Natal

---

sodeli, nochere chillige fahrt simmer in natal acho. wiedermol chli e groesseri stadt und zuedem anne no dhochburg vom sextourismus in brasilie. jojo. mal gucken. hend denn ueses quartier immene friedliche hostel ufgschlage. mit pool und herrlich nette inhaber. mir sind vorerscht die einzige gsi doete (well alli luet ebe inne art schloss hostel goend, wo mega stylisch gmacht isch aber elend tuer, mir sind gar noed erscht go luege, also vo usse scho).
nochdemer denn mol go habbere sind. natuerlich hemmer crevette gaesse. natuerlich darum, well natal de hauptexportort isch fuer crevette in brasilie. sind demnoch au billig gsi und jeeenes vil. nochdem mir denn im hostel zrugg gsi sind isch no e anders paerli vo auschtralie am start gsi. meeeega netti luet, de nick und zufaa. de nick hend chinesich/griechischi wurzle und d'zufaa malaysischi und beidi sind aber australier, zudem anne isch de nick no in papa neuguinea gebore. sehr interessant. doete choemed jo die letscht kanibale vor. chch. however. mir hend vo nun ah immer mit inne zueg gmacht. isch immer sehr luschtig gsi. a de strandpromenade vo ponta negra isch alles wieder extreeeeem tourimaessig gsi und de vilne schlepper wo eim i reschtis innezueched sind au mir noed entcho. however. am zweite tag hemmer denn e buggy tour gmacht. so wie fascht jede touri wo uf natal chunt. dementsprechende buggy uflauf hets denn a de eckpuenkt au gha. aber isch egal gsi, mir hend en luschtige fahrer gha und zu bob marley und jimmy cliff loht sich eifach guet buggy fahre. isch zwor nie im laebe a die hammer tour in ica (peru) annecho, aber egal. isch e wunderbars usfaehrtli gsi dur schoeni duenelandschafte und wunderbari natur. uf de fahrt hettmer no sogenannti tirolezas choene abefahre (flying fox) und zum andere de sand abeschlittle. het leider alles extra koschtet. dfabienne hets sich denn aber glich noed neh loh, zum no en rutschplausch zmache und het also sehr witizg usgseh. chch. am dritte tag simmer denn e chlises bitzeli suedlch gfahre (20 min) zum groeschte cashew-nuss baum vo de welt. er isch so gross, dasser mit all sine aescht, wo vomene einzige stamm choemed e flaechi vo knapp 8000 quadratmeter zuedeckt. hammer idruecklich gsi! und natuerlich hemmer denn auno doerfe die entsprechende produkt dezue probiere. natur nuess, schoggi nuess, zucker nuess und nuess mit milchglasur. denn hets aber auno cachaça de caju geh und eifach caju licoer (caju heisset dnuess uf portugiesisch). nochem baumbsuech simmer denn no an strand und hend de kitesurfer zueglueget, wies ihri rundene truelled. am obig simmer denn gmuetlich wieder zrugggfahre uf ponta negra und hend ues no e bad im meer goendt. de nick hettmer zeiged wiemer tuet bodyboarde. sprich vo etz a bini da am uebe so oft i chan...sodeli. am noechschte morge simmer denn witer uf canoa quebrada. wieder e herrlich chlises doerfli...mal gucken...

---

Photos

eine bruecke im bau...
het eifach hammer usgseh. e projekt wo jeenschti millione reias verschlingt. aber de einzig waeg momentan isch mitere faehre...

buggies
soweit das auge reicht und im hintergrund d'skyline vo natal

schlittelplausch
hihi. haet sehr luschtig usgseh...

der baum
oeppe 150'000 nuess erntetmer do pro johr

underem bomm...
stoend mir zaemme mit de beide australier. uebrigens, isch da e genetischi anomalie, dass de baum so gross isch...

kites en masse...
und i de lufts machets no vil die besser falle...