Advertisement
Published: April 26th 2009
Edit Blog Post
Modelflugzueg
Vorkriegsmodel mit 12 Plaetz Maengmol waers gschieder mer wuerd an Bus im vorus buacha. Denn moesstma noed vom Morge am 5i bis am 11i i da Stadt umahetza zum an Platz imna Bus zfinda wo ues uf Nicaragua fahrt.
Leon isch a Kolonialstadt mit vielna Kercha und farbiga Hueser. As isch sehr heiss gsi, d'Liebli hend klebed und ma het nu koenna am Schatte no. Mer sind drum am noegsta Tag an Beach uf las penitas i da Hoffnig a Abkuehlig z'finda.
Mit am Flueger oder bessergseit amana Modelfluegerli simmer den vo Managua uf
Corn Island gfloga. Mer sind direkt hinter am Pilot ghocket und hetted em sogaer koenna helfa bim Kruezwortraetsel loesa. D'Rahel hets uh laess gfunda und da Marco het die ganz zit noch da Fallschirm gsuecht.
6 Taeg hoemmer denn im Paradis verbrocht. Wahnsinn. Tuerkisblaus Meer, wiise Sandstrand umgeh vo Palme. Es het kei Stross ka und somit o ko Autos, nur an Pfad dor da Dschungel. Mer hoend d'Seele baumle lo und genossen das suesse nixtun. Bim Aessa hoemmer ues da Iheimischa apasst, Shrimps and Lobster ... voe ko Geld.
Back ufam Festland hoemmer
Granada bsuecht. Da isch e aehnlichs Staedtli wia Leon nur viel touristischer. Was
little Corn Island
Welcome to paradise aber noed nu Nochteil muess ha. So hets zum Biespiel uf viel schoeni Beizli und Pups ka. Das mer zwo Feinschmecker oepa eis bsuacht hoend moss a dera Stell noed bsunders erwaehnt wera. Als noegscht isch Canopy uf am Programm gstande... wiederamol akli Action. Amna gspannte Drohtseil schwinged mer wia da Tarzan vo Baum zu Baum... oohioohiooooohhh. Da isch jetzt noed da ultimativ Adrinalinschub aber no ganz witzig.
Ufem Lago de Nicaragua sind mer den uf
d'Isla Ometepe. Dae See isch so gross, ma koend meine ma seg am Meer. Mit amana Motocross-Toeff hoemmer den d'Insla erkundet. An Waldweg isch a Autobahn im Verglich zu dena *Strosse*, man het ues da A.... weh tua. Da Marco het aber an Smile im Gsicht ka, das er da Staub im Muul gaer noed gmerkt het...
Advertisement
Tot: 0.156s; Tpl: 0.012s; cc: 7; qc: 44; dbt: 0.0807s; 1; m:domysql w:travelblog (10.17.0.13); sld: 1;
; mem: 1.1mb
Hanni und Nanni
non-member comment
geili cheibe
tschou zäme so wiä mir uf eune super föteli gseh, isches öich pudelwohl. diä corn island isch ja würklech vou dr hammer, da wette mir o grad cho verbiluege...! häbits "freie" u gniesset jede tag. P.S sexy "hawaii" hose marco.......! Greets from bern