Antigua

---

---

Antigua Guatemala

Hola chicos, que tal?

Mer sind jetzt sit 2 Wucha in Antigua und fuehled ues scho wia fast wia dahom. Antigua isch a mega herzigs Staedli mit viela farbiga Hueser, umgeh vo Vulkaen. Uesi Familie mit erna 4 Kidies isch mega flott.S'Aessa isch Guatemaltekisch das heisst: wenig Fleisch, viel Ries, Bohne und nomol Bohne (rahel's Leibgericht 😞). Es koennt aber durchus schlimmer sie und da z'morge isch super.

D'Schual isch da hammer. Mer hoend alli Einzelunterricht. Das heisst jeda Estudiante haet entweder im Garte, uf da Terassa oder im Innahof a kliesas Plaetzli von er mit sinara Lehrerin spanisch buefflet.

Da mit am Salsa und Merenque klappet no noed so ganz aber mer schaffed dra. Suscht mached mer viel mit ueserna Schualgspaenli 😊 goend uf usflueg und pluenderad dia farbiga Maerkt. Au da Usgang in Antigua ka sich seh loh. vor allem foerd d'Fraue findet sich immer as Plaetzli wo Ladies-night isch. Wa heisse soell entwaeder gratis oder so guat wiea gratis cuba libre und so...

Letscht Wucha sind mer uf da Vulkan Pacaya. Da Ufstieg isch sehr straeng gsi, foer dia wo glofa sind (gaell rahel, d'Mujeres hoend alli un gaballo gno) aber doba isch es woerklich atemberaubend gsi. Da Vulkan isch immer no aktiv und mer sind den bis uf oepa 3 meter ad Lava ana. Mer hoend Marshmallows grillt und dabi sind ues fascht d'fuessohle verschmolza. Isch eim scho akli mulmig wora so noech bi da lava.

A uesem ersta Wuchanend simmer zum Lago Atitlan gfahre. Es waer eigentlich relativ noech gsi aber will d'strosse so schei...(be) sind haet die ganz fahrt 2.5h durat. Zu uesem Glueck isch den d'Unterkunft super gsi, womer uf uesera eigna terassa hoend koenna lecker gallo (Bier vo Guatemala) gnuessa. Am Sunntig hoemmer den a bootstour gmacht, wommer 3 verschiedeni Doerfli rund um da Lago bsuacht hoend.

Am Fritig simmer mit 7 Schualkollega uf a Kaffiplantage. Isch no spannend gsi. Vorallem das sie do in Guatemala meistens d'Huelsa und die schlechta Bohna trinkad. Die guata Bohna goend alli in Export. Mer hoend den spoeter no moesa traditionel huerota. Natuerlich nur als Demo. 😊 und zum Spass vo allna andera. Jetzt wuessad mer wo mer sicher nia huerota werid.

Huet gohts witer ir Schuel und am Zischtig gits a Karnevalsfaescht (passend zum Hechtball) nur das ma sich do Eier an Kopf werft.

So Amigos gnuessed da Schnee. Mer gnuessed uesi 25 grad, bliebed laessig.

Hasta luego

Raquel y Marcos

---

Photos

Antigua
Alltag in Antigua

Antigua Richtung Sueden
Vulkan Agua im Hintergrund... da gsend mer jeda Tag wenn mer us am Huus koemmed

Vulkan Pacaya
do gohts heiss zua und her

Chichicastenango
grosse Markt in Chichi mit userna Maestras

Cafe del Mundo
do no a da Studa...

Ixchel Escuela
en Teil vo ueseram Schuelzimmer ...

Cafe del Mundo
... und jetzt am troechna

San Antonio
... Hochzigsfoti... :)

Comments

[Sabin]

So schüa!!
Hoppid Ma künt jo ächt nidisch wära. Euari Fotana sind hammer. Hüt is mer aber glich, dass i an Hechtball dör und nöd mit Eier beworfa wer. Wünsch eu witterhin viel Spass bim Spanisch lärna und gnüssid euari Zit. Grüassli Sabin

[carmen]

super
hopp er zwoa i freu mi uuuuuuu (hura) öbis vo eu s'höra und dass eu so super got. hönd wiederamol an super bricht gschreaba (ma i sich schliesslich o nünt anders gwännt vo eu) :-)) freu mi schu uf die nöchsta interessanta zila... lübs grüassli

[Hannes und Nati]

Gnüssids!
Hopp ehr zwo! Merci fö eue Reisebricht und dFötali! Mer gsechid, dass as eu super goht! Witarhin viel Spass. An lüba Gruass Hannes und Nati

[FABEX]

Schaut gut aus! ;-)
Hola oder G'Day ear zwo! Mer gratulierid deamfall nochträglich zur Hochzit...! Mer feandid euers Dress total schick! ;-) Ma sieht, dass ers i volla Züg gnüssid - er hond so öpis vo recht! Wiiterhin guat lern & vorallem viel schöani Idrück - Lüba Gruass vo da Aegetholz-Fraktion

[franziska]

!qué bonito!
hola queridos ! acabo de ver sus fotos que han puesto, ai, que maravilla !! me gustó mucho ! qué lo pasen genial, adióóós ! franziska