Nantes-Bretagne-Normandie

---

Da ech jetzt leider ned so vell ziit han zom schriibe, well mer nachher no 100km müend fahre zom in Paris, oder de umgäbig no en offiziele Campingplatz zfende, halt ech mech eher chorz. hans uf jedefalls vor. Nach La Rochelle semmer jo denn deruf nach La Roche sur yon. Westlech vo dere Stadt hemmer welle en Fahrbahn go aluege, wo nor bi Ebbe befahrbar esch, wells sie schöscht ebe öberfluetet esch. esch scho no speziell wenn zmets im Meer osse stosch. bevor mer aber det acho send semmer ganz spontan no en Wendmöhli go aluege, wo grad agschrebe gsi esch, hend det anere füehrig teilgno, hend aber bi wiitem ned alles verstande, aber s'esch interessant gsi. Am nöchschte Tag semmer Nantes go aluege, en recht schöni Stadt und send denn no wiiter uf carnac, womer so alti "megalithe" send go aluege, so en art möchtegern stonehenge, wo zwar iidrücklech send, erere grosse schwöschter aber bi wiitem nochestönd... öbernachtet hemmer denn uf de ill de quiberon. Am Tag druuf semmer rechtig norde gfahre, adie sogenannti Cote de granit Rose, en mega schöni köste im Norde vo frankriich, wo au schön zom bade esch, aber echli chalt. Am gliiche Tag semmer au no en Düne, Damm oder wie mers au emmer well nenne go aluege, wosech 3 km is meer use erstreckt, es naturschotz gebiet, wo scho chli öpis herget, wo aber nach 6km dör sand ond stei laufe, und denn no ide flip flopps, recht müed macht. Gester Morge semmer es ganz speziells chloster go aluege, wo ufemene Högel bout esch, wosech met der ziit zor ensle entwecklet het. Mont saint Michel. Am gliiche Tag semmer de no wiitergfahre rechtig normandie, send in St. Mère Eglise gsi, en gschechtstrechtige ort, wie so vell det obe, met eme interessante museum, und hend ade Utah Beach, eine Vo dene 5 Landigsstränd usem WWII es schlofplätzli gfonde. Höt morge semmer früeh abgfahre, send am pointe du hoc gsi, wos no Bonkeralage, Bombekrater und uuh schöni Klippe zbewondere get, wos i dem bombehagel dazumals zom glöck stoh glo hend, mer send ade omaha beach gsi go bade, hend ab dere schöne Landschaft gstuned und send üs bevor mer jetzt rechtig paris gfahre send, no de Armeefredhof vo de Amerikaner agluegt. D'Normandie, en Region womer unbedengt mol muess gseh ha =) glg alexandra und Marco

---