Pipa

---

sodeli, via en naechtliche zwueschehalt und em usscheide vo brasil, wommer hend doerfe in recife mitverfolge, simmer etz huet in pipa acho. wiedermol hemmer uf uesere fahrt dohi die tuuere prise vo de brasilianische busbetrieb doerfe gspuehre. obwohlmer noed uf natal gfahre sind und oeppe e stund fruehner usem bus sind, hemmer muesse de ganzi priis uf natal zahle. aber jo. chammer leider nuet degege mache. pipa isch e herrlichs chlises tourischte oertli, mit jeeenes vilne reschtis und pousadas. alles sehr modern und halt so wuerkli noed brasilianisch. sogar dschulechinde sind agleit wie mir europaer. isch krass. aber schoen isches do wuerkli und dstraend wos do ide umgebig het sind eifach de hammer. so hemmer do au vorallem sstrandlebe uskoschtet und sind jede tag chli go bade. spezielle am ganze sind delfin gsi, wommer i sichtiwiiti mitsich schwimme gseh het und dmengi a delfin wos gha het. eifach de hammer. fuer mich isches serschti mol gsi, wonni delfin gseh han, so i de freie natur (fuer de erschti blick uf delfin in gfangeschaft hets conny land gsorget. chch) a eim tag hemmer ues denn no e surfbrett gmietet. leider isches halt noed so eifach wies usgseht und statt jemols ufs brett stoh hemmer halt wasser doerfe schlucke und ues ummewirble loh vo de uf eim abebrechende welle. naebedem sunne gnuesse. isch ueber 30 grad gsi hemmer vorallem au guet gaesse. het suprigi reschtis gha. noch 3 taeg simmer denn aber wieder witer, uf natal. hochburg vom sextourismus in brasilie...

---

Photos

idyllisch...
do sitzed mir gad imene strandbeizli, spieled tschau sepp und essed chnobli brot vom grill. herrlich, oder?

posiere chaemmer scho guet...
surfe leider weniger. aber het trotzdem spass gmacht...

einsam...
wunderbar einsami strandabschnitt und immer wieder gsehtmer delfin. vor dlinse jedoch hemmers noed becho...

und numol eis...
mit surfbrett, aber damol dfabienne ellei...chch

Comments

[schoefs]

bundig
Chillig chillig, hört sich sehr bundig ah. jo, jo, surfe isch no recht schwierig zum lerne, has au scho selbe erlebt. leider han i noed so fätti pics dävo gmacht wiä ihr.... grzle abegg

[myrtha]

wie der vater so der sohn
die kunst des surfens hat papi doch schon vor jahren versucht, du bist ja zeuge. zeuge auch, dass man(n) ohne brett besser schwimmen kann :)