Jericoacoara

---

sodeli, wieder en strand. aber zerscht mol zu de hiiifahrt. hihi. de erschti bus wo gsi isch wie e flugzueg. het sogar e boardhostess gha. nur leider kei esse. wie nie in brasilie. however. de bustrip isch noed wuerkli spezielle gsi, aber nochig simmer in jijoca acho e oertli oeppe e stund vo jeri und doete hemmer muesse uf en art laschtwage umstiege, wo eifach umbaut worde isch fuer touris, damitmer uf de abartig unagnehme stross glich no e einigermasse agnehmi fahrt het choene ha. dezue zaege gits, dass in brasilie ferie sind und brasilianischi tourischte (logischer wiis doberschicht) sind sehr uebli, komischi touris. aber egal. de laschti isch uf allfaell vollgstopft gsi mit dene. und logischerwiis ufere sandstross hets jeeens staub und sou. sind uf allfaell sehr witzigi bilder gsi, wie sich die luuuet benoh hend. tuechli vorem muuul. gsichtsusdrueck wo alles saeged und und. however. in jeri acho simmer zu uesere pousada vom oscar gwatschlet. da isch de vater vo de noelle wo mit ues in salvador i de schuel gsi isch. er isch scho irgendwie sit 10 johre dete und het e pousada. wunderbari zimmer hemmer doerfe bezueche, so richtig schwizerisch suber. hihi. hend denn zwei wunderbari taeg in jeri verbrocht, also eigentlich eher 2 oebig und ein schoene tag. sind naemmli am samstig schowieder witer. da ganzi het zwei gruend gha. leider isch jeri gnau wenn mir doete sind, vonere algeplog heimgsuecht worde und es hett wuerkli tonnnewies alge gha. noed eifach e bitzli. und die sind natuerli suber am vergamlle gsi und de rescht chammer sich jo vorstelle. hend denn aber trotzdem en wunderbare spaziergang gmacht. brutal heiss isches gsi. und noch dem mir zrugg cho sind hemmer ues no e sandboard gmietet fuere stund und sind chli duene abegfaetzt. nochdem ich sboard zruggbrocht han, hemmer denn no en schoene sunneuntergang doerfe luege und de iheimische zuegluegt, wies duene abegflickflacked sind. krass. do gits numol was witzigs zu de brasil touris zaege, sie hend klatschet nochem sunneuntergang. i mein da isch jo zvil, und da isch denn ebe au de zweiti grund gsi, het eifach zuuuu vil touris gha und priise sind somit hoch gsi. nochere witere pizza am obig (mir essed extrem vil pizzas, darum) hemmer ues denn ufs ohr ghaue, well, am morge am 5 gohts witer richtig nationalpark lençois marahenses...

---

Photos

das loch...
ei mol im johr (im juli) schint dsunne gnau dur da loch, leider simmer dspoht aber isch glich idruecklich oder..

esel
wie bi ues chueh...chch

sandboarde...
dfabienne bi ihrem erschte versuech...frech im roeckli

traum?
die foti isch noed bearbeitet, i dem fall, kein traum.