Quito - Cotopaxi - Cuenca


Advertisement
Ecuador's flag
South America » Ecuador » Centre
December 10th 2013
Published: December 11th 2013
Edit Blog Post

Die letscht woche in buenos aires esch erstuunlech schnell omegange! am samstig obig semmer nomol go snachtläbe vo buenos aires uskoste. am 10 go es fetts stöck superzarts rendsfleisch esse i mim lieblingsrestaurant, nochhär inere gmüetleche bar e stond go billard spele ond bier am leter trenke ond denn bes nochem sonneufgang am ufer vom rio dela plata, ide clubs go fiire! chrönt werd sone obig natürli meteme fette burger am 7i am morge. so als bettmömpfi 😉 am sonntig semmer no es polospel go luege, ech on de richard.. guet emol gseh zha, aber jo werd zemli schnell zemli langwilig! und de esch scho glii ziistig gsi. tschau buenos aires, e stadt womer extrem zhärze gwachse esch, secher au wäg all de coole lüüt, begägnige erlebnis, usflög usw. eifach nor en geniali ziit gsi det. jetzt beni gradin cuenca, drettgröschti stadt in ecuador, im apartment vo 2 kanadier, juck ond karin, woni vo de schuel in BA kenne. sie hend mer abote es paar täg bi enne im apartment zwohne. aber jetzt noch einere nacht ond zwoi täg do, warti eigentlech ufe bus nach Peru. PERU!! es anders land wo met vell abentür uf mech wartet. hoffentlech!! aber ech ha jo au in ecuador no einiges erläbt. han zwoi täg in quito verbrocht, en riisigi stadt, im usnahme zuestand, wäge de jährleche Fiestas de quito. hani natürli met es paar vom hostel au no müesse go teil näh a dene fiestas 😉 am andere tag hani de 4700 m höchi pichincha bestege, en berg, glaub au en vulkan, wo öber de stadt quito thront. das hani aber hauptsächlech au als chliises trainig gmacht, denn als gebortstagsgschenk hanech mer vorgno de 5897 m höchi gletscherbedeckti, us de steppe vom nationalpark heruseragendi, vulkan cotopaxi zbestiige. ond das hani de au gmacht! was för en erfahrig. schlemmer als de 100 km marsch. hei ben ech am endi gsi, ond zwar scho wiit vorem gepfel. aber ergendwie hanis ufe gepfel gschafft, es chont mer mängisch chli surreal vor. sesch donkel gsi, iischalt, de suurstoff het ergendwie gfählt ond 1200 hm send mer vell wiiter vorcho als au scho... jo es esch mega astrengend gsi, aber es unvergesslechs erlebnis. ned ganz eso onvergässlech esch de gestrig tag gsi. en fahrt ufde ageblech spekakulärschte zogstrecki vo de wält ond de bsuech vonere inca-öberbliibsel-stadt. tja. aber au die täg gets womer vllt ned grad es mega erläbnis macht, aber trotzdem esch mer am reise ond sammlet erfahrige, iidröck ond lernt öpis öbernes land kenne, wo ech persöhnlech nüt dröber gwösst han.

also jo woni de blog gschrebe han beni echt no ide wohnig vo mine zwoi kanadierkllege gsi, aber do ech belder amig ned gliichziitig chan ufelade beni jetzt scho in peru. ech hans gschafft ond be i dem geniale Land acho. die letschte zwoi taeg hani do mehrheitlech am strand verbrocht. jetski fahre, i mim buech (uf spanisch) laese, oder eifach de welle zuelose und dwaermi gnuesse. s'esch genial do. mol luege wos mi als naechst hiizieht!!!bes bald


Additional photos below
Photos: 19, Displayed: 19


Advertisement



Tot: 2.803s; Tpl: 0.05s; cc: 11; qc: 51; dbt: 0.0383s; 2; m:saturn w:www (104.131.125.221); sld: 1; ; mem: 1.4mb