南美篇 - Buenos Aires (Part I)

South America » Argentina » Buenos Aires » Buenos Aires
September 29th 2008

Published: February 6th 2009

Edit Blog Post

shark7plus

Casa Rosada

"The Pink House" - The presidential palace of Argentina

<富貴巴?!>

又是十幾個鐘頭的巴士，今次仲要行完成日先上車...瞓應該都唔成問題...不過估唔到今次程巴士竟然係富華奢侈到咁o既地步 (我o地張飛都唔係好貴...相比下...其實都算平...)...首先...架巴士o既座位好似飛機位咁有得向後...仲要o的cushion舒服過飛機個o的多多聲...對腳的位又闊...加上仲要有埋野食...阿根廷o既長途巴士真係很不錯喎~ 不過咁都未算...最激烈的是...o的o野食o野飲係有人serve的!!! 真係以為自己坐緊飛機o既business class咁...令我們呢班慳錢背囊團實在受之有愧 (喜出望外就真啦~!! hahaha~)~

<又一單突發事件...>

順利抵達Buenos Aires (簡稱BA)之後，我們o係巴士總站網羅一些資料後就起程去今晚落腳的hostel打算稍為整理行裝。四個人去旅行的好處係可以分擔的士錢...haha~ 雖然係首都，但係其實的士司機的英語都係屬極有限公司...終於去到hostel...點知佢o地竟然話今日佢o地唔可以俾人入住...因為有o的咩inspection (好似聽到係咁啦...)...跟住門口又真係有好些警察出出入入咁 (但係似乎hostel入面o既其他住客又可以自由出入o架喎...真係令人摸不着頭腦...) 總之就係要另外搵地方啦...還好原本間hostel o個個人都好好人地介紹o左另一間hostel俾我o地...而且「新」呢間hostel o既地點好像更近市中心...haha...咁就算啦...事情總算解決~ 感謝主~

<初探首都>

o係hostel安頓完後，我們先要去完成一項重要任務...就係將o的巴西錢換返做阿根廷錢~ 不過原來當地o的銀行係勁早收工，weekdays都三點收...唔係嘛? 找換店就稍為好少少...但都唔係遲好多...好不容易找到一間匯率好一點的...快快手手完成任務~ 因為我們的hostel都好近大街，我們當然也去四處逛逛市中心附近~ 似乎地點真的很方便，不少景點 (如Plaza de Mayo, Av Florida等) 都在步行距離~ 非常不錯~ BA的市中心不少都是些歷史建築，而這些建築帶有濃厚十九世紀歐陸色彩，特別是在大街，的確令人以為自己置身歐洲~

除了四處逛，來到BA，當然少不了我們的「牛扒傳統」~ 繼續去餐廳据扒~ 又要再一次說...阿根廷的牛扒真的又唔貴很好食 (好像隨找一間餐廳的質素都有保證~ 或者應該說...今晚這一晚都是隨便選的......)~ 不過除此之外，原來餐包都是另一重點!! 平時在香港食西餐，o的餐包十間有九間都係頹整俾你 (或者我食o個o的cheap啦...)，真係o的包熱都算偷笑...但係阿根廷那些就好唔同...真是好像即刻焗俾你咁~ 熱辣辣~ 香噴噴~ 非常有誠意!! 除了餐包之外，有好牛扒又點少得飲返杯紅酒? 呢度o既紅酒都係勁扺~ 平平o地都已經有得飲 (反正都飲唔出咩係靚紅酒...平o既都ok啦~ haha~)~

飽餐一頓之後我們就回hostel整理行裝，準備今次旅程一大重點 - 「阿根廷大南下」之旅~!! 記得留意下回分解啦~!!

<小插曲 - 再遇「英國男」!!>

其實...這個插曲一點都不「小」...因為故事的起頭要回到去Rio巴士站的時候~ 話說我們在旅程開始時已經在想，究竟我們在旅途上會唔會遇到講廣東話o既人呢?! 在Rio巴士站的時候，我們遇到一位中國人樣的男子，又係揹晒背囊咁，心想...「咁快就破我o地紀錄?」，交談之下，原來佢係英國出世英國大o既，雖然父母都係香港人，但係都唔識講廣東話o架啦 (所以都無破到我o地紀錄...haha~)~ 佢當時原來係同我地同一班車由Rio去巴西Iguassu呢~ 之後我們遊阿根廷Iguazu陣時又再遇到英國男同佢o的friend~ 跟住再之後在Puerto Iguazu等巴士去BA o既時候我o地竟然又遇到「英國男」~ 原來佢俾班friend fake咗...所以佢要自己搭另外一班車呢~ 咁都撞到~ 都真係奇妙o既安排~ 再傾之下，原來佢又係去BA，我o地心諗，會唔會又再見到呢? 我們後來仲諗到個有趣o既「特徵」o黎企圖搵佢。其實我們去o既時候BA的天氣都唔係真係好熱，都幾清涼下，街上o既人唔少都係有着大褸的，硬係唔知點解我o地呢四個香港人係着拖鞋 (除了我o係crocs外，其餘都係havaianas)，搞到好似好熱咁...從我o地第一次相遇開始，每次見到「英國男」，佢都係拖鞋上陣的。所以我們想，如果能夠在BA街頭上找到一個着拖鞋的人，九成九都係佢o架啦~ haha~ 當然BA係首都大城市...真係咁易撞到咩......不過奇就奇妙在我們最後竟然o係食晚飯o個間餐廳再遇到「英國男」~!! haha~ 咁大個BA都真係可以再撞返，有時世界都真係幾細呢~!!

Additional photos below

Photos: 60, Displayed: 22