Cuenca

---

Hey

In Ecuador sind die religiöse täg voll wichtig, sind ja au 95% katholisch-gläubig! jedefalls ischmer nüt bessers in sinn cho, als mit drü andere girls nach cuenca z ga. vo cuecnca seitmer einersiits, dass si die schönschti stadt in ecuador isch, andersiits isch aber grad am samschtig/sunntig s stadtfäscht (unabhängigkeitsjahrestag) gsi. will heisse das jede hinderletscht nach cuenca welle het, sigs verwanti go bsueche oder eifach s lange wuchenänd nutze zum go reise. erscht bim dritte busbahnhof hemmer am mittwuch no billet becho. s gid nid nur ei verbindig, sondern x verschidnigi busgsellschafte wot d linie abietet...mer hend voll glück gha ond hend en abieter verwütscht, wo ächt vell beifreiheit botte het, bi 10 stonde busfahrt isch das doch no chli entscheidend;-) im bus muessmer aber voll ufpasse! gwüssne fraue us de sprochschuel sind auscho de ganz rucksack under de füess klaut worde, oder sogar d digitalkamera usem vollpackte rucksack!! mit dem verdienscht chönd die schön zwoi mönet läbe, was natürlich vell kriminelli ohni ziel in bus lockt...
voll kaput chömemer in cuenca ah, ohni zimmer ond mit de gwüssheit, dass fascht ali zimmer sit wuchene uusbuechet sind! isch voll de zuefall, womer eis zimmer z vierte findet. die vorher sind grad vor 15 minute use ond mer zahlt nur 3.50$ pro nacht p.p.! zwei pennet am bode(logisch ich, gentleman;-), aber es isch es dach überem chopf! die hostel da hend voll stil. ide mitti hets chli was ändlichs wienen chrützgang, ond use ume sind d zimmer, voll wie im mittelalter, was wottsch imene entwickligsland au ines tourihotel...
totmüed striehlemer durd stadt ond lueged zahlrichi chilene(het 52, mer chönt also jede sunntig ine anderi=) ond märt ah. alles gfälscht ond d gürtel sind au hinde ond vorne mit zwoi verschidnige markene bedruckt, dassmer meh devo het, hehe..
s ässe isch zwar billig, hans aber trotzdem gschafft fûr die drü täg voll vell gäld defür uszgeh. friitg samschtig vergod wie im flug ond isch zwar gmüetlich eifach z chille, aber irgend was fehlt no. nachem big streetfestival am samschtig, stönd mer voll früeh uf, zum inen national park z go. isch chli komisch gsi zum de richtig bus z verwûtsche, aber womer mal det gsi sind, hets sichs allemal glohnt. mer hend e foif stündigi wanderig gmacht, verbii a lagune, wasserfäll, täler, felswänd ond herr der ring-artigi wälder! het mi ächt motiviert wiiteri trekking toure z mache(ond s het ja es paar vulkän um quito..) d steffi isch au voll de typ, wosich nid devo abhalte lod querfäld-i ide pampa umezlaufe. isch scho voll es cools gfüehl, irgendwo in südamerika ide pampa umezwandere=), greets a die wo schaffet...(sorry, hehe)
jetzt definitiv totmüed(vorallem wäg de höheluft, die setzt eim voll zue, wennmer wanderet) wartet e wiiteri 10 stündigi busfahrt. pro stond zahltmer 1$, was eigentlich voll im priisleischtigsverhältnis isch, nur isch bide rückfahrt oises nicht-existierende feischter mit karton gflickt gsi. mer cha sich ja vorstelle was bi räge passiert...in quito acho, nämmemer es taxi, aber erscht nachedem mer eis gfunde hend, wo de taxifahrer nid betrunke gsi isch.
jo, isch cool gsi ond uf mich wartet nach vier stond schlof de erscht arbetstag im spital..😊

panorama:

http://www.fliqz.com/public/aspx/playerdefault.aspx?vid=c67fd11299364fabbccd83a9685e9f02

---

Comments

[Keusch]

YEAHHH
uhh yeahh, hoi magy!! merci velmol för de gruess, nemen aso dankend ah. ben nämli grad am schaffe, zumindescht theoretisch. praktisch lonech mich natüril lieber vo dim mega lässige :D blog inspiriere. jo, s'esch voll paradox was du so alles cools erlebsch, wäredem ech mer do i dere förige schwiiz zume absolute hungerlohn voll eine abchrampfe.. aber so esches halt.... ;) ey jungs, ben ech eigentli de einzig wo kommentär schriibt? haued doch mol chli ine!!! aso id taschte natürli.. jo eh, und das wärs de au weder gsi vo minere siite. magy, nims wiiter so gmüetlich und gnüsses, that's the way to go.. peace out und e gruess a dich und alli dini fraueschwärm in südamerika und wo au emmer. :D MFG Keusch Lee