Advertisement
Published: January 9th 2008
P1060804
小樽hello kitty杯連碟好早就要起身, 執好晒野就去食早餐, 個view勁靚~ 我地就由札幌乘車到千歲機場, 坐內陸機返東京~ 去到東京已經中午喇~ 因為東京返hk班機要6.30pm先有得坐, 所以導遊比我地自由起起海濱幕張站, 最近機場既gardenwalk outlet度食lunch & 最後衝刺行街買野~ 我地先行街, 行左agnes b, 0烏.... 好靚 & 超級跳樓價既白色手袋~ 幾經掙扎都係冇買到... 我已經有左個agnes b同埋burberry袋返工, 個小手袋白色好易污糟, 細得滯裝唔到太多野啦 (響度好努力0甘說服自己冇後悔, 因為我返到黎hk找yahoo bit/agnes b官網/hk agnes b都冇!)... 另外起一間鞋舖睇中左對返工既高跟鞋, 0烏!! 冇合適我既碼, 退而求其次試多對差唔多款既, 好合適但自己都係鍾意試既1st對, 所以冇買到~
我地去左求其一間日本定食店吃lunch, 非常之好味!!!!!!!!!!!!!! 佢地係即刻炸d野食, 炸完出黎既野食好鬆化, 唔似hk0甘, 一d都唔似用麵包"康"炸, 唔知係乜野黎架呢~ 食飽後行多陣outlet我地就坐返車去成田機場~ 因為有逆風所以坐得有少少唔舒服, 部機好"long", 去廁所時搖到我都有少少驚! 機師就predict要成5個hrs先返到hk, 當部機再飛高d就定好多喇, 吃完晚餐打左陣機, 熄晒燈好累0甘訓左.... 訓左半個hr就熱醒, 同埋坐得太耐喇好唔舒服!! 返到hk 已經差不多零晨12點喇~ 好gap... 可能起北海道凍得滯, 手指公"吵"晒皮, 過唔到e道 ~_~" 返到屋企已經差不多1am~
呢次東京 + 北海道之旅真係好難忘!! 第一次去到1個0甘凍既地方旅行, 因為所有室內都有暖氣, 所以我身體完全冇問題, 之前都驚會繼續病倒~ 日本比我既感覺好乾淨, d人好有禮貌, 無論做乜野行業, 都好盡心盡力做好既地方~ 最impress係起狸小路買波鞋個sales, 好努力地用晒佢識既英文表達, 努力去查最近邊度有合size既鞋, 完全冇理會出面落緊大雪叫我地等10mins跑出去最近既分店拿波鞋過黎比我地~ 可能你會覺得我地去遊客區d人梗係好禮貌, 但正如導遊所講, 日本既文化係0甘, 好講禮儀的~ 風和日禮既雪車場風景, 太平洋就在咫尺既風景, 近距離餵棕熊, 微雪中溫泉既景象... 呢次旅程真係令我畢生難忘!
希望下次可以起夏天黎過北海道睇花, 可以去多次小樽, 因為太少時間行喇~ 而冬天時, 希望可以去旭山動物公園睇企鵝巡遊, 可以再去拉麵街吃拉麵.....
Advertisement
Tot: 0.098s; Tpl: 0.012s; cc: 10; qc: 49; dbt: 0.0456s; 1; m:domysql w:travelblog (10.17.0.13); sld: 1;
; mem: 1.1mb
