Rio Caribe

---

sodeli, noch vielem wandere und suesstige toure hets ues jetzt wieder as meer zoge. noed eifach a irgend e meer sondern a karibik. dfahrt vo ciudad bolivar uf rio caribe isch unheimlich beschwaehrlich gsi, well mer sich leider noed het choene uf abfahrtsziite vo de buess do verloh und so hemmer noch por puesto, por puesto, bus und numol por puesto und meh als 6h warte irgendwenn i de nacht rio caribe erreicht. e schoeni chlini posada vo de señora arlet het ues erwartet und nochdem mir e sueppli innezwierbled hend simmer denn au gad go pfuse. die erschte beide taeg a de karibik sind denn noed wuerkli so gsi, wie mir ues da vorgstellt hend. strohmussfaell, regeguess und kei sunne, sind noed wuerkli iladend gsi. am 2te tag aber hemmer denn no e nett schwizer paaerli kenneglernt und sit do simmer au mit inne underwegs. well tag nummer 3 au noed so herrlich gsi isch, hemmer ues denn fuer e chlini tour entschiede. hend en taxifahrer aghuueret wo ues zerscht zum geld hole uf carupano brocht het (geld isch do in venezuela e abartigs problem, die wo schomol gsi sind wuesseds...aber easy) denn simmer wieder gfahre uf aguasana. da sind so thermalquelle oeppe 15 im gsamte und doete hemmer herrlich choene baedele i wasser wo zwuesched 36 und 47 grad warm gsi isch. wuerkli sehr schoen gsi und vorallem dumgebig isch wunderbar gsi. alles gruen und jeeni wasserbueffel. maengi baeder sind sogar mit schlamm gsi, so sinds also fascht chli kure gsi. chch. nochig simmer witer gfahre zunere cacao-hacienda, aber leider simmer dspoht gsi fuer e fuehrig. mir hend aber vom nette bsitzer glich no e heissi schoggi becho und die isch verdammt deluxe gsi. vo dere plantage choemed uebrigens bohne vo de 60% frey schoggi, wo seit cacao de venezuela. mueni denn mol checke back i de schwiz. jo und so simme wieder uf rio caribe zrugg, fuer die letschti nacht, well am samstig morge hemmer miteme fischer vor ort en bootstransport zu de beruehmte playa medina und puy puy organisiert. vorallem medina isch wuerkli e sehr schoeni playa, het eifach mega viel luet gha. aber isch ues glich gsi. zaemme mitem paedde hanni denn no chli kickt mit paar venezuelaner und im hinblick ufs laenderspiel vom 2.9 mol zeiget wo de bartli de moscht holt. wobi zaege isch, dass de paedde en zweitligakicker isch und mir denn halt scho chli e level zhoch gsi sind. smile. nocheme churze snack simmer denn witer via puypuy uf san juan de las caldones. isch e ruppigi fahrt gsi, merktmer hallt scho, wemmer miteme chline boetli ufem meer umecruiset. ha mi recht muesse hebe und au dementsprechende muskelkater gha. aber egal. in san juan simmer denn uf e friedlichi chlini posada vomene italiener gstosse. de reschtlich nommi simmer no am strand gsi und hend en wunderbare sunneuntergang doerfe erlebe. am obig, ohni strom (also het eifach im moment kei gha) hemmer e herrlichi pasta doerfe gnuesse. am sunntig simmer nocheme feine'perrito caliente' als zmorge anen andere strand gange au sehr schoen, eifach chli verwilderet, aber muusellei. leider hets denn irgendwenn us stroehme graegnet und mir hend wieder zrugg i posada muesse. so hemmer denn halt de reschtlich nommitag vorallem mit tschausepp und wuerfle verbrocht. am obig hemmer e herrrlichs filet mignong verspiesst und sind denn frueh go pfuse, well mir huete am 6i hend muesse ufstoh. noechschte stopp isch cumana, saeltischti staedtli vo ganz suedamerika...mal gucken...

---

Photos

thermalquellen
gueti option fuer schlechtwaettertaeg oder so halbi...

wasser
so herrlich wie saelte...

rhein?
also do hets ein wo jeenes warm isch...aber isch glaub de falsch..

meeting of the water
eifach e bild...

palme
& strand deluxe.

byebye
beloved sun...