布達佩斯→斯洛伐克→維也納(2006/7/24)

---

呢日係最後一o既行程,好巧妙地,我最後又番番去奧地利啦。去維也納。不過早上先經過斯洛伐克,落車行一行。斯洛伐克又係一個好靜o既地方。我地並冇睇咩景點,只係行左一行,就繼續搭車去維也納啦。維也納係一個大城市,有好多現代建築、大商店等。但係佢o既古建築都好多、好靚wor,維也納歌劇院啦、荷夫堡啦、國會大廈啦...都好古色古香。我地沿住環城大道參觀,重要o既時刻又泥啦。呢次我見到維也納o既莫札特像。o係我心裡面日思夜想o既一個畫面呈現o係我眼前。終於終於都實現左啦...予欲無言。我失控地狂跑去偶像o既懷抱,唔理眾人o既目光。呢次並冇野圍住佢,但佢實在太高,我冇辦法可以好似o係想像中咁攬住佢影張相😊不過都係o個句啦,我好滿足架啦。之後我地去行人專用區,係一個新舊交錯o既購物區,有兩個鐘free time。之後食完飯,就番酒店lu。到此為止啦!其實都未o既,仲有一日飛機上o既行程!

---

Photos

荷夫堡
原本係哈布斯堡皇朝o既皇宮，宜家係維也納兒童合唱團o既表演場地。

'calling mozart'
哈哈。

有軌電車
呀,又係呢d我鍾意o既車。

mostly mozart
主要賣莫札特野o既店,o係行人專用區入面有兩間。

莫札特畫
價值€400!

莫札特
有得睇,冇得攬。