南美篇 - Iguassu Falls (巴西版)

South America » Brazil » Paraná » Foz do Iguaçu » Iguaçu National Park
September 27th 2008

Published: December 15th 2008

Edit Blog Post

shark7plus

Iguassu Falls

A World Heritage Site of "Great Waters", which is the meaning of "Iguassu"

<非一般旅程?!>

究竟我o地o既旅程有幾非一般? 其實離開Rio後，我o地下一個目o的地就係千幾公里外o既Iguassu Falls (巴西串法 - 葡萄牙文...講緊巴西...就用返巴西版啦~)~ 雖然距離有返咁上下...但係因為省錢o既問題...搭飛機就唔啱我o地啦...我等毅然踏上巴士之旅~ 而呢個都似乎係當地人遠行最常用o既方法...南美o既巴士網都可謂四通八達，幾乎度度都總會有車去~ 而且都價錢都同內陸機有一段距離~ 要付出o既....可能就是閣下的「八月十五」...因為如果好像我o地咁由Rio去Iguassu，係要搭成廿一二個小時的(真係搭差唔多成日...雖然...中途一定有得停下o既)...

<可惡的「巴西特色」?!>

講到南美o既交通，真係不得不提巴士~ 廿幾個鐘頭巴士，雖然聽落都幾「恐怖」下，但係對於我們呢o的能夠o係車上瞓到傻o既人們(甚至俾人拎走埋個袋都唔識醒(係我o地自己人做o既測試o黎o既...)...)都還可以啦~ 而且佢都唔係真係廿幾個鐘頭不停咁行，每隔幾個鐘同埋食飯時間都可以俾我o地落地行下同埋食飯~ 不過說真的，晚上o的路勁黑，而o的司機們又開得勁快，都咪話唔恐怖，無事都真係感謝主~

咁究竟搭咁耐車中途可以有咩食呢? 雖然我們曾經幻想過程車會包o野食，但係好快就證明我o地真係諗多左啦...不過午餐的時候，司機倒是停o左o係一處食自助餐的地方。o個度地方都幾大，而且都幾多o野食可以揀喎~ 我o地落車o既時候，o個度o既職員每人派o左張咭俾我o地，令我o地重燃「包o野食」o既希望~ 唔通真係可以食返餐豐富o既午餐? 後來，我o地見到攞完o野食o既人出去都要俾人「嘟一嘟」張咭，所以...都係唔會有咁大隻蛤乸隨街跳o架啦，於是我唯有盡揀一o的飽肚o既食物啦...不過...事情係無咁簡單的...當我o地攞完o野食去到o的counter o既時候我們發現了一樣東西，就是一個 --- 磅~!!

話說o係Rio陣時，我o地有問過下人究竟有o的咩食，佢o地有提及過一種斷Kg計錢o既自助餐，估唔到我o地會o係呢度遇上...這種「食量問責制」對我來說就真係死得啦...結果我o個碟o野比團友們o個o的o既重量多o左一截...而價錢亦都.........唉......可惡~!! 還好我都唔係好crazy咁攞，如果真係的話...我相信結果會更worse...始終...我想...我還是應該感恩的...haha~

巴西市內o既巴士還有另一個幾搞笑的地方，就是在車內有一道旋轉門，要俾o左車錢之後個職員先會放你入去。在Rio搭的時候倒是沒有甚麼問題，但是今次，因為我們是帶同我們所有行李去搭車...道門本身只夠一個人通過...現在我們還加上大背包呀...小背包呀...還有其他袋...真的要出盡九牛二虎之力才能擠過去...還好我們夠早，車上沒甚麼人，否則真係多得我o地唔少呢...

