Living Things

---

Vorem is bett gah no en churze Bricht.

Hüt am morge hend d Kiddies sportmorge gha mit eltere und vill gekreische und aafüürig und allem drum und dra. Am namitag hämmer den ääändlich mal döfe schuel geh und es isch ganz guet gange (bis uf euses uusrüäfä bezüglich Luutstärki im zimmer).

Dadrufabe hani den mini Tante am Piccadilly troffe und si het mir Broot (ja so richtigs) mitbracht 😊 Vorane bini aber no gschnäll im HMV gsi und ha mer di noi Linkin Park Schiibe "Living Things" postet, ändlich hani si i mine händ (pre-wärbe-streaming sei dank hani si ja scho chöne lose )! Zum de Hunger stille simmer den is Tibits öpis go schnabuliere und aaschlüssend richtig St. Martins in the Field, wobi mr am Piccadilly für morn abig no Musicaltickets postet händ (best seats für Singing in the rain, DANKE SILVIA!!!!). Im Krypta Caffé hämmer no öpis trunke und dänn simmr dä Herr Ratko Delorko go lose. En fantastische Pianist (under anderem hämmer d Moondschiisonate und Rhapsody in Blue ghört).

Morn gits den nomal es Stündli Schuel geh und am Namitag gahts mit de Silvia nomal ab id City, wänns Wätter so guet isch wi hüt gömmr in Kew Garden (Botanische Garte) und ebe is Musical, froi mi riiisig!

Sodeli, guet nacht und bis baaaaald 😊

---