Buenos Aires - Miramar - Uruguay


Advertisement
Uruguay's flag
South America » Uruguay » East » Punta del Este
November 26th 2013
Published: November 26th 2013
Edit Blog Post

hola a todos! me parece que hace mucho tiempo que no había escrito nada en mi travelblog... es wär also weder mol ziit de upzdate! es send weder 2 wocge vergange ond ech ben jetzt scho die 5ti woche do! es gfallt mer scho no do, aber ech well trotzdem wäg do, ab uf equador, ech glaub sreisefieber het mi e chli packt letscht wochenend!

abr vellecht setti vo vore afange, schösch chont mer jo gar ned noche!

ide schuel machi wiiterhin fortschrett. aber lang nömme so wie am afang. es werd halt alles vell komplexer, und ech ben vo tag zo tag weniger ufnahmefähig! keis wonder wenn jede tag schuel hesch. ech han drom mol met em direktor do gredt öb mer echt stonde chönted reduziere... das esch möglech gsi idem dass ech all mini groppe lektione i privat lektione omtuuscht han. so hani min ufenthalt do vo 2 uf 1 wiiteri woche körzt, weniger stonde pro tag und vorallem effizienteri stonde!

am obig beni emmer no selte dihei. ech ess fast nie dehei, abr wenni det esse eschs emmer super! letschti hemmer imene restaurant 1,5 kilo lomo, als rendsfleisch gässe, grilliert und zart wie nüüt anders woni je gässe han! und de gets do natürli no die glace-läde met all dene verschedene arte vo glace. eignet sech super zom husi mache! und buchweh becho, z.b. vomene viertel kilo kiwi, erdbeer-rahm, und dulce de leche glace. en traum!

ade wochenend probieri emmer echli us de stadt use zcho. sigs woni uf miramar ben, en ort ade atlantik küste oder de uruguay roadtrip met 4 anderne letscht wochenend. nach miramar beni recht spontan well de gastmuetter am friitig igfalle esch dass si jo de schlössel zonere wohnig dete het. so hani de spontan de nachtbus gno. 6h, superbequemi busfahrt, en sässel wo fast zomene bett chasch abeloh, und en fensterplatz öberem fahrersetz wo dlandschaft vo de atlantikköste vo argentinie nor so a der verbiischwebt! gschwebt beni au fast i de sanddüne vo miramar. ech han per zuefall en vierradtöffverleih gfonde ond ufe letschti rappe gnueg gäld debii gha zom eine miete, för en stond unvergesslechs, eigeständigs erkonde vode sanddüne am meer. waghalsigi spröng, drifts und raserei entlang vom ruuschende meer und leider au en sonnebrand inbegreffe. hammer erlebnis. abr au de tag am strand, wäg vode grossstadt het guet do! hei beni de am gliiche obig met em nachtbus, well das apartment esch rechtig hässlech dreckig ond stenkig gsi. shet ned emol es fenster gha. glaubed mer, noch 10 woche offiziersschuel beni nömme heikel abr das!! letscht weekend semmer zfüfte in uruguay gsi. es land woni chum gwösst han dasses existiert! obwohls em rest vo de welt i gwössne ortschafte öppe 20 johr henneno esch, beni abr froh existierts well sesch eifach hammer gsi! en australier, zwoi engländer en schwedin ond en schwiizer möched strosse vo uruguay onsecher! haha!! unendlechi wiitene, und endlos gradi highways, sanddüüne, seeelephante, es hippidorf, "st. tropez vo latinamerika" a la punta del este, vell grillfleisch, öppe 1000 km, einigi liter bier, strand, sonne, lüüchtdörm, spannendi öberfahrt nach uruguay met ere riise fähri, vell gueti gspröch und mega vell glacht. so chönt mer das weekend omschriibe. sesch echt super gsi.

shet mis reisefieber gweckt. trefft sech grad guet dass ech vor ere woche en flog in norde buecht han. nach equador, quito! ech weiss nüüt öber das land, geschweige denn dstadt! aber ech froi mech unglaublech. am drette dezember gots los. chau buenos aires, chau argentina por el momento! hasta pronto!



de blog iitrag got leider uf choste vo mine husii! aber solangi ned wedr währed de schuel iischlofe so wie höt!! haha, esch no blöd inere privatlektion =D


Additional photos below
Photos: 25, Displayed: 24


Advertisement

Puerto maderoPuerto madero
Puerto madero

empanadas, en flaesche wii, per zuefall es fuerwaerk. en geniale obig am hafe
iiversoechtig?iiversoechtig?
iiversoechtig?

chostet obrigens 2.50-
so laebt sechs in capo polonioso laebt sechs in capo polonio
so laebt sechs in capo polonio

no nie hani was aenlechs gseh, die luet laebed uf absolut primitivtschti wiis, trennt vo jeglicher zivilisation, dur 3 km sandduene und duzendi kilometer enlose oeberlandstrosse


Tot: 2.545s; Tpl: 0.058s; cc: 9; qc: 49; dbt: 0.0446s; 2; m:saturn w:www (104.131.125.221); sld: 3; ; mem: 1.4mb