Advertisement
Published: February 13th 2007
Edit Blog Post
euses auto & eusi wohnig!
... di erst siit vo eusem buessli... nach eusem tuerli in suede simer nach 13 taeg wieder heil (das heisst s auto isch noed ganz heil...) da in Perth acho! ziit fuer aes paar idrueck a miin schwiizer ziitgenosse:
los gange isch euses abentuer am 2.2. in Perth, womer euse "wicked-camper" haend daerfe in empfang naeh. aes vw-buessli wo so alt isch wies usgseht! wases druf haed: hmm, also mir haend aes paar minute brucht bismer dae witz gschnallt haend ... (d manne sind wahrschindli chli schnaeller...:-)
wie au immer, nachdaemer eus mit 20 liter wasser (ja, mir trinked au ab und zue wasser, noed nur gspruetzte wiisse!!) ideckt haend, simer los duesed! alles dae kueste nah abe! mit aes paar stops fuer chli sport (schwuemme i tuerkisblauem wasser isch au aen sport!!).
am 4.2. haemer aen National Park-Tag gmacht: Glouster Nat. Park, Warren Nat. Park, Beedelup Nat. Park, Walepole-Nornalup Nat. Park. wunderschoeni landschafte mit riiiiiiiiiesig hoeche baeum haemer bewuderet und uf dae 61m hoechi Glouster-Tree simer sogar ufeklaettered! Ja sogar ich, wo im hochseilgarte anstschweissusbruech gha han, han das (ohni sicherig!)gschafft! au dae Tree-Top-Walk, womer ufeme Stahl-Gruest i 40meter hoechi duren wald mit riesige baum lauft haemer eus natuerli noed entgah lah. isch mega gsi, au waenns
euses auto & eusi wohnig!
... di zweit siite vo eusem buessli... waetter chli bewoelkt gsi isch. verlust a daem tag; di beide vorder-liecht vo eusem auto sind nach daene holprige strasse nur no vorne a dae kabel abeghanged... *wasmer mitere woeschleine und chli chlaeberli noed alles chan flicke*
am 5.2. simer mit eusem gfaehrt daenn wiiter uf Albany. superschoeni steiformatione und geniali straend nur fuer eus! ja, so lahts sichs laebe!
und daenn am 6.2. (a miim geburi) haemer muese erfahre, dass mich mini "autopanne-aziehigskraft" au am andere aendi vo dae waelt noed im stich laht! und das kam so:
mir fahred gmuetlich durs outback, singed goele und gnuessed dae unbeschriblich ablick vo daere landschaft. wiit und breit nuet! wie mer sich australie vorstellt halt. und daenn ploetzlich ziehts auto nueme. hmm, mir als versierti autokaenner haend daenkt das dae motor wahrschindli chli warm haed & haend mal aghalte und chli gluefted. zu daere ziit haemers no lustig gfunde foeteli z mache wiemer s auto stossed... ja, und daenn haemer eifach nueme choene losfahre! und das zmitzt im nirgendwo, wom eim d road-assistance nummere au noed vill nuetzt, will s natel eh kei empfang haed! ja, was machtmer i some fall am bestae? genau, mer schnappt sich aes guets buech und
sport im wald...
mer chans dreie wiemers wett, oeper isch immer ufem chopf! leit sich an strasserand zum d sunne gnuesse!! und zum glueck isches au noed lang gange, bis sich aes paar hilfsbereiti australier eus agnoh haend. vom autodach us haendses mitem australische-natel i oepe 5 versuech gschafft, dae pannedienst z erreiche. und daenn haemer muese warte. aber mit aenere kuehlbox voll bier und poker-charte gaht ziit sehr schnaell verbi! :-)
3 stunden spaeter: d romy & ich haend gmeint mir gsehnd noed raecht, womer dae riesig truck gseh haend wo euses buessli ufglade haed. di andere australier haend eus daenn mitgnoh: aen oldtimer vollpackt mit 4 australier, 2 schwiizer, aeme esky (grossi kuehlbox) und aeme hund (dae red dog), das isch aen ablick gsi, das chani eus saege! aber das isch nonig gneug abentuer gsi! so iklaemmt im auto haemer daenn au no aes mega grosses kangaroo agfahre! mir zwei haend fast ghueled waegem kangaroo (wo di andere mitere stange no haend muese toete) und d australier haend fast bruelet waegem auto! aber au das haemer all ueberstande (usserd s auto noed ganz...)!
trotz allem simer daenn aber doch no im naechste ort (s haed oepe 90 iwohner und 6000 schaaf!) uf dae schaafsfarm vo verwandte vom einte acho. so richtigs
und ploetzlich ischs nueme gfahre...
euses auto fahrt wieder, waenn au noed uf dae eigne redli... australie-feeling haemer deht kaenneglernt. am abig bbq mit bier (no meh bier!), i dae nacht crayfish (irgendwelchi delikati chrabbe) fange ime wasserloch und die daenn zum zmorge aesse (also ich bliib definitiv bi miim nutella-broetli!),... it's been a day to remember!! und das an meinem geburtstag...
scho am naechste namitag haemer daenn euses geliebte buessli wieder choene hole. dae mech haed zum glueck ufem schrottplatz hinderem huus no ae "gear-box" gfunde zum eusi uswaechsle! und wiiter ischs gange!
am 7.2. simer daenn also in Esperence acho und ich han aendli no chone mini geburi-sms laese! die naechste taeg haemer a dae wunderschoene straend um Esperence und im Cape le Grande Nat. Park verbracht. unbeschrieblich, wie wiis dae sand und wie tuerkis das wasser isch!! keis wunder ischer zum schoenste strand vo australie gwaehlt worde!!
und karaoke-bar hett also au ae uszeichnig verdient! mir haends daenn aber bliibe lah, d australier mit eusne gsangskuenst z begluecke (oder z verschrecke!)! aes paar drinks und 6 neui cds (mir losed sit einere wuche immer di glich wilmer kei anderi haend!) sind trotzem usegsprunge!
ja, und nacheme bootstuerli uf woody-island womer seehuend und seeloie gseh haend haemer eus daenn au scho muese uf dae
...haengebrugg...
...haengebrugg und haengecilae.. rueckwaeg mache!! und nacheme touriste-stop bim wave-rock simer sit huet au scho wieder in perth. und gli heissts au scho tschau saege und d romy stiigt is flugi! *sniff*
ja, aes sind abentuerlichi 1500 km gsi!
ich wuensch eu allne ae super ziit & freu mi immer ueber news us dae schwiiz!
Advertisement
Tot: 0.085s; Tpl: 0.017s; cc: 10; qc: 54; dbt: 0.0476s; 1; m:domysql w:travelblog (10.17.0.13); sld: 1;
; mem: 1.1mb
evy
non-member comment
hoi du!!!schön vo dir zlese...hei, da wird mer als nicht-reisendi fascht bitzli niidisch...aber nur fascht:-) wünsche dir es guets wiiterreisli nach neuseeland...big hug evy