Ecuador - Galapagos

---

---

Kum simmer z'Quito, flueged o scho am Marco sini Eltera i. Juhu wiederamol Minoerli, Zweifelchips und Cervelat. Dia noegsta zwo Taeg nehmed's mer gmuehtlich und lueged Quito kli gnaeuer ah.

Nochara wilda Busfahrt simmer z'Baños ako. Eigentlich waer dae Ort bekannt foer sini Thermalbaeder. Will dia aber ziemlich ueberfuellt gsi sind, hoend mer ues foer d'Variante caballo entschiede. Hoch zu Pferd sind mer mit Baerbel und Hans durch d'Ande galoppiert. Was foer an Spass. Gell Hans. Aer und da Cholo sind a super Team gsi. Cholo het am Marco sis Ross zwor immer abdraengt und bissa, aber da Hans isch im Sattel blieba. Sini neu Rado Uhr foer 6 Franke isch zwor bim wilde Ritt verlore gange, aber da Wilson (Guide) het sie gluecklicherwies wieder gfunde. 😊

Mit Muskelkater am Allerwaertischta gohts den wieter uf Riobamba, wo mer am Marco sin Geburi fiered. Am Nomi simmer no an Markt wos vorallem Gmueas, Fruecht und Fleisch verkauft hoend. Bim Fleisch haesch alles ueberko vo Sau bis Ratte oder doch Cuy (Meersaeuli).

Ueber Guayaquil simmer noch Puerto Lopez ad Pazifik-Kuesta. Doet hoemmer a Hotel am Meer ka, mit amana riesige tropischa Garte. Zu uesem Glueck haet d'Buckelwal-Saison gad agfange. Mit am Boot simmer use ufs Meer und hend gstaunt wo z'mol dia riese Koloss usem Wasser g'juckt sind. Es isch wia verhext, immer wenn dia koga amol g'juckt sind, bisch sicher gad am Nase bohre gsi. 😉

Danoch isches endlich sowit gsi: Galapagos wir kommen! Man goent sich ja sonst nichts... Mit da Darwin Yacht mached mer a 8-taegigi Schiffstour um dia verschiedena Insla. An Traum... siehe Foto's ...

Zrugg a Land, as schauklet jetzt no, simmer no die letschta Dollar go verprasse. Z'Otavalo, am groessta Markt vo Ecuador hemmer g'lueged, g'marted und ikauft was das Zeug haelt. Schliesslich hoemmers jo moese usnuetze das Baerbel und Hans no vorig Platz im Koffer ka hoend. 😉 Danka

---

Photos

Galapagos
Seeleu oder Seeloi hihi...

Quito
uf 4100m

Baños
Hans und Cholo in den Anden

Riobamba
Marktfraue

Puerto Lopez
Whale watching

Puerto Lopez
Whale watching

Galapagos
Land Iguana bi sinara Lieblingsspies Katusblueta

Galapagos
Rieseschildkrot

Galapagos
Galapagos Hermit Crab

Galapagos
a dem Traumstrand suenneled noed nu mer gern...

Galapagos
ganz e selteni Sorte ... gits nu uf Galapagos ;)

Galapagos
dia Sorte hets ueberall uf Galapagos

Galapagos
auch ein Ruecken kann entzuecken !!!

Galapagos
Fregattvogel Maennchen bim Flirte

Galapagos
Blue footed Booby

Galapagos
Isla Bartolomé

Galapagos
Marine Iguana

Galapagos
an junga Seehund... mer hetted an am liebsta mitgnoh... wenn er nu noed so gstunka het

Comments

[anonymous]

Gruäss vom Rorschacherberg ;-)
Hey Rahel und Marco, eui Reis isch eifach dä Hammer! Immer wenn d'Arbetsmotivation nöd so gross isch, erfreuäd mer üs a denä schönä Fotänä und Bricht - und wäräd au gärn bi eu ;-) Di schönä Stränd und d'Tierwelt topped jo alles! Mer wünsched eu wiiterhin alles Gueti und viel schöni Erlebniss! Liäbi Grüäss Adrian und Patricia

[Hannes und Nati]

Wow!
Hallo zämma Hey ehr machad traumhafti Fötali! Die Tier wo ehr gsehnd sind ächt faszinierend! Vor allem di speziell Tierart wörad mer gern wieder amol live gseh...! Gnüssad eui letschte Wucha und merci, dass ehr üs o a kli zeigad wan ehr allas erläbad. Bis gli Hannes und Nati

[Sabin und Pascal]

Salutti
Do o i da Schwitz etzt ändlich Feri isch, hond o di viel beschäftigta Lehrer wieder a Mol Zit zum euari Fotana aluga und di amüsanta Brichtli läsa. Schö hond ers, obwohl er mond uf Zweifelchips etc. verzichta. Übrigens gits do bi üs diversi Neuigkeita, woss nöd öb er schu davu ghört hond. Wenn nöd, mond er eu halt wieder mälda. I wet jo nöd dia si wo alles verrotat, aber... ! Grüassli Sabin und Pascal

[rahma]

hola
Hoppid- jo mer hoend dia wunderbara Nochrichta scho vernoh. juhu mer sind immer z'ha foer a Faescht. Mer moegids der o guna das amol akli feri haesch. Saludos y hasta luego

[fabex]

nüma lang...
...und denn mond er wieder vorliab mit am rhintel neha. aber mer feandid äs eigentlich nöd so schlecht, so kommer noch über 9 mönet oh mol wieder mit eu a bier trinka. freuid üs ufd fraktion "wittwer - köppel" gnüssids & sugid no alles uf. see ya in good old switzerland ! cheers fabex