Advertisement
Published: January 9th 2008
洞爺湖 -> 昭和新山 -> 熊牧場 -> 蟹御殿海鮮市場 -> 登別地獄谷 -> 登別Mahoroba酒店 訓醒一望出窗佈滿厚雪, 尋晚一定係落左好大雪~ 坐車出發去洞爺湖~ 洞爺湖既風景真係好靚, 海天一色0甘~ 跟住我地就到熊牧場睇熊喇! 我地先拿入場券蓋印, 還買左一袋曲奇餅&蘋果, d團友笑言蘋果就留返自己吃~ 一入到去就見到好多熊, 好得意!! 想我地比食物時, 仲識得企起身"請請"! 我地先到地牢, 導遊話d曲奇最好係起地牢時餵, 將餅放起洞口比隻熊聞, 感覺到隻熊吹氣就放手, 塊餅就"shur"落去比隻熊食~ 感覺好特別, 1st餵隻熊時真係比佢股氣嚇親~ 餵晒d餅就上返去拋蘋果! 真係好得意, 傻傻地望住你等食, 準備拋落去時特登揮動蘋果, 就好醒目0甘企起身伸高手望住你, 一掉出去, 眼界十分準確地用口接住個蘋果!! 講緊個距離一d都唔近架! 餵晒所有野我地周圍影下相, 又開始落雪喇~ 我地出返去影昭和新山, 原來呢個係火山黎, 山頂積晒雪~ 同埋睇熊牧場內個商舖, 有好多熊出沒既products~ 買左蜜瓜和牛奶味雪糕試下, 真係好好味!!!!! 蜜瓜味十分香, 香到一d唔覺得味道係人工化整出黎既假, 牛奶味好濃郁, 我初初還以為白色只係普通vanilla味! 落住雪食住0甘凍既雪糕真係別有另一番風味~
當起熊牧場入口出面既雪地食緊雪糕時, 有隻貓貓走過黎我腳下"high"我0爹我呀, 好好好好得意的!! 最特別佢係藍色眼睛架! 當起我腳下"meow"我時我就好傻0甘同佢講, 0爹我都冇野食比你啊~ 大家都不停摸佢, 可能嚇怕左, 又見個個都冇野比佢食走左躲在一角~ 跟住馬不停蹄地坐車去蟹御殿海鮮市場揀海鮮食lunch! 之前已order定毛蟹, 起海鮮市場揀左帶子, 海膽同埋拖羅~ 揀左就上樓上等吃, 師傅即刻開/整sashimi~ 好鮮.... 好重海水味~ 地方個view又勁靚, 望出去就係太平洋黎~ 無錯! 係太平洋!! 市場一出外就係喇!!! 食飽飽就去行下, 市場內除左有海鮮外, 仲有其他北海道特產賣~ 去左市場後面就見到太平洋, 一望無際.... 點樣都見唔到盡頭!! 自己真係好渺小~ 十分大風, 比起落雪時還要凍~
之後我地去登別地獄谷, 坐車沿途見到個好大既赤鬼statue, 一落車勁重硫磺味, 而且周圍有好多好多烏鴉~ 原來呢個地方係登別溫泉既源頭, 因為火山爆發而形成熔岩谷地~ 沿途還有遊人整左d小雪人, 好得意呢! 我就整極都唔成功~
返酒店check-in, 我地見5點幾又味食得落野, 所以去左行溫泉街~ 開始買d食得手信~ 吃過buffet後行左陣酒店內商店, 我地想用2個50yen"唱"1個100yen 黎扭蛋, 我就淨係識得同人講"sue me 媽 send" (唔好意思), 再用英文講"唱"$, 人地repeat返我既問題我就當然唔識聽啦~ 幸得團友幫手講個明白~ 好gap呀! 休息一陣就換上和服去浸溫泉喇~ 無論係乜野池都有硫磺味的, 浸左陣室內池就去露天風呂浸, 不愧係最大既露天風呂, 好靚.... 一抬高頭就係黑漆漆既天空有少量星星閃著, 大到可以游過去另一個地方浸~ 起另1個位置既露天池, 有條滑梯的, 真係估唔到0甘鬼高, "shur" 落黎勁快囉... 飲左幾啖泉水, 濁死我喇... -_-"~ 跟住我過返去冇滑梯果邊浸, 回一回氣.... 剛剛就落住微雪, 成個畫面好靚.... 我就浸住起水度好舒服, 享受微雪落到我頭上帶來既涼意~
Advertisement
Tot: 0.094s; Tpl: 0.023s; cc: 8; qc: 49; dbt: 0.0379s; 1; m:domysql w:travelblog (10.17.0.13); sld: 1;
; mem: 1.2mb
