Advertisement
cachoeira da fumança
de hoechschti wasserfall vo brasil. schono gfuerchig gsi zum abeluege...sodeli, uesen bsuech i chapada diamantina nationalpark het zerscht scho mol leider miteme trurige ereigniss agfange. dch het tragisch im penalti schuesse gaege dukraine verlore. aber wemmer so penalties schuesst, denn chas eifach noed andersch usecho. tja. de erschti tag wommer also doete gsi sind hemmer demnoch au noed wuerkli was produktivs gmacht, aber abem zweite isches denn los gange. e wanderig vo 12 km isch ufem programm gstande zum hoechschte wasserfall vo brasilie. 400 meter hoch, aber hoechers soell ues jo no erwarte in venezuela. item. isch herrlich gsi, zum wieder mol wuerklich aktiv si und mir hends mega gnosse zum chli wandere und sou. zum de wasserfall gseh hettmer denn jedoch muet muesse bewiise, vorallem wemmer hoeheangscht het. leider hets kei wuerklichi anderi moeglichkeit zum de ganzi wasserfall zgseh geh, also ufem buch ufen felsvorsprung zligge und 400 meter sloch abezluege. naja. isch jo am afang no gange wos dunschtig gsi isch,aber wo denn dwolke waeg gsi sind. uuuuu, do chunt mir gad de song mit de zeilene: dieses kribbeln im bauch, dass man nie mehr vergisst...; in sinn. however. isch glich irgendwie gange und het sich uf all faell glohnt, aber checked eifach sfoti us. am noechschte tag
strubi gebilde...
anderscht vili schoeni forme hets i de einte hoehli gha... denn simmer vorallem i hoehlene unterwegs gsi. die erschti isch eifach riiiiiisig gsi und het wundervolli stalagnitte und titte gha. echt idruecklich. i de noechschte beide isch vorallem swasser da element wo enzueckt het im zaemmespiel mit de hoehli. i de einte hemmer sogar choene inne go schnorchle. wonderful gsi. und nochem schnorchle, wommer dur vili fischschwaerm taucht sind het uf ues es bad imene wundervoll klare see gwartet. isch eifach de hammer gsi. noch dem ganze hoehle zuegs simmer denn no anen ort wo chli verglichbar isch mit de maggia im tessin. ussert dass dstei und swasser rot sind. het offebar sehr vil ise dine. however. well mir jo vorig scho vil baded hend, hemmer eigentli nuemm go bade woelle, aber denn hets doet so herrlichi felse gha zum innejumpe, dasses mich und paar anderi jungs eifach zu sehr greizt het zum jumpe. and so we did. herrlich. sind irgendwie oeppis ueber 10 meter gsi. het auno en 22 meter jump gha aber de hemmer denn gern ignoriert. chch. jo und am tag darauf hemmer denn en chilltag igleit. isch au noed wuerkli schoen wetter gsi und brucht hemmers au, wiedermal. am letschte tag denn, bevor mir am obig
so klar chan wasser si...
und do simmer au go schnorchle...eifach i dhoehli inne... witergreist sind, simmer denn no ane oertli glaufe wos natuerlichi rutschbahne het. ganz geil. zerscht simmer zwor de falsch weg gloffe, aber bim zweit alauf hets denn klappt und mir hend gfunde wohi mir hend woelle. zaemme miteme kanadier simmer denn uf die natuerliche rutschene. isch luschtig gsi. eifach so ueber dstei abezslide, aber het scho chli fescht gholperet, so dasses mir denn loh hend, noch oeppe 4 versuech. hihi. sodeli, nochem letschte feine znacht. generell hettmer do i dem doerfli so wunderbar gaesse. isch de guss gsi. aber jetzt gohts witer...ueses noechschte ziel isch pipa. e chline touri ort wos mega vil delfin muessi ha. mir gsehnds...
Advertisement
Tot: 0.094s; Tpl: 0.011s; cc: 11; qc: 53; dbt: 0.0606s; 1; m:domysql w:travelblog (10.17.0.13); sld: 1;
; mem: 1.1mb
