ceng

Nach em ne super guete Zmorge mit richtig chnuschprigem Brot und feiner Erdbeerconfi :-)) hei mir ues is Getuemmel vo La Paz begaeh. Ueses Hotel isch i der Naechi vom Witches Market gsi. Dert cha me so ziemlech aues choufe vo Alpaca Chleider bis zu troechnete Lama Embrios. Die waerde anschiinend vor em Huus vergrabe und soeue Glueck bringe. Mir hei ues de ufs Shoppe vo Alpaca Chleider beschraenkt ;-) Der Thomas het de ou no ae Bolivianische Coiffeur usprobiert und het sech ou no grad la rasiere. Das het raecht kriminell usgseh, aber ds Ergaebnis isch guet gsi. A daem Namittag het de no die Bolivianischi Nati gaege Argentinie gspieut und het 6:1 gwunne. D'Argentinier hei natuerlech gseit, es sigi a der Hoechi vo La Paz glaege, doch immerhin ueber 3500 m.ue.M. D'Bolivianer hei natuerlech ... read more

In la Rioja si mir de vo uesem Guide am Busbahnhof abgholt worde und si zersch mau is Hotel. Im Bus isch es naemlech raecht warm worde und in La Rioja saeuber isch es ou oepe 40 Grad gsi. Drum si mir de froh gsi , dass mir zersch mau unter d'Duschi hei choenne. Und denn hei mir ues uf d'Mission "wie trickse ich die Argentinischen Banken aus" gmacht. Es isch naemlech so, dass me in Argentinie als Auslaender nume der Gaegewaert vo 200 USD pro Tag cha abhaebe. Da uesi Tour aber chli meh gchoschtet het und mir in Bar hei muesse zahle, si mer a ne Platz gange, wo mehrei Banke si gsi und hei gliichzitig bi zwene Banke (mir hei uf ds gliiche Konto zwe Charte) je 200 USD abghobe. Das het de ... read more

Nachdaem mir ues usgrueht hei, si mir parat gsi, zum Santiago go z'erkunde...aber Santiago isch no nid parat gsi fuer ues. Woeu Sunntig isch gsi, isch praktisch aues zue gsi und d'Stadt isch wie usgstorbe gsi. Drum hei mir nume ae churzi Tour ds Fuess gmacht und si denn wieder zrugg is Hostal und churz ume Egge go Sushi zum Znacht aesse. Am naechschte Morge hei mir de der Armin lehre kenne. Ihm ghoert ds Hostal und aer het uf sire Homepage ou gschriebe gha, dass aer Wiitoure tuet organisiere. Nachdaem mir de chli mit ihm gred hei, hei mir ihn fuer 2 Taeg "engagiert", zum ues chli um Santiago ume i de Wiigueter umedsfahre. I dene Wiigebiet muess me immer vorreserviere und es isch ziemlech wit usenand und umstaendlech. Drum isch das nid ganz die ... read more

Jetz si mir scho wieder fasch ae Wuche da in Buenos Aires. Die Stadt isch super genial!! Am erschte Tag hei mir scho zum Laurent (ae aute Schueukolleg vom Thomas) und sire Fruendin, der Jimena doerfe hei go z'Nacht aesse. Natuerlech hets denn aes schoens Stueck Fleisch ufem Grill gaeh und ae gueti Flaesche Wii...mhhh Und denn hei mir d'Stadt afah uf eigeti Fuscht entdecke. Mir si chli duer "ueses" Quartier, Palermo, gschlaenderet und hei ab und zue mau wieder es Kaefeli trunke oder oepis chliises gaesse. A de Oebe si mer de einisch is Eva (Evita) Musical gange, einisch i ne Tango Show und mau no suesch a nes Konzaert. Und am Sunntig Namittag si mer no go ne Fuessballmatch luege. D'Heimmannschaft het 5:1 gwunne!! Ds erschte Goal isch scho nach oepe 1re Minute gfalle. ... read more

Nachdaem mir mit es Bitzeli Verspaetig im Park Torres del Paine ahcho si, si mir voller Entusiasmus churz nach der Ahkunft i der erschte Lodge (Las Torres) ufbroche zu de beruehmte Torres. Das isch ds Felsmassiv, wo daem Park der Name gaeh het. Ufem Waeg hei mir zwoei Schwiizer troffe, wo ues gseit hei, si sige jetz 3 Taeg i der Noechi vo dene Gipfel campiert und es heigi nume gschiffet und si heige ueberhoupt nuet gseh. Vo der Lodge us hei mir d'Torres ou no nid gseh, aber es het so usgseh, aus wuerdis no ufmache. De hei mir ues a Ufstiig gmacht, wo mit oepe 4 Stund ahgaeh gsi isch. Mit uesne chline Rucksaeck hei mir de inkl. Pouse oepe 3.5 Stund gha und wie bstellt isch es dobe ahcho wunderschoens Waetter gsi. Und ... read more