Saquisilí

---

Saquisilí

A dem ort isch en iidrückliche Märt. im dorf gids acht verschidnigi grossi plätz, womer tier, frücht, ramsch, fisch, chleider, handgmachti sache ond so chaufe chan. speziell isch vorallem de platz mit de tier: s werded eber, chlini soi, esel, chüeh, lamas, ziege, schaaf, merschwein, hüener, gäns, truthan, ...verchauft. isch scho krass wies d tier behandlet, die grosse eber werded halt z foifte ade ade ohre, schwanz ond bei in laschter en meter wiit ufeghiivt, voll ûbel wies schreiet.
generell muesch immer märte, wennt was chaufe wotsch. 40-50% liit scho dine zum drûcke! Ich hanmer vorallem frûcht kauft ond en voll coole verzierte chline chrûrbis. han mer no ûberleit, ûbi nid no es chliises schaaf chaufe söll, isch voll herzig gsi;-) hans denn doch nid gmacht, aber de dan us kanada het sich no es mehrschwein kauft, läbig heigno, ide schuelchuchi s gnick ond d nase broche ond aschlûssend mitere lehrerin uusgno. isch voll intressant gsi zum zueluege. generell gilts als delikatesse, aber so extrem gern hanis jetzt doch nid gha. isch schochli struub, bi ois isches es huustier ond det s ässe womer gschtreichlet hend..:-)
ufem heiweg hemmer en halt imene restaurant halt gmacht, wos einersiits rächt struubs poulet (oder was au immer) geh het, andersiits voll chilligi lifemusig vo zwoi singende ond gitarrespillende latinos. s ässe isch sini 3.50$ nid wert gsi, defûr d atmosphäre.


da no es video vo mim schöfli:

http://www.fliqz.com/public/aspx/playerdefault.aspx?vid=aa5541e3432a4424a484794ae7c66321

---