<嘩~~!!!>

幾經轉折...終於來到Iguassu National Park啦~ 雖然我o地都算係最早o個批o黎到排隊等入場，但係人都唔少呢~ 其實Iguassu Falls係巴西同阿根廷兩份o既，就好似加拿大同美國o既Niagara Falls咁。Iguassu Falls大大小小總共有成二百幾個瀑布，雖然好多都係o係阿根廷o個邊，但係巴西o個邊就好在有全境睇，可以望到對面一堆堆o既瀑布~ 加上我o地o黎o既時候天氣非常之好，陽光普照，令瀑布附近經常見到彩虹，令我o地眼前o既景色倍添色彩~ 我們只o係上去到條路o既起點見到第一堆瀑布已經「嘩~ 嘩~」聲，真係好靚~!

<好戲在後頭~>

當我o地仲o係第一個觀景台o既時候，雖然覺得景色係就係好靚，不過Iguassu Falls咁出名，應該唔止係咁吧? 當然啦，原來這個只係頭盤! 這條trail是一路通往Iguassu Falls中最大o既瀑布Devil's Throat的，沿途o的觀景台o既景色就一個比一個吸引；瀑布越來越多，也越來越近；而景色也越來越壯觀~!! 不過，要注意的是條trail其實係一條單程路，所以後面總有一大堆遊客如潮水般湧上來。停下來拍照都還可以，要是要「逆流而上」，就真係有o的難度啦...(所以每去到一個觀景台都真係影夠相係好走，如果唔係要再返o黎就......) 我們走到trail的最後部份，就迎來氣勢磅礡的Devil's Throat! 這裏水氣沖天，彩虹隨處可見，基本上可以說是被瀑布包圍，o的相機鏡頭同個人攞出o黎一陣就濕晒~ 走到木橋的最盡頭就能正面一睹Devil's Throat!! 不少人會比較巴西和阿根廷o既Devil's Throat景色，有人認為巴西的景色更勝一籌，因為在巴西那邊人們是從下而上觀看瀑布，相比在阿根廷那邊從上而下觀看，巴西那邊更有瀑布之水天上來o既攝人氣勢!! 難怪來自世界各地o既遊客都要到此睇一睇啦~ (所以在Devil's Throat下影張相都要排勁耐隊...另外，我o地仲係人羣當中聽到有些人講普通話! 原來國內o既同胞足跡都遍及呢度呢~)

另外，在Iguassu National Park內其實還有其他活動，如坐艇遊雨林和河流等可以一試，不過因為時候和金錢(這類活動在阿根廷那邊好像較經濟...)o既關係我o地都無玩了...離開Iguassu National Park之後我o地就要告別巴西了，因為我o地今晚會o係阿根廷o個邊過夜的了。於是我o地就搭o的類似皇崗o的「黃巴士」o既交通工具過阿根廷啦~ 不過由於我o地唔係即日過境來回，所以我o地要o係關口落車，chop個印再等下一班車先走得，點知一等...就等左成個鐘...真係等到人都呆晒(我要用拉筋o黎消磨時間...可想而知...)...去到阿根廷o既時候，天都黑了......

去到巴士總站，我們都順道為之後o既行程打聽一下資料，誰知，我們又遇上了難題啦! 究竟係咩? 請看下回分解~!!

<小插曲 - 保育與發展，矛盾也?>

從Foz do Iguassu除了可以去跟阿根廷接壤的Iguassu Falls外，還可以去跟巴拉圭接壤的Itaipu Dam(因為時間關係和興趣不太大，我們沒有去)。這座Itaipu Dam就好像Iguassu Falls般橫跨巴西與巴拉圭兩國，不同的是它是石屎做的。它曾經是世界上最大規模的水力發電設施，更有人稱它為現代七大奇蹟(現在它「世界最大規模」的地位已被祖國的三峽大壩取代了(這也是其中令我們唔去的原因...))。它提供的電力足夠四分之一個巴西差不多整個巴拉圭(九成)使用，而且工程令河水可更有效地用於農業及工業之上。然而，工程(包括把世界第七大河流Rio Parana改道)卻毀滅了大面積的熱帶雨林，把不少野生動植物推向絕路，還摧毀了當地土著的家園；而且更犠牲了Sete Quedas Falls - 一批跟Iguassu Falls規模相當的瀑布......

那值得嗎......?

Additional photos below

Photos: 69, Displayed: 22