Advertisement
Published: July 23rd 2006
Edit Blog Post
the lazy river
herrlichi spiegelige hets gha... nochdem mir us uesem hostel uscheckt sind und hend muesse feststelle, dass die noed mol e telefon gha hend zumene taxi aluete simmer denn glich irgendwie zu dem busstopp cho, wo ues denn uf tutoia brocht het. de oeschtlich rand vom nationalpark mit de wunderbare duene. dfahrt mitem bus isch sehr friedlich gsi und paar jungi brasileiros hend mit chatzejammer fuer unterhaltig gsorgt, hihi. aber isch schoen gsi, wie sich die gfreut hend uf ihri ferie. however. in tutoia acho simmer scho vomene schlepper aghaue worde eb mir echt noed uf paulino neves woend, wa denn wuerkli gnau am oeschtliche rand isch. und well tutoia noed wuerkli asprechend gsi isch hend mir und 4 anderei reisendi beschlosse zum doch mit ihm mitzgoh. bis mir aber endlich hend doerfe abfahre sind sicher irgendwie 2-3h vergange. zum einte, well dbank nonig offgha het fuer zum gelduse loh (wa zwei no hend muesse), sie het uebrigens denn gar nie ufgmacht und zum andere well mir eifach no oeppe tuusig mol durs doerfli gfahre sind mit dem jeep, fuer was sei dahin gestellt. however. uf rumpelige waege, wo dfabienne und ich uf de ladeflaechi vo dem jeep verbrocht hend, simmer denn a dem ort acho.
eini vo tausende
herrlich sanft... e chlises herzigs doerfli miteme fluss. alles het sehr romantisch usgseh und obwohls voll im schilff gsi isch het e wunderbari pousada mitere extrem liebe bsitzerin (e aelteri dame) uf ues gwartet. de fahrer vo dem jeep het denn gmeint er wuerdi morn mit ues no e tour dur pequeno lençois mache und well mir alli denkt hend, da sigi sicher kei schlechti sach, hemmer igwilliget und fuer de ander morge am halbi achti abgmacht. noch dem mir denn no alli geldnoet und so usdiskutiert hend (e paaerli het ebe gar kein rappe meh gha) hemmer ues noch es paar bierli is bett gmacht. am morge hemmer e herrlichs zmorge choene esse und sind denn mit dem herr losgfahre. leider isch denn die ganzi sach anstattere tour fuer 150 reais eher en transport mit eim stopp gsi und so hets denn bi de endstation mega diskusione geh. natuerlich hend mir da noed woelle zahle, wells jo kei tour gsi isch und schlussendlich hemmers denn au meh oder weniger, miteme chline kompromiss, so gha wiemmer hend woelle. aber isch eifach zvil gsi, leider het de wiedermol e super schlechts bild abgeh. however. slinieboot uf barrerinhas wo er ues gseit het fahri
wasser
glasklar, i glaub mir choentis sogar trinke... denn gad isch natuerlich au scho lang abgfahre gsi aber zum glueck hets en nette fischer gha, wo ues denn fueren gwuesse unchoschte bitrag mitgnoh het uf die rund 3h fahrt bis uf barrerinhas. de hauptusgangspunkt fuer de nationalpark. isch herrlich gsi und mir hend sogar no choene en zwuesche stopp mache amene tourischte punkt mit schoene duene uns sou. sogar fueren churze schwumm und e rollpartie vo de duene obe abe hets glanget. nochig simmer witer witertukeret ufem 'rio preguiça' (wa soviel wie fuule fluss heisst). churz vorem nommitag am zwei simmer denn endlich a dem oertli acho. die flussfahrt het ues alli denn de uebli 'rip off' vergaesse loh und mir sind vo paar chline jungs zumene hostel brocht worde. am nommi simmer denn zerscht mol uf bank, die wo hend muesse und hend nochig e wunderbars zmittag gha. billig und riiiise portione. fuer de morgig tag hemmer denn e tour i de wuerkliche dunas buechet und hend en supere deal igfange, so dass nur mir saechs (uebrigens e israelisch/kanadisches und e englisches paaerli und mir) hend choene uf ein jeep und niemmert suess. am obig sind dfabienne und ich no go e feini pizza 😊 esse und
maengmol
en kahle baum, maengmol chli gruen. meh noed... denn go schlofe. stragische a dem hostel isch gsi, dass dete en 14 joehrige buebel schaffed fuer 50 reais im monet und zwor 24h am tag. er het zwor gseit 'nur' 18 aber wemmer ebe am obig auno nebe de tuere vom hostel mue schlofe isches denn glich en 24h job. echt uebel. sodeli, am noechschte tag sind mir denn am nommi am halbi 2 vomene truck abgholt worde und auf isches gange in eine welt die schoener nicht sein kann. so unglaublich krassi dueneformatione und die wunderbarschte suesswasser seeli zwuesched inne. de ganzi park het offebar ueber vierhunderttuuusig lagune. und jedi isch schoener als die ander. swasser isch glasklar und jedi lagune schint immene soooooo mega schoene blau/gruen, dassmer fascht de chiffer nuemme zuebrocht het. echt abartig. mir hend denn e tolli oeppe 5h wanderig gmacht dur die duene und uf de ganze tour fascht kein andere touri gseh. eifach herrlich gsi. i zweine lagune simmer no go bade und suess hemmer eifach die wunderbar landschaft gnosse. isch gsi wienen traum. bevormer denn wieder zrugg sind hemmer no en atemberaubende sunneuntergang erlebt und muesse feschtstelle, dasses voegel git, wo freud hend zum mensche agriffe. oder zumindescht so tuend als
along the dunes...
zum teil sinds wuerkli mega hoechi wuerded. hend oeppe die muesse duef de chopf izieh, damit ues die komische voegel noed halbe ufspiesst hend. aber isch natuerlich nuet passiert und irgendwenn sinds denn gange. mued und extrem erfuellt simmer denn undereme traumhafte sternehimmel wieder zrugggfahre uf barrerinhas. nocheme feine znacht (crevette anere mangosauce) und es paar bierli wiederum i dere raegge-pizzeria isch de schoeni tag zend gsi...morn gohts uf são luis...
Advertisement
Tot: 0.101s; Tpl: 0.011s; cc: 12; qc: 58; dbt: 0.0611s; 1; m:domysql w:travelblog (10.17.0.13); sld: 1;
; mem: 1.1mb