Im zentrum vo australie

---

HalliHallo

Huet hani meega frue muesse ufstah (6i). am 9.45 isch de fueger gfloge und ich han gnueg frue welle am flughafe sie, dasi ja kein stress han. Nebed mir im Flugi isch en aelter Herr gsesse, er het mer uu viel Tips ghe, SO zBsp das er Darwin uu schoen findet. er het gmeint, ich choenti jamin flug umbueche, via Darwin und vo det uf Cairns. zerscht hanis e gueti Idee gfunde, hans denn aber glich nid gmacht,wil ich zum eine kchei ziit meh gha han huet und en flug halt glich wieder 320 $ choschted. Er isch aber so netxi de herr, dass sin schwieger sohn (wo da in Alice Springs wohnt) mich mit em auto id YH bracht het. Aja, und zum znacht hends mich auno iglade, wenn ich vo mim Trip zrug chume.
Da in Alice Springs isches zimli heiss (30 grad) im Unterschied zu Sydney. das Land isch eifach nume flach und es het recht gwindet womer acho sind. Soooo enherzige Fllughafe hani echt nonie gse:-) Da jugi isch nid soo schoen wie in sydney aber au guet. es het e elteri Frau im zimmer us Frankrich wo fascht nuem ufhort vo irne Opal z verzelle....
Bin am namittag rasch go poschte is ichaufszentrum. Da Laufed ueberall Aboriginal ume, wo aber sehr arm sind. Bi grad verschrocke wo imne gebuesch zmitzt ide stadt eine sis gschaeft erledigt haet:-) so oepis...es het da ueberall Souvernirlaede wos bomerang , Bilder und "ditscheridoo" verchaufed. isch alles recht tuer und ich chans e nid mitneh... isch zwar schad.
Jaja, morn mueni wieder frue ufstahm, am 6.05 choemeds mich go abhole bi de jugi... gang den mal is bett.
meld mich i 4 Taeg wieder.

Wie isches ide schwiiz so?Hoffe eui ghat s allne guet..
bis glii
Arlette

---

Comments

[Anja]

Hey duu
ja, han dänkt isch schriibder doch aumal e churzi message..:-) dönt ja mega super, was du alles so erläbsch, hader ja gseit, muesch kei angst ha!!! ja, da ischs läbe ganz normal, händ gand mega herbstwätter, sprich morge chalt, namitag einigermasse schön...am weekend hämmer no Team-SM, d'Anja gaht go Hammerwerfe..hihi... also, hoffe bald wider vo diir zghöre!! KUSSS...

[Brulhart]

News us Sardinie und de CH
Sali Muus So, jetzt meldet mir euis au emal. Uf Sardinie haemmer leider e kein Internet-Zuegang gha. Freut eus z'hoere dass es dir guet ergange isch und bis jetzt alles chlapped. Muesss sicher alles idrücklich si. ueber dini Aafrag am Kiosk nach Lebesmittel-magazin haemmer schoen muesse lache. Wahrschinlich waer Food Store oder market problemlos gsi. Mir sind gespannt uf dini News aus em Outback. Uf Sardinie isch es sehr schoen gsi: guets Waetter, guetss Hotel, guet gässe und trunke. Alles in allem e erholsame Wuche. Ab morn isch dänn Golf agseit obwohl s'Wätter schlecht soell werde. Also das waers zum erschte Mal. Witterhin alles Gueti und heb Sorg. P+M