mit anara Canopytour. Mer saussed bis zu 1km lang amana Stahlseil ueber d'Schlucht und bim Tarzanswing keit ues fascht s'Herz id Hose. Im Verglich zu uesera ersta Canopyerfahrig isch dia echt da Hit. Am Obet gohts gad wieter mitera Nachttour dor da Cloudforest. Mer saeged nu riiiiesa Tarantla!! Super mer liebed jo dia Viecher.
S'noegst Highlight isch
Tortugero gsi. Dae sogenannte *little Amazonas* isch nur per Flug oder wia i uesem Fall mit am Boetli z'erreiche. Wo sind dia Froesch? Uf jedera Postkarte sieht ma farbigi Froesch und mer hoend immer no kei gseh. Voller Zueversicht mached mer a Morgetour im Kanu. Mit uesem private Gondolieri (Roberto) fahred mer dor di verschiedana Kanael uf da suechi
Montezuma
Zweifelchips und Imperial... PURA VIDA noch Tier. Tour isch mega friedlich. Mer gseched an huffa Voegel, Affe, Echse, Caymane (klini Krokodil)... aber leider kei Froesch. *hrmpf*. As kennt afang jeda im Dorf, d'Mamma mit da zwo Jungs uf da suechi noch Froesch. Drum mached mer ues am Nomi uf zum Tortugero Hill und tatsaechlich ... Bluejeans-Froeschli everywhere. PURA VIDA. Da Schweiss lauft ues nur no abe bim ufikragsle aber mer hoend so a Freud es isch us egal. Wommer den no da bekannti Gaudy-Frog, an Tucan und a Schlange gsechid isch alles Perfekt.
Letschti Destination in Costa Rica isch Reggae-Town
Puerto Viejo Bob Marley lebt. PURA VIDA. A jedem Egga lauft Reggea und wend d'Hoor, bzw d'Rastas noed mindestens bis zum Fuedla goend bisch noed dabi. D'Ragga Muffa party ka los goh. Mit am 1-gang-Ruecktritt-Velo fahred mer dia verschiedene Straend ab und sind den puenktlich zur Happy-Hour wieder zrugg.
PURA VIDA Costa Rica!
Advertisement
Tot: 0.177s; Tpl: 0.013s; cc: 7; qc: 45; dbt: 0.0782s; 1; m:domysql w:travelblog (10.17.0.13); sld: 1;
; mem: 1.1mb
fabex
non-member comment
Marco the Spiderman.....*reusper*
cheers mates! da isch jo mol wieder an bricht vu eu - hammer! ;-) hond doch a paar mol müssa lacha. aber dia blanki angst hät üs packt, bim ablick vo dera speann! läck, isch da a viech... langsam aber seacher beasch geicht, was marco! ;-) herba verlust, wenn d'jasskarta abhanda kumid & da gad samt da rahel sinera täscha - not funny! kommentar vum fäbi: flusshopplazizlada....! ;-) also, gnüssids wiiterhin & hoffentlich nüma allzuviel speanna... es grüsst die aegetholz-fraktion