Byebye

---

---

Hey zäme

jo, d wältreis het also agfange;-)
am abig vor de abreis hani no i eim stress alli sach zäme gsuecht ond no d date onlinegstellt, schlussändlich bini denn am halbi eis ide nacht dochno für es paar stond go penne. am morge früeh s erschtmal min rucksack mal probiert zueztue, aber bald mal gmerkt, dassi wohl uf es paar t-shirts verzichte muess:-(
d eltere sind rächt nervös gsi, dassi dasmal de flug nid nomal verpasse; ich voll easy druff ond verhängt;-) isch ja nur en wältreis für zäh mönet...
huere müed flügi i richtig madrid denn mal los (sorry danilo isch nid barca gsi;-)), woni mi auscho mal ufs warte istelle chan. nach paar stond gods denn äntli richtig los: min erscht transatlantikflug i die noi wält. superbequem nimi näbeme dicke alte dominikaner platz. zerscht schissts mi nur ond versuech halt z penne, aber ufemene 9.5 stündige flug wirds denn halt scho äng. vorallem wenn sich de immer so komisch hie ond her lehnt, anyway, bim ässe tuschemer denn trotzdem no höflichkeite us ond s fangt demit ah, dassmer mich denn systematisch mit spanische wörter wie pan, vino, pavo, agua, montequilla, ... zuelabere muess.
da min wiiter flug id karibik erscht am ¨nöchschte tag isch, bliibi bis denn am flughafe. sälber bini verchältet, im airport isch überall d klima uf voller stufe, ond dusse isches drückend heiss. bim alfug gsehtmer d beach vo miami huere cool ond s het mi scho chli greizt die mal erläbt z ha, aber woni denn bide kontrolle agschroue worde bin, hetsmer chli abglöscht gross öpis z undernäh. d vorurteil vo amerika hend sech bis jetzt nonig so abbout, isch halt super müehsam mit sicherheitskontrolle ond frageböge.. drum ischmers au rächt gsi uf paar stüehl im internationale bereich z schlofe ond nid id city z go...
Ide nacht hani chum chöne schlofe, wills all viertel stond mit de asage d ziit duregänd! am halbi achti sitzi für e halb stond im flüger, um denn denn wieder uszstiege, wills es technischsproblem gid! super, das heisst nomal bis am zähni warte ond natürlich de aschlussflug vo puerto rico nach guedeloupe verpasse! fangt ja guet ah. die genies vo american eagle sind nid fähig z kalkuliere, dasses bililger chond uf die paar lüüt z warte(d hälfti vom aschlussflug) anstatt drüviertel vode miami-lûüt entnervt is hotel z schicke!! s hotel isch zwar scho easy, aber durda hani halt en ganze tag verlohre ond dezue chond, dass mis gepäck scho in guadeloupe isch. en u huere kampf dassi usefinde wos isch, wasi go chaufe döff ond wienis z zrugerstattet bechome. am morge hani no es sms vode nora us guadeloupe becho, dassis dengue-fieber hät ond dassi öper an flughafe schickt. isch natürlich super genial, dassi nur sms empfange chan, dasses niened internet het ond dass all die münztelefon kei verbindig z stand bringed, au zahlrichi handys vo suschtige reisende ned! knapp foif stond nach de offizielle akunf hanis denn doch no gschafft, ond zum glück isch de typ nonig hiegfahre, sondern het gwüsst, dass fascht alli flüger nach gueadeloupe verspötig hend. in puerto rico bini schnäll miteme taxi go shoppe ond wieder zrug an flughafe goge d ässensvoucher go verprasse...

---