Advertisement
Published: January 23rd 2009
Oldtimer
Oldtimer, immer und ueberall.Hallo zaeme
Ae 2ti Wuche in Havanna isch vergange. Mis Spanisch laht witerhin einigi Wuensch offe, aber ich han ja no jedemenge Zit. Die Wuche hetti nomal ae Schuelerin soelle cho. Aes weiss aber niemert so genau, warum sie nid da isch (swird ja wohl nid no immer so viel Schnee in Madrid ha?!) Ich wett oi natuerlich nid vor dae Chopf stosse, wenn ich da vo 20 Grad reda. Fuer Cubanischi Verhaeltnis isch das eifach sehr wenig, saelbscht zur Winterzit. Huet isch aes aber wieder chli besser und ich bin zueversichtlich, dass aes bald wieder karibisch isch. I 1 Wuche gang i fuer 2 Tag uf Pinar del Rio...genauer gnoh uf Viñales. Gange daenn namal fuer 1 Nacht uf Havanna und daenn richtig Weste. Det isch es einewaeg waermer. Isch unglaublich wieviel Adraesse vo moegliche Uebernachtige ich scho han. Jede schint irgendoepert zkaenne, ae Tante, ae Schwoeschter oder Fruende.
Morn bini zum zMittag zum Schuelleiter iglade. Dae haet ae grossi Terasse. Mini Lehrerin wird au det sie und no aes paar anderi. Sie haend glaub chli Mittleid mit mir, weil ich di einzigi Schuelerin bin und kuemmert sich alli super nett um mich.
Habana isch aecht ae sehr schoeni Stadt...was ich da scho eis Kilometer gloffe bin (guet, gibes zue, einigi Kilometer sind au mim schlaechte Orientierigssinn zue zschribe)
Weil i jetzt halt aellei unterwaegs bin muen i amel id Casa zrugg wenns am Idunkle isch, weils suscht chli gfaehrlich wird, zumal i ja chli usserhalb wohne. Das heisst, ich bin meischtens zunere astaendige Zit im Bett und mer glaubts fascht nid, aber am Morge immer scho zwuesched aem 7ni und 8i uf dae Bei und voller Tatendrang. Ich bin gspanne, was die naechschti Zit no so bringt. Hoffe oi gahts allne guet und bis bald!
Aes Kuessli Luzia
Advertisement
Tot: 0.083s; Tpl: 0.009s; cc: 9; qc: 69; dbt: 0.0587s; 1; m:domysql w:travelblog (10.17.0.13); sld: 1;
; mem: 1.1mb
Heidi + Niki
non-member comment
Grueessli us Winti
Liebe Luzia oder holla Luzia, das wuchened simmer wieder emal z'winti, bi chaltem + ghuendeligem wetter und winterstuerm (gester). Dae Hanspi Sch. haet huet zu sim 60. Geburi-Fescht i d' Esse Musigbar iiiiiglade. Mir sind en Hufe Luet bim feschte und aastosse. Bis wieder emal. LiGrueK Heisi + Niki